一場十年的夢。: 廣島原爆

如果呢一次算係一個大打擊，
以下落嚟呢個可以用原子彈係廣島核爆嚟形容。
                                         
關於呀鬼，我知嘅事甚少。
｢佢可以係個口入面拎塊刀片出嚟架！｣
｢佢過一打四都打得掂！｣
｢佢好似有跟大佬架，有佢睇住得啦！｣
自從橦桐生日，佢就不停提起呀鬼。
突然我先發現，我同橦桐好似係兩個世界嘅人。
就正如橦桐當日講嘅句：


｢佢乖乖仔嚟架，咪撚搞尻佢啦！｣
 
突然有一日，橦桐剎有介事咁同我講：
｢我想同個大佬裝支香。｣佢目無表情咁講。
而我仲戇戇下咁唔明佢UP乜，佢先再講：
｢我想入會。｣
喂，依家唔係入麥當勞媽咪會喎！
依家唔係入濕尻中文學會喎！
入會？！健身會呀？！
 


我無咁講，只係話：
｢小心。｣
 
沉默，係我初中時嘅性格。
直到今時今日即使我變得外向好多，
但一有事發生或者唔如意，
我都情願選擇沉默。
因為我知道，大部份人講出口嘅決定，
未必係深思熟慮過，
但都極難勸阻。


 
最終橦桐無去跟大佬，亦無講點解。
以為咁就鬆咗口氣，
可以過返D平淡生活，
每日放學上去佢屋企單純嘅攬攬錫錫，
我就己經好滿足。
直至有一日……
 
｢喂呀持……｣呀晞小息捉咗我行埋一邊。
｢講樣野比你知，你唔好激動。｣
｢……｣我完全估唔到佢想講咩。
｢橦桐叫我千祈唔好同你講，但我覺得咁樣好唔公平，你有權知道。｣
｢但你可唔可以當無聽過？｣
我心諗，又要我聽又要我扮無聽過，想點。
只知一定唔會係咩好事嚟。


｢你講啦。｣
呀晞同我嘅交集根源在於橦桐，咁講得一定同橦桐有關。
｢上個星期，橦桐同呀鬼搞咗…… ｣
｢不過橦桐係唔多願意呀，半推半就咁啦……｣
｢係喺橦桐住嗰度嘅後樓梯。｣
｢但佢話佢仲好鍾意你，唔想無咗你。佢知道你好錫佢架！｣
 
原來係帽事。