《高登獵殺遊戲》(情景題變講故 ): 咪佢一咪 獲得火雞

原來頭先D眼都係佢條尾既紋黎，有D似孔雀果類。

「你…你係妖怪？」我問。

佢冇理我，反而係向上望左一望，好似唔多鍾意射燈既光咁。

「你…你唔鍾意D燈光呀？我返到上去幫你閂返丫，唔好意思。」我講。

點知…





(丫 ~！) 佢突然大叫，仲攤開兩隻巨翼…

我驚起黎亦都立即用鋼掃把保護自己。

點知說時遲那時快…

佢真係飛左埋黎！

所以我立即…





「掃月雷霆！」呢招之前講過，可以用黎格擋用。

我係成功擋左佢既第一隻雞腳，但係佢接住又黎第二腳，我擋唔切…

結果…

(嘭 ~) 俾佢一下踢左埋牆度。

「黐…黐線，好Q痛呀！」我痛住講。





「喂！契弟！冇事丫嘛？」百變怪響上面大嗌。

我真係想小爆佢，你試下俾人兜心口踢到你飛埋牆丫。

(丫 ~！) 隻癲雞又再大叫，然後又再飛埋黎…

「掃…掃月雷霆！」我又係擋左一下…

呢次我醒呀，知道佢會用第二腳，所以立即…

「掃理老墓！掃溝里興！掃三度四！」

先一下反守為攻，再一下發癲自由式恐嚇佢，最後連環三下橫掃！

但係估唔到既係…





(丫 ~！) 佢又大嗌。

(叭 ~！) 我又飛左埋牆。

「黐… 黐肺喇…」

「喂！契弟！你死得未呀？」又係樓上大嗌。

呢一下我真係火都黎埋…

但係呢個火都黎埋竟然係件好事，因為佢俾到我力量去對付呢隻癲雞…

「掃女心驚！」呢招其實我唔知係乜，我淨係響隻癲雞面前扮白痴跳舞…





(丫 ~！) 之後佢又再衝埋黎。

我立即轉身就走，直到…

佢同我既距離剩返Arm’s Length咁多…

「你估我真係白痴呀？食蕉啦！掃背餩風回馬槍！」我大嗌。

之後成個鋼掃把插左入佢個鼻度…

而佢就把把聲咁噴鼻血。

「死癲雞，睇你死未？我仲有三式未用呀！你係咪仲想挑我機？」我再講。

(丫 ~！) 佢呢次係退後…





而且仲…

講起人話黎…

「龍游淺水遭蝦戲，鳳留地庫被犬欺，哈哈哈。」

「屌你呀！話我係狗，你就狗！唔識講人話就咪講啦！」我屹返佢轉頭。

「點都好啦，我認定左你。」佢咁講。

「認你老母，做乜Q野認定我呀？我最多…只係插爆佢鼻窿咋喎。」

我承認我係講講下有D淆底。





「我叫燎原火鳳，我認定左你係我主人喇。」隻癲雞咁講。

「吓！？咁…咁荀？」我好疑惑。

「我有不壞金身，正常人根本傷害唔到我分亳，但係你竟然可以針對到我既弱點，傷我鼻窿，仲攪到我平身第一次流鼻血，所以我認定左你喇。」

「吓！？又…哈哈哈，撞彩啫。」我呢一刻先輕鬆返少少。

「嘻嘻。」癲雞都傻笑。

「咁好啦，你點睇都唔似隻鳳凰，我以後俾個朵你，你就叫做火雞啦。」

「好，君子一言，養我好簡單啫，每日三餐，每餐份量相等於八十碗白飯就得。」

「屌你呀，我邊度有咁多食物俾你呀？」

「冇食物學咩人做人主人呀？」

「係你認我，又唔係我認你，夠薑咪留返響呢度食鋼筋啦你！」

「我俾！」係百變怪把聲，佢地都行左落黎喇。

百變怪佢仲行左埋我度，超細聲講︰

「!$%!$%@^#$。」

「粗口黎架？咁細聲聽唔到呀。」我回應佢。

「我！話！呀！你！著！撚！數！晒！喇！呢！隻！雞！係！極！品！黎！」