《GatTV》

謎面︰

「吉電視公司今日開倉呀 你…得唔得閒陪我行下呀?」
同我講呢句野既係我女神 佢含羞答答咁問我
「Of Course!Why not?」我當然要懶瀟灑啦
「咁約定你喇!」

其實我完全唔明我女神諗咩


「吉電視」本身已經低質 淨係識呢度抄下果度抄下
質素方面我有理由相信佢仲衰過咩「壹伯母」

到左果日 我無奈地唯有應約
「嘩!吉電視創作既最新專輯呀!《失暖王》呀!」女神失儀大嗌
我心諗︰「《失暖王》!?乜唔係高登巴打作架咩?」
「阿儀呀,你都買返隻啦!」女神身邊既係佢好朋友阿儀
而我就周圍望下 發現呢度真係全部都係N創產品
我諗N創都唔梗要 最梗要係…
「我屌你老味!鬼故咁撚簡單都要抄?」


冇錯 我睇到本鬼故事書係同我上網睇巴打作既一模一樣
而且我朋友都有份作過 我即刻打俾佢問下吉電視有冇問過佢
結果 當然就係冇啦 我心諗︰「有冇咁無良呀?」

(咔嚓 ~ 嘟嘟嘟嘟 ~) 我突然聽到刷卡之後噤密碼既聲
我另轉頭一望 見到一個吉電視既員工進入「神秘區域」
點解我會咁叫佢地呢個地方呢?
其實係人都知 吉電視呢間公司發展得好快
表面係抄襲 實際係咩?冇人知 佢就連背景都好神秘
最少有我呢個傻佬一直都懷疑佢發展既速度好唔合常理


所以我決定 記住佢個密碼 嘗試去查探一下
「阿儀呀 我買左《失暖王》喇 不如走囉」
「好呀」女神要走 我當然都跟住走啦

不過我對吉電視懷疑既心並冇動搖
我係香港少有既會爆門毒撚王 間中會爆下菊門
唔好意思 講左佢廢話 我意思係我今日要去爆吉電視度門喇!

我夜探吉電視門 響員工入口入去
可能D員工真係放晒工啦
呢度都好黑 只係有D藍色既光 情景有D似個雪房咁
問題係呢度連氣溫都好似雪房咁
呢度有一條長到見唔到盡頭既走廊
兩邊都係房門 我見似乎冇人 就開始慢慢一個一個房去查探
第一個房︰地蓆!?玩具車!?搖搖板!?


第二個房︰書櫃!?故事書!?金庸小說都有!?
第三個房︰運動場!?呢度好大 咩運動用具都有
第四個房︰天文!?地理!?商業!?政治!?我講緊學術書
第五個房﹑第六個房﹑第七個房﹑第八個房…
我一直一直咁走落去…
「哇丫!」突然有個房既野嚇親我
係一堆人頭面具 真係好似真既一樣
「汪~!汪~!」之後我後面仲有狗吠聲
但係呢個時候既我已經凍到差D郁唔到
根本反應唔黎 只係隱約見到同聽到…
「我是一個西伯利亞人 冬天的冠軍…」
我女神唱住歌行緊埋我度
(完)