起床的時候,胸口有點悶。已經漸漸習慣早起床了,幸好今天補課只需要回校半天,待會可以回家補眠。

回校的途中,突然想買點什麼吃的回去,就從便利店裡買了一大堆零食回校。

同學們陸陸續續回到班房,李Sir 也捧著一大疊紙來到班房分發給我們。我接過來一看,原來是Past paper。李Sir 開始將答題技巧逐一教導我們。可惜我早就精通答題技巧,而且這份Past paper 我也做過了,所以就在卷上亂畫一通。

「認真d 啦俞寶恩...你做緊咩?」唐尹明見我心不在焉,忍不住問。

「畫野囉。呢份野我熟哂...唔信?你睇住...」我馬上將選擇題的答案填上、而長問題就用點列的方式作答,然後將卷放到唐尹明面前,再伏在桌上。



今天好像特別頭痛,或許是睡眠不足吧,總覺得頭重重的,喉嚨也有些腫痛,該不會著涼了吧?

睡到小息,唐尹明把我喚醒,對我說:「喂,勁喎恩姐!閱讀卷滿分咁滯,犀利。」

「之前做過丫嘛,濕濕碎啦。」

「不過你中文不嬲都屈機既,有機會教下我啦。」唐尹明似乎很佩服我。

小息過後,李Sir 又繼續剛才的閱讀練習,而我就繼續睡覺。今天好像怎睡也睡不夠,是身體出了什麼毛病嗎?睡了一會,李Sir 開始講解綜合練習,使我不得不保持清醒。雖然綜合與我考DSE 的時候,做法有些不同,但其實也是大同小異,我一邊吃著甜食,一邊寫著綜合練習。



綜合也不太難做,隨便寫了幾下就睡著了,直到了收卷的時候才醒過來。

今天任婉玲缺席了,文綺君找我一起去吃午餐,我不想走到外面吃,就提議到樓下的飯堂買一點小吃就好。

「呀君,你溫書溫成點?」我咬了一口魚蛋。

「幾好呀,依家有個唔錯既私補老師,佢都講得幾清晰。」文綺君一面吃著百力滋,一面為自己的畫作填色。

對了,頓然想起我那個舊同學Sarah 開設的畫室,目前還欠缺一名兼職員工,不如問文綺君有沒有興趣吧。



「我有個朋友...我個私補老師有個朋友開畫室既,依家想請個Part Time 去做下文書野,有時可能會教下小朋友畫畫咁。你知啦,VA 既野我又唔係好熟,所以唔知你有無興趣..」

文綺君放下手上的顏色筆,雙眼發光地望著我說:「你...你講真架?真係請人?」

「呃...係呀...」

「有呀!我有興趣!間畫室係邊架?」文綺君握緊我的手。

「好似係油麻地果邊...你有興趣就好啦,我將你D 資料Send 去畫室果邊架啦。」

「多謝你呀寶恩!」文綺君一臉興奮地說。

能幫到人自然是件快樂事,見她得意忘形,不如乘機套一套有關任婉玲的事情吧。

「呀君呀...」我神情凝重起來。



「做咩?」

「其實呀玲係咪仲...仲唔係幾喜歡我?」我問。

文綺君吸了一口冰茶,然後說:「其實劉生單野,你無錯既...而且都過左咁耐...」

「咁我都睇得出你好努力想挽救我同呀玲既關係...」我說。

「係架,我地三個以前真係好Friend ,如果唔係個衰人...」文綺君握緊手上的顏色筆。

「個劉生真係...好卑鄙。」

「呀玲都明白成件事入面,你都係受害者。只不過...佢唔係好知要點樣面對你...」



「唔知點面對我?」我問。

「可能係尷尬掛...或者係羨慕你?寶恩,你生得又靚,成績又好,而且又好人...成日為個班付出咁多...所以咁受D 男仔歡迎...有時我都好羨慕你架...」

我不發一語,靜靜聽著。

「呀玲一早就了解你係一個咁優秀既人,所以佢有時候係你身邊會覺得比下去。」

「呀玲都係一個靚女黎既...」我說。

「呢D 說話千祈唔好比佢聽到添呀。難得佢對劉生有Feel ,點知原來劉生想追果個係你...唉,你應該明白呢件事上面呀玲係幾尷尬架啦。」

我也理解任婉玲的心情,發生這種事的確很難再去面對俞寶恩。

「件事其實早就丟淡左架啦。或者...你同呀玲只係大家都唔敢踏出第一步去破冰姐。」



「我...我唔識點做...」我說。

「總有機會既。」文綺君看看手機,然後說:「唉!我夠鐘去補習啦。」

「你唔去睇班男仔打波拿?」我問。

「今日去唔到丫,不過我相信陳宗順一定會贏既!」

我與文綺君回到班房,她說趕時間,於是拿起袋子便馬上走了。我的胸口有點悶,還是回家睡覺好了。收拾東西時,一大班男生走了進來,正是籃球比賽的成員們。

「寶恩,仲未走既?」李Sir 問。

「係呀...就快走架啦。」我說。



「不如留低睇埋佢地比賽先走啦。」李Sir 說。

「我...」

「如果你肯黎,我地班一定會士氣高漲架!」陳宗順說。

「痴線...」有沒有那麼誇張?

「黎啦,都唔係阻你好多時間姐。」同學甲拱手哀求。

「都最後一年啦,有你既支持我地一定贏硬!」黃博賢展露出那個陽光的笑容。

「俞寶恩,你咪去支持下班同學囉。」連班主任李Sir 也這樣說。

其實我今天不知為何睏的很,本來打算馬上回家睡個覺,但既然大家也誠意邀請...好吧,那我就去看一會兒好了。

「我執埋野,一陣就過黎望下啦咁...」我嬌滴滴地說出這句話來。

男生們先行到了籃球場,而我在班房將文具逐一收好,順便把抽屜的書本重新整理,弄了半個小時左右,終於可以起行。

我拿起背包,走到了地下籃球場。場上兩隊正鬥得難分難解,首節比數只差三分,我一向對這類低階賽事不抱興趣,所以打算轉身就走。怎料班主任看到我,就把我拉到6A 班的同學之中,然後大家馬上歡呼起來,我只感到尷尬得很。

大家的歡呼聲把我變成全場的焦點,5D 班的控球員也望了過來,這時候黃博賢馬上把握機會偷取其球,直奔籃底,上籃得分。這下子我就注定要成為6A 班的幸運女神了...順帶一提這個幸運女神內裡其實是個boy 。

不知道是否真的因為我在觀戰,場上雙方好像也刻意要望向我這邊。比如剛才黃博賢射入一個三分球後,馬上與我對望,眼神好像在問我:「喂!我射入左啦!有無見到呢!」過了不久,連對面隊的球員也開始做出同樣的蠢事來,剛剛控球被搶的5D 班球員,在上籃成功後居然跑到我面前,雙手姆指指向自己說:「Call me kobe 。」

每個人也有年少輕狂的時候,我也諒解他們的少年之心,要是當年我打籃球時能夠有像俞寶恩這種美女來觀戰,我想我也應該會倍加努力。而5D 班隊伍也真夠可憐的,居然有女同學在場上湊人數,大概是沒有男生有勇氣去比賽吧,不過看那位女生的動作,應該是個擅長打籃球的人,真吸引阿!

哨子聲一響,球員們馬上走到場邊休息。李Sir說:「俞寶恩,你睇下。你一黎到我地隊即刻士氣如虹。」黃博賢也喘著氣說:「你...你真係黎左。」陳宗順對我說:「寶恩!有無見到我頭先果幾個入球?記得同綺君講下我有幾勁!」

休息時段結束之後,第二節開始。5D 班的同學大概注意到我的威力,於是他們召集了一大群人,把我重重圍著,好讓場上的球員們看不見我的臉。我被他們越逼越遠,漸漸遠離籃球場,6A 班其他女同學見到,馬上把我拉回球場旁邊。現在兩班的得分還是差距不大,畢竟彼此的球技也差不多,很難拉開一個較大的比數。

唐尹明走了過來我身邊,對我說:「好彩你係到咋,如果你唔黎,我諗我地班真係有機會輸返轉頭。」

「場波都未完,你又點知佢地會輸返轉頭?」我問唐尹明。

「呢班人其實唔適合做隊友,雖然佢地係好Friend ,但你睇下,佢地個個都咁獨食,又無團隊精神,點可能打得贏對面。」唐尹明托一托眼鏡,續說:「不過佢地想為個班付出,始終最後一年丫嘛。」

「咁又係,不過點解會揀呢D 時間黎打班際?下星期就考試啦喎。」我問。

「多得黃博賢同徐正柱,我地先有得睇波咋。」唐尹明說。

「多得佢地?」我不解。

「果日學生會公佈話中六要考試,所以無得玩。但明明以往幾年既中六都有份打既。然後黃博賢同陳宗順兩個踩上去學生會室到同佢地嘈,本身學生會都堅持已見,後來徐正柱帶埋其他班既男仔一齊上埋去靜坐,終於迫到學生會讓步。好轟動架喎,你唔記得啦?」唐尹明說。

中四、中五那兩年的籃球比賽也輸了給B 班 ,而且最後一年竟然連一雪前恥的機會也沒有,我想同學們一定相當激動。看著球場上的陳宗順與黃博賢,享受著籃球的樂趣,彷彿看到中學時的自己。

電話一震,我掏出一看,是來自Facebook Messenger 的訊息。

Tai Wai Foon9:hi
Tai Wai Foon9:where r u

我沒看錯吧...?

唐尹明繼續說:「其實黃博賢係一個好男仔黎架,你今日肯黎睇佢打波,我諗佢今晚一定會開心到不停咁講起。你知啦...佢對你不嬲都...」

阿寬出現了...

阿寬終於回來了!

我望穿秋水,期待已久的一刻終於來臨。我馬上將學校的名字發送給他,好讓他來接我,然後對唐尹明說:「我有急事要走,你事後再話比我聽贏定輸啦。」

我馬上拿起背包,然後在校門外等了一會,見阿寬還未來到,又打開Facebook Messenger。

Longlong Kwok:到未?
Tai Wai Foon9:轉個彎到
Tai Wai Foon9:你點解會係果度?

呵呵!終於可以回到郭朗的身軀了!此刻心情歡暢得要緊,我一路哼著歌,一路在路邊等待阿寬。過了五分鐘左右,看到他的跑車到來,停在對面馬路,我就上前去敲他的車窗。

阿寬將車窗降下,充滿笑容地對我說:「Hi ,小妹妹,想去邊呀?我車你丫。」

「哥哥,我想去搵返自己個身體丫。」我微笑著說。

阿寬頓然露出一個失望的樣子,然後示意叫我上車,他說:「挑,原來係你條友仔。都叫左你唔好玩出事架啦嘛...」

我坐到副駕位置,然後阿寬突然親了我的臉一下,我還沒來得及反應,他就馬上說:「...不過控制左個靚女都唔錯,起碼我可以抽下水。」

「喂大佬呀,我係男人黎架...」我用著俞寶恩甜美的聲線說著這個話,簡直毫無說服力。我問:「咁你將我個身體收埋去邊?」

阿寬輕扭軚盤,腳踏油門,加速的一剎那馬上感到一股離心力,他說:「法國。」

我一聽就知道這個人打算說些無聊的事,於是一下子就揭穿了他:「法國醫院?」

「醒喎靚妹...」阿寬把手放在我大腿上,然後說:「我送左你身體入ICU。」

我推開阿寬的手,然後問:「咁...咁咪要好多錢囉?」

「萬幾蚊一晚掛,唔洗擔心啦,你出左事我都有責任既。」車子在紅燈前停了下來,阿寬又把手放到我大腿上,說:「最緊要係你個人無事。」

我撥開他的手,看著窗外的風景。終於可以回到原來的生活了,回到家時我一定要馬上把功課做完,然後瘋狂地打球...