「哼,總算有人識貨。」火雞咁講。

「唔好意思呀,小羊囡囡貪玩噤錯機關,攪到而家咁添。」堡主講。

「呢幾集攪到我地好似茄呢啡咁,一句對白都冇。」兩條日本佬。

「所以就夾硬講返句呀可?嘻嘻,恭喜你呀,子銘哥哥。」惠那講。

「多謝。堡主,你都唔使介意啦,而家多隻寵物都好既,哈哈哈。不過…話時話,點解你屋企地庫會有隻咁既騎呢野既?」我傻笑。





「寵物!?騎呢野!?車!你俾到每餐八十碗飯我,我叫你老豆都冇所謂。」火雞咁講。

「我都唔知呀,佢就好似D燕子築巢咁,都冇理我就霸左我個地庫,我見佢識得發熱,咪當佢係發熱器囉,呢幾個冬天都真係要多謝佢呀。」堡主回應我。

「車!」火雞。

「但係帶咁多野上路,好似始終唔係咁方便。」百變怪咁講。

「咩「野」呀?我地人黎架!」兩條日本佬。





「收皮啦!冇興趣講你地呀,我講隻火雞。」百變怪再講。

「咁我呢?」惠那問。

「你係慰安用既,唔使咁擔心。」百變怪氹惠那。

「主人你叫我做火雞,咁我就叫你雞農啦。雞農!你有冇體臭架?」火雞問我。

「睇下邊個部位啦。」我回應。





「算喇,段估手腕唔會發臭呱,我就變做你隻手錶啦,有咩事就Call我啦。」

「哦。」

佢一講完就變成左隻手錶,仲黐左響我手腕上面。

「咁好喇,既然呢邊根本冇咩比賽,睇黎我地都要返去搵方丈算帳。」

「喂,不如賞個相,賀埋我大壽先啦。」堡主講。

「都好丫,小姬姐姐,PatPat哥哥,賭J哥哥佢地都未到。」惠那。

「PatPat哥哥!?」「賭J哥哥!?」日本佬二人組。

惠那其實講緊屎忽同賭撚。





「惠那講野有時真係有點過份扮野。不過點都好啦,我地返上去先啦。」百變怪。

… (返上去)

點知我地一返到上去…

就有兩個人出現左…

一個坐響度好舒服咁,一個企響佢後面…

兩條友一睇就知係奸角。

「堡主,別來無恙丫嘛?」坐響度果個問。





「各鹹城城主,丁原老先生,乜咁錯蕩呀?咁早就黎到喇?」堡主回應佢。

當時我地班人同呢兩條友大約仲有十幾米距離左右。

「邊個黎架?」我問其他人。

「各鹹城,全名係各有各鹹濕之城,係鬼域既其中一個地帶,丁原老野就係果度既主人。」立花_宗茂。

「咁佢旁邊果個呢?」

「屌你丫,佢叫九鳥天天師,係各鹹城第一淫棍,即係國師級既人物。」歸藏。

「國師!?又真係幾似噃。」

「係呀,聽講有人放風,話呢邊有比賽喎,我仲以為係你生日酒前既噱頭添。」丁原回應堡主。





「你契仔呢?」堡主問。

「你講阿布呀?佢同人打緊交。」

「佢契仔又乜水呀?」我問小羊兒佢地。

「三家性奴,呂阿布哥哥。」小羊兒講。

「三家性奴!?邊三家人咁賤呀?」我問。

「爸爸叫我唔好問,大個就會知喎,所以我都唔知。」小羊兒回應。

「咁…佢好好打架?」我再問。





「呂阿布哥哥手執方天畫筆,最鍾意騎住佢隻赤馬兔周圍撩人打交…」

「吓!?」

我本來好驚訝,點知小羊兒佢突然隊個頭埋黎我度細細聲講︰

「再講個秘密俾你知丫,其實呂阿布哥哥係白痴架。」

… (我唔知做咩反應好,維持兩秒)

「咁…果邊條友又話佢同人打緊交?白痴都可以打得咩?」我反應到就問。

「佢白痴啫,但係真係好好打架。」小羊兒回應。

「吓!?」

… (我同小羊兒對話完結)

「佢響邊度同人打緊交呀?同咩人打呀?」堡主問丁原。

「你屋企門口喳嘛。」丁原奸角回應。

「咪住先,會唔會係屎忽佢地呀?」我擔心起黎,立即就衝出門口…

仲俾我見到…

呂阿布同佢隻赤馬兔既樣。

結果…

一個係Q版呂布,一隻係俾BB玩既彈彈馬黎。
已有 0 人追稿