《男人多情而長情，女人專情而絕情》: 第三十二章
點都要整到最靚仔俾人地睇。
set好曬啦，就好出發啦，我同文西佢地一齊坐的士去，
雖然落車既時候都無咩人睇，但果一刻我係覺得自己最型仔最有錢既時候。
特別係開車門，行出黎果第一步，覺得自己十足十周潤發咁有霸氣。
上到去，揾返自己班坐低，無咩人之餘，我同我班上既人都唔熟，除左方子龍。
但方子龍佢有野做，陪唔到我。
班上既人都陸陸續績咁黎到，好多都係一群咁黎，一群咁坐低。
自己就單丁咁坐係度，都唔知同佢地講D咩好。
但係.....仲未見康僑入黎。
我期待佢今晚著咩黎，一定好靚，所以我由坐低果刻起，就不停咁盯實個門口唔放。
但就黎開場，佢都仲未黎到。
我想俾佢睇到我依家最靚仔既一面。
果然，係臨開場前一分鐘，佢趕到過黎。
主角真係鐘意最後先黎。
佢行入黎就好似D電影明星，同我呢D周潤發邊有得比呀?
因為佢行入黎都好有氣質。
我觀察過嫁啦，其他女仔入黎都係兩手fing fing，無D儀態，大搖大擺咁。
係得康僑佢會雙手擺前，完全睇唔出有一絲既造作，佢俾人既感覺就係咁渾然天成。
佢一入場既時候，全場係靜曬，正係睇住康僑。
好難想像康僑以前係我條女，依家我真係追都唔敢追，佢會係我心入既女神囉，怪就怪自己以前自己唔識野，唔好好珍惜啦。
康僑佢著一條黑色連身裙同黑色高跟鞋，好乎合佢簡約既風格。
同樣流露出佢高貴既格調，佢條連身裙最大既賣點就係佢係勁露背。
係後面睇真係睇到康僑性感既背部。
文西佢地黎都係為左睇女姐，佢地都係度眼甘甘咁望住康僑。
如果我仲係佢男朋友，我實唔會俾佢露咁多肉，俾呢D咸濕仔望住曬。
「唉，依家康僑真係好正喔，你溝到佢真係你執到啦。」文西佢係隔離枱講。
「你黎目及女既就咪出咁多聲啦Hi 你。」我細細聲咁Hi勁佢。
佢地grad左嫁啦，佢地今日返黎係為左睇女既姐。
咁佢地有俾錢就黎得嫁啦，反正都係明買明賣姐，又無規定畢業生唔俾返黎參加。
只係通常都唔會返姐。
一黎係我叫既，當係陪我，二黎佢地都係為左睇女姐。
康僑一步一步行過黎我地班度。
佢見我地班好似已經無咩位咁(呢樣只係我諗)
但佢竟然直直咁行過黎，坐係我隔離!!!!!!!!!
我真係萬萬都估唔到佢咁樣做。
但佢細細聲係我耳邊講:「中四都坐係你隔離成年，依家唔記得果種感覺?」
點會唔記得，就同依家既感覺差唔多，但分別係有好多人望住你姐。
「你唔怕俾人見咩?」我feel到在場百幾對眼仇視我。
同佢一齊，我好似又返去中四咁，果個自傲既我，有好多自豪感既我。
但依家既我變左啦，變得謙卑，變得再咁在意人地既睇法。
「怕咩姐?」佢嫵媚咁笑一笑。
今日佢魅力真係勢不可擋，以前無人發掘到佢既魅力，依家全場既人都睇到佢既魅力。
我假裝過去不重要 卻發生自己辦不到
周杰倫---說了再見
今日grad din都係播我地每班整出黎既影片，入面有我地既活動啦咁樣。
不過我睇落就無咩大感觸，因為我根本好少參與，又同佢地唔fd。
但有D人就好有感觸好感動咁喊曬口面。
咁對佢地黎講個意義係唔一樣既。
成晚唯一感到興奮既就係康僑佢坐係我隔離。
「你呢排點呀？」呢句野講出黎真係好行下。
但係咁耐無見，真係唔知用咩開頭好。
「咪又係咁。」佢笑一笑，佢深邃既雙眼好似吸住我咁，「咁你呢？」
「我咪都係咁，毒下毒下咁。」其實我過得一D都唔好。
「咁樣先似你，識你既時候已經係咁啦。」
哇，佢咁講又幾傷我既心，不過我知佢呢句唔係串緊我。
「咁你幾時走呀？你DSE都唔會考得差嫁啦。」
佢讀書真係好勁，呢方面我完全唔擔心。
「我9月份到啦，黎唔黎送我機呀？」
送機？點都送啦仲洗問？
「送呀，幾時走呀你？」其實我都好唔想佢走。
但要走既人，你點都留唔住。
依家會場開始播我地班既回憶短片。
其實都無咩好睇嫁啦，班班都係咁嫁。
而且我地班上既人都已經唔係好識嫁啦，更何況係隔離班既？
但見到我地班整既影片，唔知點解會整到我想喊。
我想喊唔係因為段影拍得好感人，好有回憶好青春。
而係佢用果首歌。
佢用〈小幸運〉。
佢用呢首歌係同段片既主題係無直接關係。
帶唔出果種離別不捨既感覺（至少我覺得啦下）。
但誤打誤撞，覺得D歌詞同對白好撞正自己個人。
我估大家都有試過，可能係街上面無意中有首好熟悉既歌響起。
通常都係M記嫁啦，跟住入面既歌詞好插入你個心，令你諗返起好多野既感覺。
我依家就係咁樣。
愛上你的時候還不懂感情 離別了才覺得刻骨銘心
為什麼沒有發現遇見了你 是生命最好的事情
點解要離開左先會覺得刻骨銘心？先會記得咁清楚？
雖然康僑就係我隔離，但佢完全唔知我呢份心意。
認識你真係我生命中最好既事，但係等你走左我先發覺。
如果當初識唔到你，我既人生會變得唔同曬，但咁樣我會更加後悔。
人理所當然的忘記 是誰風裏雨裏一直默默守護在原地。
當時既我，真係忘記左，係你一直默默守護緊我，係我身邊不離不棄。
我望一望我身邊既康僑，我真係感到好內疚。
更加無地自容，唔知點面對佢好。
後悔無對珍惜自己既人好D，愛佢多D，康僑又係，屋企人又係。
當佢地離開曬自己身邊，先會覺得珍貴。
原來你是我最想留住的幸運 原來我們和愛情曾經靠得那麼近
我想留住你既幸運，去搵你自己既幸福。
當然啦，我想呢份幸福係我俾你，但依家我做唔到，但都希望你可以幸福。
曾經我地靠得咁近就夠啦，在乎曾經擁有呀嘛。
「不在乎天長地久，只在乎曾經擁有。」
呢D對我黎講都係用黎安慰自己，打飛機用。
我想天長地久，我一D都唔想我只係擁有「曾經」......
一幕幕都是你 一塵不染的真心
我諗起既每一幕，都有你係度。
諗起以前我地果顆真心，越諗就越痛。
每樣野都咁真，錯過左就好難再有。
可我也失去為你淚流滿面的權利
我之前傷過你既心，我都一樣，無資格為你喊。
之前都無咁強烈既內疚感，但卻因為呢首歌，喚起曬我同你所有既回憶。
謝謝你出現在我青春裏
我唔似套電影，佢地曖昧過，互相錯過。
而我地係一齊過，傷害過，仲要係我傷害你。
但同樣地，感激你出現係我青春入面，我會好好將佢收埋嫁啦。
係呢個場合我唔應該喊，但聽完真係唔覺意咁喊左出黎，根本自己控制唔到。
果陣時，我係視線模糊左嫁啦，我已經意識到自己喊緊嫁啦，流緊馬尿嫁啦。
但係咁又點？你知道，但你控制唔到，你收唔返D淚水入隻眼度。
你一眨眼，佢就流出黎，有時你真係唔怪得D女仔喊。
因為佢地根本控制唔到自己喊。
成套片播完，我都唔知段片播緊乜鬼，呢個唔係我在意既點。
康僑佢轉返個身過黎，想拎杯水黎飲。
但佢見到我呢樣，我見到佢個樣嚇親咁。
咁又係既，佢又未見過我喊。
佢第一時間無問我咩事，反而係個袋度拎張紙巾出黎。
將張紙巾遞俾我。
我既回憶同眼前既呢個女仔脫唔到關係。
聽完首歌，諗起以前既野，見到眼前既康僑。
但呢一切都唔係屬於我。
「唔該曬。」我禮貌上回應佢。
「唔洗，不過我好好奇，因咩事你會咁樣姐，識你咁耐都未見過你依家咁。」
我想同佢講曬所有原因，但係……我佢應該有佢既幸福，就讓佢沈落海底啦。
「無野，只係諗返D中學回憶，有D感觸姐。」我呃佢。
其實有時呃自己心愛既人，都係為佢好姐，無惡意既。
「我睇完都有D感觸喔，但都無你咁大反應喎，你太誇張啦掛？」佢一臉不解既樣。
「男仔既青春同你地女仔既青春唔一樣嫁。」
「哦，有幾唔一樣呀？」康傭問。
「遲下你就明嫁啦。」我用張紙巾拭一拭鼻涕。
其實我都係老吹嫁炸，我都唔知有咩唔一樣，可能係我一時諗唔到啦。