十年之約: Another normal day

「屌...成班狗公又圍住佢。」
「係囉，又唔係唔特別正，有咩好圍。」
「...呀你個仆街仔，琴日人地話搵人幫手攞野上office，你咪又係狗衝。」
「...屌，咁...唔係最上等，都至少係索女，又大波，唔溝下咩。」

其實，佢又無錯嘅。身處係一間男女嚴重失衡嘅學校，有個索嘅都幾難下。亦因為咁，我地學校大部分男人都成為左一隻狗公，見女就衝。你唔好同我講咩男校咪仲衰，連女都無。我同你講，男校有人帶頭搞聯校活動溝女，我地呢種學校係無咖！

唉，我諗呢Ｄ都係土地供應問題。

呀唔記得講，我係阿楠，今年中六，岩先同我論女嘅係阿軒，我老死。由細到大我地咩都一齊做，畫畫，玩結他，鋼琴，踢波，打籃球...好多都玩過。但我就運動形，佢就文靜D，所以大個Ｅ＋好多時活動唔係一齊做。除左...YO女。係間咁嘅死人學校，因長期無女嘅滋潤，兩年前佢同我毒到搞左個A0會，齊齊約埋出去溝女，諗番都覺得ON9。



老老實實，我地學校Ｄ人其實唔係好毒，都叫正正常常一個人。而我同阿軒，得罪講句都叫筍盤，叫最TOP個批。我地兩個都177,8左右高，係無180做唔到男神咖喇，但都叫唔錯啦，生得又算係靚仔。係學校其實有女埋身嘅，但我地又高要求，想要靚咖嘛大佬，耐左我地係學校都無咩女埋身。而靚個批，亦利用男女失衡嘅優勢，個個想上神枱做女神。

本來我地都得左米嘅，只可惜三個月前佢同佢條女嗌交散左，連帶依家我都要分家產。

「楠，我地分手啦。」
「...因為阿軒同bonnie件事？」
「嗯。同埋你唔覺得我地無以前咁close咩？」
我無野好講，因為阿軒同佢條女散左頹個排，我日日同佢打波，打機散心，莫講話同女朋友出街，有時落街買個飯都懶，whatsapp都唔鬼應。
「...好啦，keep contact，ok？」


「嗯。」

MK式分手不在話下，今年就DSE，一開學就無左條女，都咪話唔DRY唔頹。就咁，頹住HEA下個9月就過左去，書無溫，機無打，以前可能成日打邊爐玩下，依家唔好話打邊爐，連打飛機都廢事。

「喂，不如我地搞基算。」
「屌。去基肥波啦，大大個波岩你口味。」
「唉屌又講呢D，唉屌唔撚驚。我番去同北川瞳文流下，bye。」
「bye痴漢。」
阿軒一向中意大波妹，之前條女都係上等大波妹，不過未得女就嗌交收埸，雖然慘，但有時都忍唔住串下佢。



頹左成個月，所有野開始有所轉變，我永遠記得，個日係10月5號。