五千天的小確幸: 記打風

記打風

今年唔知咩事特別多風雨，凈系今個禮拜已打兩次風。

十號風球果次真系堅到爆，食正海風，成棟大廈真系搖下搖下，唔知海水定雨水系甘打埋窗口嘈過拆天，搞到成家人狗都無個安寧。咪本身就唔怕大風大雨，吹到呼呼聲仲楝高對耳週圍望，擘大個口大啖大啖食西北風。行雷閃電就爭小小，一早呢埋系床下底低鳴，扮曬盡力抵抗甘。

網上話唔知點揾條紮腳布，系小狗身上交叉繞完再繞，小狗就會冷靜返曬，不過行唔郁咯就，笑得我。咪腰圓背厚，邊度揾到條甘長既紮腳布丫，唉。





是日清晨已卦八號，唔駛開工瞓晏D，橫掂都無早餐食。九點零已升上十號，咪好似坐立不安唯有頂硬上，著好一身戰衣出發。咪非常喜歡粉紅戰士打扮，就算發福唔太岩身都人人讚靚，大堂阿姐更被逗得大笑，所以咪次次都戰士上身，精神抖擻，英氣十足。未出門口己經擺曬甫士，影左當去左。

落到街真系有D驚，D樹全部冧曬，連根拔到既有，攔腰折斷既有，七歪八倒系行人路、馬路，還好海水未浸到上來，不過真的癱瘓所有活動，茶樓大家樂都開唔到。衰咪不知幾興奮，追過風，跨過樹，吠過海，躲系我身後避開凌空飛起的垃圾桶。我樂得讓她瘋一下，隱隱擔心等下執屎時，萬一大風揚起怎閃狗屎。

豬也很喜歡追風吠海，不過怕她身形細小易被吹走，沒由她下地闖風聞樹。啊，不知道樹先生們怎樣了。

風過後第二天天清氣朗，我跟咪特登繞過大圈過去看他們。真好運，只有他們四兄弟好好的，齊齊整整，枝葉茂盛，陽光洒下來剎是好看。

豬放心好了，我跟咪會保護他們的。