(新手上路)唔好收好人卡就以為自己係好人: 是時候收手了

是時候收手了，我也不想騷擾的，只是不知道怎樣才是適當的距離，對不起。

「你而家仲係日日搭K58返學呀？」

「係呀，不過最近都少咗見到清雪，唔知係咪想瞓多陣呢？」

「嗯......」

阿俊、阿澤和我都分別選修不同科(阿俊修經濟、阿澤修物理)，就只有中英數通一齊上。數學永遠是男子最輕鬆的課，然而今天有些不同，阿俊竟沒有取笑我，阿澤也沒有推介甜故，問我一下對清雪的事，又靜了一下，為輕鬆的課添一陣認真嚴肅。





「其實你有冇諗過唔好再咁樣做？」

「嗯......做咩事？但係我都唔知可以點好......」

他倆掏出手機，打開instagram，滑了又滑，忽然停了，然後拿過來，這是清雪的post。

「已經三個月啦，佢今日又特登搭車撞我，佢今日又係上堂借意望過黎，停啦好嗎？」

「咁...咁...咁我鍾意佢，只係想望多佢一眼，我中一至中三都特登行過佢班房，乜...乜...乜原來佢係咁諗......」我讀完post以後只得支支吾吾。





我原本以為喜歡一個人就是這樣，渴望見多一面，總在左右，在軟弱的時候伸來一張紙巾，在苦惱的時候提出一個意見，在細雨霏霏時遞過來一把油紙傘，原來當她不喜歡我，這就是一種騷擾，讓人心煩，我這才知道......

「咁你以後諗住點？」

「咁仲可以點......我識做嘅......」