(十七)
*呀朗視覺


我個嘴同小熙雙唇依家相距只有大概5cm。

妳同陳俊賢分左手,係咪代表我有機會去做保護妳嗰個?

妳唔開心會諗起我,係咪姐係我係妳心目中已經有左地位?



我好想... 可以取替陳俊賢。


李穎熙,我真係好鍾意妳。


下一秒,我將個頭伸前,將最後個5cm既差距變為零。


「...」



「... 呀朗... 」小熙將我推開。

「對唔住」

對唔住,我真係... 忍唔住,我都唔知點解我會鍾意左妳。

「我... 唔想... 」小熙dup低頭,無正視我。

「我明,sorry」我苦笑左一下。



「我真係... 好鍾意好鍾意好鍾意呀賢」小熙一口氣講完呢句,然後眼角又不斷湧出淚水。


我都... 好鍾意好鍾意好鍾意妳。


這情敵太狠
拋開妳 但仍能勾起妳的興奮



「想喊就喊啦,喊曬出黎舒服啲。」我輕輕咁掃小熙背。





係啊,姚梓朗,喊曬出黎會舒服啲。



但...



你有資格咩。



情人沒我份 苦等這眼前人 賜與我身份
有減卻沒有增 得五十分 怎麼可充當冠軍





過左唔知幾耐,小熙已經喊到無曬力。

「呀朗,我好攰。」小熙挨左係我膊頭輕聲咁講

「我送你番屋企?」

「我個頭好痛... 」

「妳有無事啊?」我即刻用手扶住佢,然後用另一隻手摸佢額頭。

好熱...

「小熙妳發緊燒啊」我好緊張咁講「妳點啊?除左頭痛仲有無咩唔舒服啊?下?」



小熙無出聲,只係不斷搖頭,但佢蒼白既臉色話俾我知佢依家好唔舒服。

我二話不說將佢由沙發抱入房,然後幫佢com好被。

「妳等我一陣,我去拎藥俾你。」

我望一望手錶,九點半,啲診所都應該關曬門。

我入廚房拎左兩粒退燒藥出黎。

入到房,我見小熙坐左起身想落床。

「我要番去... 」佢好辛苦咁講

「你依家咁樣點走啊?」我行到佢面前擋住佢。



「太夜番我啊爸會鬧...」


聽小熙講,以前每次要夜番或者去玩通頂,都係由雪琪幫佢瞞天過海或者俾佢擺上枱。


「但妳依家咁樣,點番去啊!」

「我... 」

「乖,我幫妳搞掂,好無?」我好溫柔咁一邊講一邊摸佢個頭。

小熙本來想繼續堅持,但佢遲疑左兩秒,就應承左。

「妳依家食完藥訓陣先,你阿爸個邊,我會諗辦法架啦。」我話「妳依家最緊要係快啲好番,知唔知啊?」我笑左一笑。

小熙望住我,然後點左下頭

「呀朗,真係... 唔該曬你」


只要你無事,就得啦。


我坐係床邊陪到小熙訓著,就出去諗住煲粥俾佢。

「叮!」我打開wtsapp

「記得今晚啊!」

「我今晚唔得啊,sorry。」我望住我班中學老死既message,毫不猶豫咁覆左呢句。


我從來無試過放佢地飛機。

本身今日約左出黎飲野,因為中學玩開個堆fd有個失戀。佢同佢女朋友一齊左六年,上到大學就散左左。成個人頹到啊媽都唔認得。


李穎熙,妳真係好勁。


我熄左火,然後拎左杯水入房擺低左係檯面。

另轉面,小熙訓著左塊面紅曬個樣真係好可愛。


「咳咳... 」

我即刻行埋床邊

「好攰... 」小熙雙眼合上眉頭緊鎖咁講

「無事,我係度。」我坐左係床邊,輕撫佢啲頭髮。

「嗯... 」小熙雙手攬住我前臂

「乖,好快好番架啦」





「嗯... 呀賢... 」







為何無論去到哪裡 他也掛在你嘴
能否搞清楚這個眼前人是我 你會動情麼。



*雪琪視覺


同小熙開始friend以黎,我地從來都冇試過超過一日無聯絡。

就算以前我地嘈交,都係即日好返。

佢而家唔聽我電話,又唔上Whatsapp。平時佢唔開心個陣,一定會搵人吐苦水唔似我咁收埋自己。

今次係第一次李穎熙唔開心既時候無搵我傾。
我真係好擔心佢。


「小熙有無搵你?」耳邊傳黎呀賢頹廢既聲音,我望一望佢,然後搖左下頭。

我同嘉浩上左呀賢屋企陪佢,得知呢幾個月小熙誤會我同呀賢一齊、呀賢因為衝動而老強小熙既事。

「屌,你而家要做既唔係咁樣頹廢,應該諗點樣氹返小熙啊!」見到平時好著重打扮既潮撚呀賢突然間變到頭又唔gel、身上既衫滿是酒漬,我就睇唔順眼咁講。

「咁我可以點撚樣?佢唔聽我解釋又搵唔到佢啊!」呀賢好激動咁啤住我講。

「你發乜撚脾氣啊?而家唔係你老強小熙,件事會搞到咁僵咩?」我忍唔住道氣咁喝返呀賢。

「你講到件事唔關你事咁?你冇份令人誤會我地一齊咩?下?」呀賢都開始火起黎咁講。

「呀賢!」嘉浩見呀賢同我好似就打交咁,即刻拉住佢。然後另轉面同我講「雪琪,你就下佢喇⋯」

我望住呀賢傷心既樣,心一軟,隨即坐返係沙發。


『喂?』已經凌晨三點幾,咁夜到底會係邊個打俾我,仲係一個陌生電話。

『請問係咪程雪琪?』耳朵傳來一把男聲,我好疑惑咁答『係啊... 你係?』

『我係小熙同學,呀朗。我而家同小熙一齊,請問你而家方唔方便黎一黎瑪嘉烈醫院急診室?』

『係... 係,我而家即刻黎!』內心著急既我即刻答應,然後拉起呀賢同嘉浩上的士飛去醫院。


係醫院大堂meet up左呀朗,我地就跟緊呀朗既腳步上到病房。

「呀朗... 小熙,係咪有咩事?」呀賢自聽到有小熙消息後,開始好不安同擔憂。

「醫生話佢呢排操勞過度,感冒菌入左肺。加上,今日情緒太失控激動,所以肺炎要住院。但小熙唔想屋企人咁夜出黎,我就叫左你地黎⋯⋯」呀朗一邊解釋,一邊望住呀賢同我既眼色,睇黎佢都應該知道小熙好多事。

「係喇。點解你有我電話既。」我好奇咁問。

「因為我知你同小熙係好朋友,我諗你地之間一定有啲誤會... 所以我就係小熙訓著左個陣,拎左你電話號碼... 希望你唔好介意...」呀朗好慌亂咁解釋,而我都笑住咁搖頭「你肯打電話比我,我好多謝你」


望到床上邊臉色蒼白,額頭滿是汗水,緊皺眉頭訓著左既小熙,我好內疚。

呀賢拎起毛巾,一下一下好細心咁印落小熙臉頰上,眼神中既溫柔同望住其他女仔唔同,呢一點小熙點會感受唔到?點解佢會誤會我同呀賢架...


突然間,小熙既電話螢幕亮起。因為係iphone既關係,我可以清楚見到msg係黎知一個叫『Yuki豬』既人。

『Yuki豬: 我一早都話左佢兩個有野喇!我真係估唔到雪琪係啲咁既人⋯』


奇怪?小熙無提及過佢識一個叫Yuki既人,而電話名又會咁岩同我識個個姣婆yuki一樣既?

好奇心驅使下,我拎起左小熙部電話,用我既指紋順利咁打開左密碼鎖。我知我咁做好差,但我真係好想搞清楚到底呢個yuki豬到底係邊個。

一打開Whatsapp,就見到yuki張懶清純icon。原來真係同我識個個係同一個人。

望住對話紀錄,我可以肯定係呢條八婆講大話呃小熙,又send上次呀賢飲醉當左我係小熙啲相黎。

真相終於大白,愈睇愈火滾咁將電話比左呀賢睇。