五千天的小確幸: 刮骨療傷

刮骨療傷
 
前幾日見肥婆閃閃縮縮，背脊拱拱地，咪伸手摸下咩事。點知唔摸由事何，一摸佢竟然慘叫。又無血又唔見傷口，輕輕摸下都叫得好淒厲，搞得我心急如焚。你知佢叫得肥婆，真系唔講得笑，五十公斤肯定有，四個大人都未必搬得動她，洛威拿嘛，小心點好。

呢班豬隊友最令我擔心的是病痛唔識自己講，害怕佢內臟或者關節有事，因為她實在太肥了，平時小跑幾步，上落樓梯都論論盡盡，有事出去睇醫生就更加大陣象了。正當其他人急急忙忙搵人問時，我索性拖肥婆落樓找救兵。平時他們幾個早餐都有清潔大姐幫手，難得大姐又幾疼錫呢幾個其貌不揚既茂裡。大姐一望，伸手直探便話谷膿，口中唸唸有詞吩咐我馬上上路買藥，仲有口罩，狗用的，哈哈疼錫都可以咬人架嘛。

原來無醫生紙買抗生素藥房系會拒絕的，可能見我誠懇同無講價才大發慈悲吧。不過悲慘的事情發生了







埋單可能貴過獸醫，最緊要肥婆好返。洗傷口時真系天驚地動，鬼哭神嚎，一隻五十公斤兇神惡煞既洛威拿，就算戴曬口罩，極速甘扭動肥腰，系得我頂硬上系前面攬住佢讓阿姐處理傷口，先剪開D毛再睇住雙氧水出曬煙系深處迫死肉膿血出來，真系驚心動泊。如是者十來分鐘，辛苦過卑人打一身，不過見腫起的山仔慢慢消去，肥婆亦放鬆下來，我才可安心一點。大功告成，其他幾隻豬隊友也有靈性似的一齊靠攏過來，多謝大姐大恩，又幫肥婆舐傷口，舐完又我，嘔。之後每天，肥婆已識自動坐直身卑個肥背卑大姐療傷，不吭一聲，真乖。

豬，今天正兩年了，你好嗎？哥很念