十年之約: A new start

10月5日，我地班插左兩個人入黎，可幸嘅係，兩個都係女。不過F.6先黎插班，應該無咩好野啦。

「大家留心！你兩個...介紹一下自己啦。」
我地班主任開金口講
「...我叫Chalotte。」
「講下全名呢？」
「...」
我諗條女應該住慣北極仲要開西餅房，凍到塊面西一西，硬哂咁，都話F.6插班無好野。不過，講樣又幾正，可以話正過哂全校個Ｄ出名嘅女神，瓜子面又眼大大咁，高高瘦瘦，有幾分似我女神北川景子。

當所有人靜哂嘅時候，有個人就係Chalotte後面跳左出黎，扭轉左我所有諗法。


「Hello！我叫李玉琳，叫我Ruby啦。」
呢條女...唔好意思,咁粗俗叫佢好似唔多岩feel，呢個女仔好可愛，佢一講完野，個一下燦爛嘅笑容，我諗殺左唔少人同將會殺佢地好多後代。咁當然，我都有份。佢同Chalotte比，塊面包Ｄ，個人矮Ｄ，有少少飯豐 萬理江feel。我同你講，佢　好　撚　正　！

「好啦，呢一年大家好好相處，一齊考好DSE。到月頭，人到齊，新同學又介紹完，我地掉位啦。」
佢地一講完野無幾秒，miss葉就接話。呢一刻，我諗所有男人都只有一個目標，同Ruby坐。

抽完枱，掉完位...一行埋去放野想坐低，我已經要請小鳳姐出埸。熱烈地彈琴熱烈地唱！Ruby掉完位，就坐係最靠左個行嘅最後，窗邊位單人坐。我呢，我坐佢前面呀！我心諗，呢鋪仲唔得手！但有樣野都幾果擾，我隔離坐左個門神Chalotte。

「Hello Chalotte，我係阿楠呀。nice to meet you！」
雖然佢西口西面，但係始終都係女仔，主動打個招呼，好應該啫，係咪？


「...哦，hi。」
答完我，佢就另埋一面，係到望住個窗。
唉，比佢咁西西下，真係唔多開胃。算！佢唔係重點，等我即刻轉身射個三分波搵下Ruby先！

「Hi！Ruby，我係阿楠呀，nice to meet you！」
「Hello！阿楠。」
佢又Show佢個甜笑出黎，真係引死人。
「介唔介意我問下？做咩依家呢Ｄ時候先黎轉校嘅？」
「無呀，本身同Charlotte係元朗個邊住同讀書嘅，但我地父母今年...」
「Ruby咪鬼理佢啦，一黎岩岩識就懶熟咁。」


都話佢係門神，Chalotte一句對埋黎，Ruby就無再講落去，佢挑皮咁望住我伸脷，細細地講左句sorry。

屌，好撚正。

咁當然，呢Ｄ情況我都識收口先，等日後再戰300回合。等陣先再搵Ruby傾都唔遲啫！首先唔好得罪門神，討好下佢。好，就由Chalotte埋手！