五千天的小確幸: 那一塊大草地
那一塊大草地
豬，跟你分別果一個冬天不經不覺甘過去左咯，又系新一個夏天了。
記唔記得你小時候我同你去過有個公園，有泳池，有滑梯，仲有個大草地添。本來是見天氣熱想和你玩下水消消暑，點知你落左水鬼殺甘嘈，扭哂計抓住我唔放，死都唔肯自己游一步。氹左你大半朝最尾都系近岸果兩級濕下隻腳仔，睇人地Ｄ小朋友游黎游去，吠下果隻短腳哥基，唔抵得人地跳水甘叻。
夠鐘唯有沖涼吹毛返企，但等吹毛時見旁邊有個大草地，見果日大太陽就同你哂住等。點知你一落草就好似熱鬥小馬甘搏命跑，我就摶命追。唔知點解你腳仔細細甘跑得，肚仔又刮住個草地，留左一行行車呔印，一人一狗玩得好開心。最尾連媽媽都忍唔住落場陪你跑左幾步，你記得嗎？
今日我見甘好天就帶咪去搵下當年果個公園，過左甘多年唔知仲系唔系度。結果搵到喇衰咪又同你當年一模一樣，一樣甘驚驚青青，一樣甘鬼殺甘嘈，唔知你兩個系咪都系我親生既。好彩草地依然系甘靚，咪同我系上面奔跑追逐，扮中槍扮蚯蚓，但最中意系周圍聞，我都系一樣，聞一下果時你肚仔刮過青草果種味道。
豬，你那邊應該有更靚更大塊既草地吧，你要天天開心地同新朋友奔跑啊。等有天哥哥來再跟你再跑。