「嘻嘻⋯⋯咁次仲唔輪到我?你都恰得我多啦!」小南用水樽指向我話。

「你個狡猾嘅表妹⋯⋯居然暗算我?」我就仍然撳住個頭。

「係你自己冇防備咋⋯⋯哼!一人一次咪當打和囉!」

「打和?你就想呀?你估你係掌門人呀?」

「掌門人?」





「嗯⋯⋯總之言我先唔會咁算呀!我實報仇㗎!」我裝胸作勢咁嚇下表妹。

「咁呀⋯⋯喺你報仇之前,我就打多你兩下先囉。」小南又再次緊握水樽,滲出殺意。

「吓⋯⋯當我冇講過啦。」

估唔到小南會將武器升級,以竹籤換取殺傷力較大嘅水樽,而且不得不講,小南出手真係好重,令我心中生畏。但見佢拎住支啱啱買嘅支裝水,就使到我心裏泛起咗一個疑問。

「咦⋯⋯表妹點解你有錢買水嘅?」我問。「你喺邊度彈啲錢出嚟㗎?」





因為之前啲車錢、船飛錢、食嘢嘅錢都係我畀錢,照道理表妹應該冇錢㗎喎⋯⋯@_@

「唔⋯話⋯你⋯知!」說罷,小南就飲緊佢支水。

「咁算囉。」我話。

不過我已經估到,呢個咁蠱惑嘅表妹一定係自己有啲錢。