五千天的小確幸: 向世界出發
向世界出發
數數手指上次全家一齊出門旅行都應該系十幾年前，豬入門之後好似真系無，連去澳門都無。
有隻精神病叫分離焦慮症，如果卑豬一個人留系屋企無耐佢就會吠門，再耐D就開始哀鳴，搭電梯低十層樓已經聽到，所以次次都要急急腳返去，好驚卑人投訴甘。最神奇既系晚晚六點半準時眼定定及住大門等齊人返，未齊吠到齊為止，我未上樓佢已經知道，行定去門口等定。出差更要預早解釋定，晚上最好 Wechat 視像交差。
其實主要都系媽媽心掛掛，又無咩親戚朋友可靠，所以一家人絶唔會提及旅行，連去大陸飲都避得就避。有時都羨慕有D小朋友可以跟屋企去日本呀，歐洲呀旅行。不過要豬自己一個系艙屈幾個鐘，可能吠到機師以為恐襲了。
豬走了之後，我提議全家出外行行，去哪裡無所謂。媽媽年紀大了，趁可以陪她多D出去就去，她肯去就是了。地點選定檳城，跟團，榴蓮團！我諗我系全團唯一唔食榴蓮果個，仲要系聞都唔聞得果隻，不過死就死啦，費事掃佢興嘛。出發了，到埗後影相我才攞之前準備落既豬咕o臣出黎，全家福嘛，一個都不能少。我告訴媽她的旅費是你從小到大儲下來的利是，終於可以孝順她了，豬你看媽媽笑了，我們終於可以全家一起出門了。我決定了，我們家以後要多點出去，夏天看海，冬天看雪。
豬以後無論出差旅行，我都會帶埋你去走走看看，你也可以陪我說說話，不用 Wechat 了。向世界出發！