《男人多情而長情，女人專情而絕情》: 第三十一章
我知呀，我明呀，但俾次機會我改過呀。
「我無辨法同你保證未來，但我可以肯定既係，我依家既心情，係好想拖住你既手，行埋未來從未行過既路。」
「我會好好記住依家呢個心情，盡力保持落去。」
佢聽完就繼續食野，無答我岩岩所講既野，我無謂自己自討沒趣。
我都繼續食埋碗面佢。
食曬啦終於，佢好有儀態咁抹一抹嘴。
手勢真係正宗到你唔信，唔講仲以為佢係高級餐廳食完野咁。
一個真正有質素既人，無論去到咩地方，面對咩人，都會保持應該既質素。
「你知唔知你其實真係一個好特別既人，你為我做既野真係好多。同你一齊既時間，我真係完全依賴曬你，信任曬你，但你有無試過俾人出賣你既信任?個心係有幾痛?」
「但就算係咁，我地分開左，我都忘記唔到你。」
「我曾經唔相信愛情，去玩，去放蕩自己，但越放蕩，我就越空虛。」
「直到方子龍同我講你地出去傾過既野，一字不漏，鉅細無遺咁同曬我講。」
「一開始我係嬲嬲地，做咩要同你講，但係佢話，佢寧願都我嬲，都唔想我睇唔到華仔既真心。」
「我先發覺，你對我黎講，都係咁重要，重要到可以隨時改變我既人格。」
佢飲一啖奶茶，然後繼續講:
「好多時候感情既結束，唔係因為第三者，而係自己，一D自己都未必控制到既野。」
「華仔，我地既時機唔好，我地應該遲D遇見先係。」
佢講到呢度，我真係有D想喊，點解我地會搞成咁?
喊呢D野真係會傳染，康僑好似都見到我眼紅紅咁，佢都眼紅埋一份。
「不如咁呀華仔，我地俾D時間大家啦好無?」佢有D哽咽咁講。
「我唔係度呢四年，我地去搵下各自既另一半呀好無?如果我地真係有緣份，我地一定會再一齊返。」
佢收一收個情緒，用返岩岩好認真既眼神。
「世界咁大，可能仲有人岩自己，唔一定係我。你都可以拍拖嫁，去搵到好D既。但如果最後，我地既心都係大家度，咁就注定要一齊返既。」
「你話會盡力保持落去呀嘛，咁我地將呢份感情交俾時間啦，好無?」
佢慢慢飲埋最後一啖奶茶，等待我既反應…..
我真係好唔捨得，我唔想等四年咁耐，我受唔到呢一種思念既煎熬。
Long d已經好辛苦嫁啦，呢個係Long d既困難版，因為你地連男女朋友都唔係。
佢俓自係書包拎左張紀念冊出黎，普普通通既紀念冊。
唔似其他女仔，係要D咩花紋呀卡通果D，仲細咩?幾歲呀大佬?
「呢張係留俾你既，作為朋友，我都想你寫俾我。」講完，佢係銀包拎左張50蚊出黎，「剩底既俾你啦。」就拎起書包想走。
「等陣!唔好走住!」佢俾我既氣勢嚇左一嚇。
我係書包拎左個同佢一模一樣既紀念冊出黎，我唔多唔少都仲清楚佢既口味。
然後係紀念冊拎左張專屬康僑既俾佢，張紙上面寫住:To阮康僑。
「咁你都幫我寫埋啦。」
佢望左我手上面既紀念冊一眼，「好啦。」，笑左一笑，「咁掰掰啦。」
「嗯，掰掰。」
雖然張枱既野已經食曬，可以走嫁啦其實。
都係果一句，我唔捨得，我仲想趁自己記憶力好既時候，記底呢一幕。
我唔記得左我坐左幾耐，我記得我係果個位坐到夜晚，食埋個晚餐先走。
返到去已經10點幾11點，沖個涼就去訓。
訓醒以為要返學，以為可以見下康僑。
但諗返起琴日既事，就醒起已經放假啦，等新年返去考mock。
無動力去溫書，想hea一日。
於是一日又無埋，第二日溫書啦，亞太區有一天成為亞太區佢個街溫唔入腦。
你溫唔入腦係無人幫到你，就好似愛情咁，無人幫到你。
你可以做D咩?等囉，等個腦好D囉，溫得好D囉。
你可以做D咩?等囉，等四年後康僑返黎，再一齊囉。
果一次mock，我考得好差，以果個成績我係上唔到大學。
只好逼自己唔好諗佢，唔好令自己既前途黎玩。
原來D人反對中學生談戀愛係有原因嫁，係因為知道我地第一次拍拖會用情太深，不能自拔。
我係一個好好既例子。
最後張紀念冊點樣?
我係有寫到，但佢唔俾我，我都唔諗住俾佢。
事實係佢無俾返我，我紀念冊第一版係文西黎，死麻甩佬。
頹廢左一輪，最後都係振作返，努力衝埋個DSE佢。
知唔知我點樣振作嫁?
我每晚都會去行我地之前一齊跑步既海旁，坐係個海旁度，望住個海，諗下我地以前既野。
回憶真係好痛嫁，因為你改變唔到，只有不停不停咁接受。
每晚都會將我地既回憶放係個海度，望下個海，諗諗下，覺得唔可以再係咁落去，就走返出去。
寫出黎好似好易呀呵?你可以去試下，你就會明當中既過程有幾咁痛苦。
可以既話邊個想放低呀?
男人要拎得起放得低，通常講呢句野都係好悔氣，而唔係好勵志。
拎得起係可以放得低，但邊會咁易放低呀?好多時候都係被逼放低嫁炸。
以前毒向左走向右走咩都唔識既我又點會想像到自己會有咁既一日?
考完mock，我就專心溫書，呢次係試定生死。
我又唔係好擔心考成點點，見D成日係IG，Facebook度怨點點點，好辛苦呀咁。
但其實你知將來想點樣既話，就用果個目標去沖啦。
考成點唔重要，重要既係自己有目標。
呢兩個月我無康僑，佢都無揾我。
今日我手機響起左提醒，康僑又黎M。
我又諗起佢一次︿個心依然好沈重。
其實如果唔諗佢既話真係無咩野，只係平平無奇咁過我既生活。
但我唔想忘記呢一份對我黎講咁重要既感覺。
隨住時間過去，我明白好多感覺唔記得左，你要揾返根本好難。
就好似以前咁呀，同班打機fd一返到屋企，好自覺嫁，自動自覺就開定機，一開個好友list，就係佢地。
果陣仲打得特別high，會覺得好熱血。
依家呢?你想揾返果種感覺?再一次體驗多一次?
唔好傻啦，所以我先無熄到個提醒。
好快，DSE就考完啦，考完我又無咩太大感覺。
考完只係唔洗溫書，係屋企做毒向左走向右走，做廢青。
人地就日日多節目，出去玩呀。
我呢?係屋企打飛機，唔知做乜勁好。
如果唔係有文西佢地陪我打下機，我諗我真係會發癲…..
越寂寞，越孤單既時候，就越想人陪，越想人陪既時候，就越係諗起以前同康僑既日子。
依家我知道康僑既消息，正係得返IG同FB。
佢IG周不時會upload同班fd出去玩，或者自己打工既生活。
真係可悲，曾經兩顆心相連，依家只係剩底IG先知佢過成點。
我呢D人用咩IG呀，都無FD嫁啦。
我都有諗過打工嫁，等自己無咁悶呀嘛，但係唔想面對人，覺得好攰好辛苦。
考DSE已經好攰嫁啦，日日正係得past paper，依家唔好好抖下邊對得住自己?
唯一最期待既係同文西佢地去畢業旅行，唔洗問一定係去日本。
老向左走向右走都唔去韓國，最憎韓國仔，男人唔似男人咁。
D韓國仔成日對住D港女搞破壞，破壞曬佢地既腦細胞。
以前就俾台灣仔洗腦就仲好D，雖然係MK，但人地真係似返個男人咁型呀嘛。
依家就俾D韓國仔，跳下舞就追到要生要死。
日本係俾我地呢D毒向左走向右走去買女人既聖地，入境都要噴曬聖水先好入去。
中六最期待既就係last day，畢業旅行同埋grad din。
畢業旅行同埋仔去玩係幾好玩既，當中有方子龍。’
果陣打lol問佢，「你畢業旅行去邊呀?」
「無去邊呀，都無人同我去。」
「下?你無同你果班女仔去咩?」佢明明都幾多fd下。
「有女你覺得仲班女去咩?」佢反問我。
「咁我依家無女呀嘛，又醒唔起你有女。」計一計，我都就黎2年無拍拖lu。
「算啦，唔怪你，我都係諗住毒下毒下咁到放榜嫁啦。」
「咁你同唔同我地一齊去日本，我地都係得四個姐。」我邀請佢去。
其實一開始方子龍同文西佢地都唔熟既，係打打下機先fd到姐。
「日本?唔錯喔，我都想去，聽講果邊好靚，我又未去過。」
就係咁拉左佢入黎。
我地都係去行下秋葉園買野同睇風景食好西。
過程係開心既，為我呢個苦悶既假期，增添一D色彩。
返到黎無幾耐就係grad din啦，我連衫都未買。
雖然我都係去旺角買D cheap cheap地西裝，但都已經感覺自己大個仔咁。
2年前既我，邊會想像到今日呀?
「呢位哥哥仔，你又著得幾靚仔，官仔骨骨咁。」個賣西裝既呀姨係度講。
「多謝曬!」自信當堂返曬黎。
呀姨佢無應到我.......
因為佢根本唔係同我講，佢係同對面一樣試緊衫既方子龍講。
心諗:Hi 你呀，你讚佢都細聲D呀，唔好等我誤會呀嘛。
揀好左自己果套戰衣之後，好唔情願咁俾左錢。
方子龍佢就笑到見牙唔見眼咁，十足十一隻鴨。
Grad din果一日，我地都要準備充足。
去髮廊set頭!!!!!!!!
呢樣好緊要，靠自己既話好易出問題。
去髮廊曬果一百幾十咁，又唔係好過份姐，呢次咁特別。