《男人多情而長情，女人專情而絕情》: 第二十章
得！原來佢鐘意跳跳虎既。
唔好覺得奇怪，拍左拖咁耐都唔知自己條女鐘意D咩。
而係佢真係無講過，問佢鐘意D咩，佢話鐘意你呀，無黎正經咁答你，你又點會知呢？
依家我知下次送禮物送咩好啦，咁我就唔洗煩惱咁耐啦。
我開一開佢書枱既櫃桶，好多證件呀同書信。
本來我都覺得無咩野，但我睇到一封信......
我想拎黎睇，但康僑就入左黎。
我嚇左一嚇，即刻閂埋個櫃桶。
好彩佢睇緊D心心，睇唔到我打開左佢櫃桶。
「你係度搞咩呀？入黎我間房，唔通想......?」佢越黎越大膽，開始玩性間示啦。
「我黎觀察下你間房姐，無咩野，無無聊聊咁。」打死唔敢話用黎搵你既資料。
「係呢？你做咩入黎既？你揾到啦？睇曬啦？」我想趕佢走，但其實呢度明明係佢間房。
「緊係未啦，你整得咁鬼多。」
「咁你入黎做乜鬼呀？」我有小小唔耐煩。
「無呀，我想問點解你咁多心心都有寫野，但呢個心心無野既？咩字都無既？
Shit，忙中有錯，有個心唔記得寫野，摺完就咁放左落去。
「無呀，呢個係俾你寫嫁嘛，咁我寫左咁多，你寫返個送返俾我都好應該姐下話？」
我真係兜得勁呀，咁都兜到。
「哦，係呀？咁我出去寫先，同埋睇剩底既心心。」講完佢就出左去。
佢閂埋房門之後3秒到，確保佢離開左，我先夠膽再次拉開個櫃桶。
拉左櫃桶之前，我真係幾希望自己眼花睇錯。
我慢慢拉開個櫃桶，點知真係無睇錯——
係方子龍寫俾康僑既信。
我信唔信佢好呢？
我知道佢地無野既，定係佢地之前就有曖昧過？
好多可能性出現係我腦海度，搞到我好想確認呢D可能性，我好想打開封信。
但我怕康僑佢無啦啦又入黎，到時我都唔知點兜。
我係房入面來回踱步，諗有咩方法同成件事係點。
最後我都係諗到方法，就係拎手機出黎拍低封信。
我即刻拎出黎影，影完就將封信擺返原位。
我唔敢依家睇內容，我想等到返屋企先睇。
我選擇依家唔睇，係因為怕康僑佢突然間衝入黎就死火。
咁反正呢度都無咩野好睇，就出返去睇下康僑佢得未啦。
如無意外，佢都仲睇緊。
「睇咁鬼耐嫁，睇完未呀？」我閂埋康僑間房，然後嗌出黎。
姨，無人應我既？
佢間房係走廊最入，唔似得公屋一出黎就係客廳。
我行出去揾佢，佢都仲好專心咁緊，我慢慢坐低，然後攬住佢，睇下佢睇到邊。
佢都睇左一半，仲有一半未睇。
我就靜靜咁坐係度等佢睇埋先。
等到好眼訓，我都唔知過左幾耐，過程佢一句聲都無講過。
終於佢睇完啦，佢跟手開始摺返好D心心，佢拆既時候係無摺返好，睇完之後先摺。
好啦，咁我又等佢摺埋啦喔。
佢輕輕力將個盒合埋，過程感覺到佢好珍而重之。
佢終於開聲，「從來無男仔咁為我，只有我為佢地付出，依...依家你...你竟然咁為我。」佢哽咽咁講。
我聽起上黎都覺得心酸。我做既唔算得係D乜，其實好多男仔都做得到，甚至俾到更多我俾唔到野。
但究竟佢可以遇上D咩事，令佢覺得呢一切咁珍貴？
不過我都好多謝以前對康僑咁衰既人，因為佢地教識康僑咩先係最寶貴。
如果遇著D死狗公，寵到佢壞曬，我諗就不得了啦。
佢係我懷抱入面恩愛左一陣，D肉麻野就廢是同你地分享啦。
跟住我地都攰，就去各自去沖涼，然後就準備去訓。
經過岩岩係床上發生過既野，我真係一步一步變得大膽。
毒向左走向右走就係咁嫁啦，做得一次，就會慢慢大膽，其實毒向左走向右走只係少咁D機會俾佢接觸呢D野。
亦唔係個個毒向左走向右走好似我咁好彩。
離開左康僑，我都唔知自己仲有無咁好彩同把握，會遇上比佢更好既女仔。
到訓既時候，我亦無咁怕羞，直接攬住佢訓。
如果無發生過果D事，我諗我唔會咁直接咁做，我實會傻下傻下咁分開訓。
但佢都好enjoy我攬住佢訓，佢張床都幾大下，算係訓得幾鬆動。
成晚攬住佢訓既感覺好正，平時自己一個人訓既我，點會想像到今時今日既情景下。
想到呢度，不禁感嘆自己以前可悲既人生，留下了一滴男兒淚。
我好舒服咁訓到聽朝，我比較早起身，佢就訓到隻豬咁。
但係我懷裡既佢，著實迷人，熟睡既臉龐，口邊留有幾滴口水，果個畫面確係唯美。
我輕輕同慢慢咁甩開佢，去一去廁所。
去完廁所返黎，習慣性睇下手機幾點，點知我收到一個msg......
後來諗返起，我真係寧願無收到過果個msg......
我拎起部電話睇，係一個陌生既電話傳俾我，意味著我係唔識果個人，但佢講到同我好熟咁。
陌生人：「靚仔，有無掛住我呀？」
我一收到就覺得呢條友仔係咪痴線嫁？
但我無放係心度，我無覆佢，我走返去繼續訓教。
我攬住康僑，回去我岩前既夢鄉。
訓訓下，發覺無野攬既？先知康僑佢起左身。
我無理到，我繼續訓。
係半夢半醒既時候，我俾康僑叫醒食早餐，哇，真係難得呀。
即刻彈起身，去刷牙洗臉，刷牙既時候係度諗，如果我係住呢d地方你話幾好呢？真係同人唔同命。
刷完牙洗完臉，就埋位同康僑享受呢份咁美好既早餐。
「你煮嫁？」我問佢。
「係呀。」我見佢眼神有d閃縮。
睇賣相幾正咁，滑蛋腸仔加火腿，仲有個公仔面，但個公仔面係無加任何野。
做人就唔好咁高要求，有人肯為你煮已經好好，我已經好感動好滿足。
一食落口，食個滑蛋腸仔，我就知道發生咩事。
呢種味道同我係大家樂食既一模一樣。
我之前放暑假，我老母大人日日都買大家樂早餐返黎，我點會唔知果陣味？
所以我一食就食得出，而且賣相有d似大家樂整既。
加上佢岩先閃閃縮縮既眼神，我就明係咩一回事。
但我仍然都覺得好感動。
呢度幾偏僻，留下無野食賣，得超市，佢要去買都要行勁遠，坐的士都需要時間。
但佢為左我願意去咁遠買，佢為左唔令我懷疑，仲要煮多個公仔面，廢是俾我拆穿。
佢既努力，愛我既表現我係收到。
我既付出，亦都有回報。
「幾好食喔你煮得，估唔到你咁識煮野食。」
我無拆穿佢，呢種謊言，出於善意就無傷大雅，反而會增進感情。
「真係既？你試下個面呀，睇下好唔好食。」佢聽完我讚佢好興奮，期待我試佢真正既「手藝」。
「咁你呢？你食咩？定你食左啦？」
「我食左啦。」佢笑一笑道。
我估佢係未食，太著緊我所以無整我果份，係無證據嫁啦，但呢?都係直覺話俾我知。
「個面幾好食喔，不過加返料就好啦。」扮下野俾返d意見佢都要既。
佢一臉幸福咁，此刻既康僑覺得，可以為心愛既人煮野食係件好幸福既事。
「我食飽啦，你幫我食埋剩底果?呀。」我特登既。
「下？」
「我食唔曬呀，你幫我食d啦。」