《男人多情而長情，女人專情而絕情》: 第二十八章
「有邊個後生無做錯過呀？你家姐我都係咁樣行過黎既，所以唔好怕，唔好因為咁樣一厥不振。」
「有咩事家姐都支持你。」佢摸一摸我個頭。
好像返左去以前細細個，當我做錯野，百厭既時候，家姐佢都會摸一摸我個頭。
果個場景如此溫馨，無家姐係呢個暑假陪住我，我驚我到依家都未走得返出黎。
我又返到去毒向左走向右走華既我，曾經無咩點玩既文西幫，我又加入返入去。
但其實好多野都係度不繼咁變緊。
我融入唔到佢地話題，我連我地平常一齊去食既茶餐廳執左粒都唔知。
文西佢拍緊拖，對象係隔離學校，係補習社識，唔係好靚女，但都識得分配時間俾兄弟。
毒向左走向右走傑換左打J既對象，以前佢換既時候我地點都會知，仲一齊討論邊個正邊個好J。
一切都唔同曬，原來世界變得好快。
可想以知我有幾耐無關心過佢地呀？
做人做到我咁真係好失敗。
曾經既我都錯過，都迷茫過，但慶幸我身邊既朋友都無離開過我。
文西佢地有問我咩事，亦有陪住我安慰我，我先至無咁樣頹廢落去。
只係又變返之前咁姐，無咩野既。
一切還完，我既生活重新歸零，好似咩都無發生過，好似發左場夢咁囉。
暑假好快就咁完左，康僑好似係我生命中消失左咁，由習慣左無佢既生活唔得到習慣左可以無佢既生活。
呢個轉變真係唔容易，本來可以有個甜甜蜜蜜既暑假，搞到咁係自己一手造成。
我唔敢搵KaKa，亦都唔想搵KaKa，就由佢成為一個回憶啦。
雖然有時會掛住佢，想念當日既吻。
但我深知誰人係我心中比較重要，唔知點解呢D野我分得好開。
今日係我中五開學日，唔知點解我會緊張，因為可以見到康僑。
但可能見唔到佢，因為我既關係，我覺得。
今日我早左好多起身，因為夜晚緊張到訓唔著。
會有呢種感覺，已經係當時同康僑岩岩一齊既時候啦。
依家好似去返以前咁，但又有D唔同，哈哈，自己苦笑左一下。
呢個暑假既笑容係苦多過甜既。
我又好似上年咁，最早一個返到課室。
揀返同一個座位，事情好似重新黎過咁。
上年既心態同今年既心態已經唔一樣。
上年為既係一個人，今年為既係一個人。
如上一年，我隔離都係無人座。
但同上年唔同既係，係有人同我say嗨既。
感覺上無咁孤單寂寞。
亦有D人問我：「咦，康僑呢？」
我睇得佢只係好奇姐，但我都唔知點樣答佢好。
「我早D返黎見佢呀嘛。」就hea佢。
今次康僑佢唔係最後一個入黎，佢係同我地班上既其中一個人一齊行入黎。
然後佢唔再以佢熟悉既笑容望過黎，熱情咁走過黎。
佢正眼都無望過我一眼，當我無到咁。
同佢朋友自己揀左個位置坐，有講有笑咁。
佢同兩個月前唔同左，佢變靚左。
化左妝返學，以前唔會／唔識化妝既佢，竟然會打扮到咁。
而且佢唔係化到過份果種，而係岩岩好，要仔細睇先知佢有化到，遠睇完全唔覺，呃得下人。
雖然我都係鐘意佢以前咁樸素既佢，但依家邊度輪到我話事呀？
而我同以前無咩分別，毒向左走向右走一名，咁樣既對比，更顯得自己毒上加毒。
我同康僑身處係同一個班房，伸手就可以觸摸到佢既距離。
但卻越黎越遠，兩個人既心唔再連埋一齊。
原來最痛苦既唔係暑假岩岩分開果陣，而係依家見返面，大家唔識大家咁。
每日我都會忍唔住佢留意佢既一舉一動，留意康僑有無望過黎。
一次一次期望佢會望過黎，話俾我知，其實佢都仲有留意我。
但換黎既係一次又一次既失望。
開左學一個禮拜，班主任都未換位，我依然係自己一個坐，孤伶伶咁。
而呢一，兩個禮拜，我無同康僑講過任何野。
呢一種感覺真係唔好受。
直至幾日前，個班主任終於肯排位啦，我個心好緊張，想同康僑佢坐。
我不停係度祈禱，希望可以俾我同康僑坐埋一齊。
但可惜呀，緣份唔俾我同佢一齊就唔會俾我地一齊。
我同個學霸坐，而佢，同方子龍坐。
我地天各一方。
到lunch既時候，我lunch好似以前咁，同返文西佢地出去食。
但果一日既lunch，方子龍又黎搵我......
方子龍佢咁樣叫到我，我無理由唔去啦係咪？
但我聽佢既語氣就知道，咁獲碌Seven啦。
「沈澱華，一陣lunch同我食餐飯啦。」佢既語氣係話俾我知，你無得say no，無你可以選擇既餘地。
我死狗都話好嫁啦，平時好好脾氣既方子龍，都會咁樣，真係好得人驚。
我同你地講，呢個世界最唔好惹既唔係D咩十惡不赦既惡人，而係D好溫順既小綿羊，當佢發起癲上黎，博曬命咁樣，殺死獅子老虎都得呀。
佢地會出盡辦法，而且你唔會知佢既潛力有幾大，去到盡既底線有幾底，咁先恐怖。
所以我係好驚，唔知佢會做D咩野出黎。
男人應該抵受得了誘惑，女人應該抵受得了寂寞。
而我係抵受唔住誘惑既Hi Hi，路係自己揀既，所以係時候要面對。
一到lunch，我就跟左方子龍出去。
沿路佢都無出過聲，低頭插袋咁行，係好mk既個動作，但佢依家既威嚴令我覺得唔mk，反添多服殺氣。
佢無帶到我去餐廳，而係帶左我去海邊。
D海風一野一野咁拍埋黎，個場面，好似電影入面要打鬥既兩個人咁。
諗返起方子龍寫俾康僑果封信，佢對我如此信任，但搞到咁。
我令到好多對我有信任既人大失所望，係我慚對佢地。
要打要殺我都悉隨尊便。
方子龍望一望海，睇黎好似無想要郁手既動機。
我行埋去，同佢企埋一齊，唔出聲。
我一路估佢想講咩，一路回想緊我同康僑既野。
我唔知點解釋俾方子龍聽我既感受，但我了解方子龍既憤怒。
「我估你都唔知，康僑踢爆左你件事既當晚，佢打電話過黎搵我。」佢終於都開聲，但佢一講野，我就唔知講咩好。
「佢係喊住黎打俾我。」佢擰一擰個頭過黎，用好兇狠既眼神望住我，我完全感受到佢眼中既怒氣。
「佢喊住同我講佢唔敢相信你會做D咁既野。」
「康僑話佢係睇出你既真心，但當佢聽到你話，我地既感情淡左，無咁愛佢既時候，佢個心好痛好痛。」
「佢話原來越真心既野越係傷人。」
我唔知點解方子龍會同我講呢D野，但我依家先知道康僑佢果一日既心情。
「我估你最想知既係點解康僑果一日會出現係果度啦係咪？」
佢估得好岩，如果佢無出現，成件事就唔會搞到咁。
我「嗯」左一聲，因為我個心已經慚愧到講唔到野。
「因為果一日佢係約左朋友食飯，呢樣我諗你知嫁啦？」依家諗返起，係呀，無錯。
「佢果個朋友都係住同一橦，亦都識KaKa，同一間學校，但只係佢地無咁熟，而佢地都唔鐘意KaKa呢一種女仔。」
「女仔唔鐘意一個女仔係唔需要理由，唔同男仔。」
「男仔唔鐘意某D男仔係因為佢MK，講野臭串，咁樣啦。」
「但女仔唔鐘意就係唔鐘意，睇你唔順眼就唔順眼。」
「果一晚，康僑個朋友有心事先康僑出黎，食完飯覺得唔夠皮就出左去佢屋企繼續吹。」
「本來佢都想留耐D吹水吹耐D，話曬咁難得可以吹咁耐，但康僑佢醒起聽日約左你，想聽日同你開開心心去拍個拖咁，就話要早走，點知一早走，就見到你同KaKa.....」
「之後發生左咩，你自己都知嫁啦，唔洗我多講啦。」佢多講果兩個字加重左個語氣。
我明，知道左之後，只係令自己個心更加內疚，呢種感受真係會記一世。
「你.....仲有無咩想問，仲有無咩想知？」方子龍佢竟然會咁樣問我？點解佢要對我咁好？我睇唔透。
係佢面前我真係好卑微，好弱小。
「無啦，其實我估唔到你會話俾我知。」我想知點解佢會講俾我呢知Hi Hi知.....
「因為我覺得你都有權知道呢件事，你有知情權，但我講俾你知唔代表我認同你咁樣做。」
「係既。」我明白。
「行啦去食野啦，今日想食m記。」佢拍一拍我膊頭。
Hi佢拍果下真係好向左走向右走痛呀大佬，都唔留力既。
一路食咬住個魚柳飽一路講，「其實以前我真係相信你會俾到幸福。」
「但你始終都係男人，都係抵受唔住誘惑。」
「人始終都係要做錯過野先識珍惜，但往往無咁多機會俾你珍惜，珍惜係要黎得及時。」
「依家我唔知康僑佢點，但我知佢真係唔相信愛情。」
「我同康僑都互相錯過，我同康僑已經無可能，我搵到比自己更加重要既人...」
「你拍緊拖？」我問方子龍。
「係呀，係暑假既時候，差唔多係你地分手既時候。」
傷心既事係傷心既時候提起，係會更加傷心。
聽佢講康僑唔相信愛情，我真係好痛......
我何嘗唔係呀？因為我真係唔清楚自己要咩。
唔知自己想點，追返佢？我無信心。
由佢？我唔甘心。