《高登獵殺遊戲》(情景題變講故 ): 老友重遇 高登方丈

「你叫我五十嵐裕美啦，我係聲優黎架，Over，不過…

我唔係大姐黎，我係巴打黎。」

當時既我，心裡面真係充滿左無限個屌字。

不過點都好，總算係有個方法聯絡丫。

「咁巴打，唔該你叫我朋友屎忽佢地響寺院門口等等我丫，Over。」





「冇問題，Over。」

之後我掛斷左線。

「多謝你呀，司機街口有落女車神。」

「唔使客氣。不過...如果第時，你對你果兩個紅顏知己對耐左想抖下果陣，偷到少少時間出黎，間中諗到我呢個曾經響你人生旅途度閃過下既人，我就已經好開心喇。」

「哈哈，我真係受寵若驚囉。不過...你又知佢地係我紅顏知己？」我一副尷尬表情。





「我強行開車車走你果陣，佢地都一副擔心表情。」

「下，乜...佢地咁擔心我咩？」

「喂喂喂，咁我呢？」堡主突然插口問。

「你乘客黎架咋喎。哈哈，不過都好高興認識你。」我回應佢。

「超，我又唔係問你，我問女司機咋麻，。哈，不過...都好高興認識到你呢個後生仔。」





之後，我地仲討論左唔少高登獵殺森林呢度既環境...

最後，堡主仲咁講：

「遲D得閒黎我骷髏頭堡行下丫。不過...我諗你都會好快搵到黎我度...」

佢欲言又止咁，我見車都到返方丈寺院前面...

所以都冇太理佢講咩喇，直接就落左車。

「唔該晒呀，女車神，希望我地好快又見面啦。再見喇，黯沈阿伯堡主。」

「好。」「呵呵呵。」

當女車神再次開車出發果陣，我突然有種奇怪既感覺...





我望一望車上面既堡主，我發覺...

我好有可能好快就會再次同佢見面，呢種真係一種好奇怪既感覺。

... (我呆左一陣)

我望向寺院門口...

見到屎忽百變怪小姬佢地真係響度等緊我。

之後我就衝返埋佢地度。

「喂，你地真係有聽收音機呀？」我問。





「賭撚隨身帶左部收音機用黎聽馬。你冇事丫麻？」百變怪問我。

似乎佢地都真係好擔心我下，尤其係小姬同惠那。

「屌你丫，頭先響車上攪咩黎呀？」歸藏問。

「我估係車震！」屎忽講。(車震即係響車上攪鹹濕野)

「又賭幾多條J？」賭撚。

「最多咪得一條。車震贊成加一。」立花_宗茂。

「頭先個女車神又真係睇得下既，起碼唔係大肥婆。」百變怪。

「你地咪癲啦！...」我之後解釋返晒成個事件俾佢地聽。





其實主要係俾小姬同惠那聽。

... (講講講講講…)

講完一大輪，我地終於規規矩矩咁入左方丈間寺院...

搜索一輪之後，發現同之前一樣，根本係死城一個...

乜人都冇。

但係...

正當我地搜索完，想聚返埋，響寺院大門前討論果陣...





有一個人，一身佛堂大師款，響門口度行左入黎。

呢個人個樣好奇怪，而最奇怪既有兩點...

第一點，佢身上奇怪地有幾袋零食，有包薯片仲響佢手上食緊添...

第二點，就係佢身邊竟然有幾隻貌似好乖既羊駝跟隨住佢。

「呢個人...唔通就係傳說中既方丈？」我問。

「係。亦即係我朋友Admin。」屎忽講。

「即係你想屌佢屎忽果個？」我再問。

「我個名係咁叫啫，我鍾意D咩，你知架。」

「你兩個究竟有咩關係呀？」小姬（歧視眼一號）。

「你兩個有咩秘密呀？」惠那（歧視眼二號）。

「屌你丫！死Hehe！」歸藏。

「仆街啦你！你就Hehe！你Hesheit添呀！」

「契弟，唔好廢話住，了解左呢條方丈乜頭乜路先。」百變怪反而顯得異常冷靜。

「好，屎忽，你識佢，你去問下丫。」

「係呀，我識佢，但係佢唔識我。」屎忽。

「咁你又話佢係Admin，而Admin又係你朋友？」

「上高登，勿認真。」