《男人多情而長情，女人專情而絕情》: 第十七章
我好好安慰佢地，但我知佢地其實唔係想要我既安慰，係想要女女既安慰。
呢件事我有同康僑講，佢知道即刻好興奮。
「真係嫁?我不嬲都好想同你班朋友食下飯嫁啦。」
「下?點解呀?」唔通佢對我班毒向左走向右走有意思?
「咁我想認識你身邊D人嫁啦，想你介紹我俾佢地識囉。」
「當一段感情想要穩定，就需要融入到佢生活圈子。」
「而你既朋友就差唔多占據左一半圈子啦，係咪?」
佢碌大隻眼望住我，好精靈咁望住我，好cute 。
真係有時頂唔到佢可愛既轟襲。
呢個係我同康僑第一個一齊過既聖誕節。
毒向左走向右走心既我，真係咩都為佢做，俾曬所有既愛佢。
我怕就怕到時會尷尬，話曬得我一個帶女去。
文西佢地又無女，一個女仔係果種場面真係會唔知講D咩好嫁嘛。
我仲為康僑準備左份禮物，準備左成個月嫁。
我摺左一盒心心俾佢，每個心心都寫左好多野俾佢，全部都係我既心底話。
多謝佢走入我既生命入面。
可以應承佢既承諾我一定會實現。
想同佢慢慢一齊變老。
想拖住佢走到生命既盡頭。
好多謝上天將咁好既佢俾左我。
仲寫左好多嫁，但肉麻野就廢是俾你地睇啦，驚你地嘔呀。
到左聖誕果晚，我都著得好型仔。
黑色牛仔褲，配Timberland，藍色恤衫加啡色皮外套。
為左唔想俾人有違和感，我特登去問人意見，我去問方子龍，其實毒向左走向右走真係無咩朋友。
佢話唔會有違和感呀，仲陪我去揀衫，呢一set都係佢幫我揀既。
佢幫左我好多嫁，因為咁樣我同佢都好FD，今晚呢餐飯佢都有黎呀。
我係地鐵站口等康僑黎，平時都會準時既佢，今次竟然會遲到。
我拎住份禮份等佢，好期待佢睇到份禮份既開心樣。
唔知大家有無咁既經驗，送禮份俾自己心愛既人。
都會幻想佢收到禮份時既表情，反應。
只要佢開心，驚喜，就算份禮份幾貴，要做幾難都好，都好滿足。
愛情就係咁寶貴，因為呢D都無得用錢黎衡量。
當我係諗緊野既同時，有人係我眼前揮揮手。
廿康僑佢唔聲唔聲出現係我面前，今晚佢唔算著得好隆重，反而普普通通咁顯得佢更有氣質。
佢著藍色牛仔褲配adidas superstar，上身著左件有帽厚嬲，帽有毛毛。
睇落好cute同帶點氣質係度。
「做咩事企係度發呆呀?見到我又望到我呆曬咁，唔夠訓呀你?」
見佢出聲我先識反應過黎，「唔係呀，諗緊野炸嘛。」
「諗緊咩呀咁你?」佢伸隻過黎搣我塊面，「實唔方好野啦。」
我緊係唔會話俾佢知，我諗既野全部都係你。
唔通我同你講諗既都係你咩，我就係無講。
「今日做咩遲到既你？平時你都唔會遲到嫁？」
「今晚特別?，諗著衫諗好耐呀。」原來佢都好重視聖誕。
咁多年，年年聖誕俾我既感覺好溫馨，但又好孤獨，對於呢一次聖誕節我都好期待，但無諗到佢都一樣咁重視，果種心有靈犀既感覺更令我確定，佢就係我要搵既人。
「好啦，男朋友等女朋友天經地義既。」
「行啦，文西佢地係上面等緊我地。」我拖住佢隻手行上去。
一路拖住佢係街度行，發覺好多眼睛望住我地。
平時既我你地會望？依家先識得望！無你地份嫁啦。
我帶住人生勝利組既姿態行完呢一段路，好像明星咁出黎行，人都有自信d。
我地今晚食放題，上到去，佢地已經坐曬係度等緊我地，仲剩底左好出面既位俾我地。
一黎到就嗌曬「華嫂，華嫂。」
男仔就係咁，超鐘意搞到氣氛勁尷尬，我都唔知點樣搵位俾康僑落。
「夠啦你班hihi仔，俾下面好喔。」身為男人係要兇返佢地先得。
但我見康僑佢笑得幾開心下。
「呀嫂好似唔係好介意喔，呵？」坐我隔離果個毒向左走向右走傑都幾明察秋毫喔。
「緊係啦，你地咁搞笑，點會介意姐，係咪？」佢串返呀傑轉頭。
「好啦，快D點野啦，我好肚餓呀，等左你地咁耐。」方子龍推張菜單俾我地。
的確方子龍係度，佢係我叫黎既，始終我對佢既介心已經無乜，當佢係朋友咁睇，我又無咩朋友，叫埋佢都無咩所謂啦。
康僑佢都好俾面我，撓住我隻手點野食，我當然都執輸，野食黎既時候都會分D俾佢呀。
文西佢地見到都會偷偷地咁笑，可能我做得太Seven先俾佢笑，或者覺得男人老狗做埋曬D咁既野。
但康僑佢開心就得啦，就咩都夠曬。
「係呢康僑，你同佢點開始嫁？」文西佢坐係我對面問道。
方子龍就坐係康僑隔離，一直係度覆msg，放低部電話又黎「登、登、登」無停過。
我隔離係毒向左走向右走明，對面係毒向左走向右走傑。
康僑佢望住我，「係我追華Dee先既。」佢竟然咁坦白就講出黎 ？
全部人都「下」出黎
「點會呀？」
「媽呀！點解佢咁好運嫁？」
「這些機會真係不是我的。」
「點解你會鐘意佢既？」
呢個問題我都想知佢會點樣答。
「我覺得鐘意一個人唔需要咩理由嫁。」佢伸個頭出黎，側一側咁講，由佢把口講出黎就係唔同，就係特別有道理。
「但佢有好多優點嫁，」佢搭一搭我膊頭。
「佢會知我黎M好辛苦既時候，提我唔好飲凍野。」
「佢會係過馬路既時候拉我入埋邊，拖住我。」
「佢會係我唔開心既時候俾隻手我咬，用黎發洩。」
「係我最需要佢既時候，一個電話就會過黎我身邊。」
「呢D係我同佢一齊之後慢慢發現，雖然只係好小野，但女仔會放係心度。」
「佢既全部就係我鐘意佢既原因。」
佢講完全場靜左一靜，之後文西「哇」左出黎，「真係好命囉華仔。」
「車，仲以為有咩咁巴閉添。」毒向左走向右走傑佢咬住支飲管講，咬到扁曬。
我感覺到佢地雖然講得好難聽，但feel到佢地好酸，眼神帶點佩服。
進住佢地既神情，的確呢種感覺我從來未曾試過。
果種自豪感，得到朋友既認同，感覺原來咁正。
係我同康僑拍拖之前，係從未試過。
我好陶醉當下。
亦因為有康僑係度而自豪。
識到佢以前，我只係毒向左走向右走一名，如今我脫毒了。
我係康僑身上得到了想要既一切。
食完飯之後，康僑佢想拎銀包出黎，但俾我制止左，最尾呢一餐係由我俾。
我拖住康僑同佢地講，「我地走啦，你地玩得開心D啦。」
「走啦你，我地唔想搞大件事呀。」文西佢好似趕狗咁趕我走。
「今晚小心D呀，記得帶套呀。」
「唔想你咁快就做爸爸呀，我未想做契爹住呀。」
毒向左走向右走把口係臭D，我都唔同佢地一般見識，「男朋友就有你份。」
同佢地道別後，我就同康僑慢慢行去尖沙咀。
聽講佢地想去睇下戲，之後食糖水吹水喔，不過我地年年都係咁嫁啦。
今年係我特別D，有身邊呢D女仔陪住我。
唔洗再感受平時聖誕既果種孤單寂寞。
我拖住係馬路上面慢慢行，途中好多都一雙一對，仲要好逼。
我攬住康僑條腰行，怕佢走失。
行左一陣，康僑就嗌攰啦。
「好攰呀，仲要行幾耐呀？」
呢句搞到我有D覺得佢好港女，但佢平時有做開運動，唔會咁易攰呀照道理黎講。
「咩事呀？平時你都有做開運動，咁易攰既？」
「我都唔知呀，可能呢排唔夠訓掛。」
死啦，突然間咁講我都唔知點算好嫁。
「咁點算呀？洗唔洗搵個地方坐下呀？」
佢擰一擰頭，「唔洗啦，不如返屋企抖抖呀？」
下？返屋企抖？
「下？返屋企？依家？」唔係掛？平安夜真係失身夜？
「仲未倒數喔，我仲諗住同你行到去碼頭果邊添。」
「但我隻腳無力啦，真係好攰，不如返去啦？」
依家尖沙咀成條路都係人，D人逼黎逼去，你要出返去真係唔好話易呀。
「咁好啦，我地一陣係前面搵位走啦。」
咁返邊個屋企呀？我屋企有老豆老母，家姐就年年都山去搵fd既。
「咁返邊個屋企呀？」明知都要故問嫁啦。
「我屋企啦，我屋企人去曬旅行。」佢講完呢句既時候係低住頭講，唔夠膽望住我。