大象魚短暫的一生: end

好彩個啊叔都仲有啲人性肯同我解釋返來龍去脈，但係由佢廢話實在太多啦，經過一輪既廢話我總算知發生咩事。
總之就係佢留意咗我好耐，發現我心地都幾好，而且都樂於助人，所以佢想比啲獎勵，而個獎勵就係幫我實現一個願望。只不過我份人有時又有啲爛口，所以佢想透過試驗再決定睇下我有無資格接受呢一份獎勵。所以佢就諗咗條好虧既橋，就係扮傷睇下我會唔會為咗幫佢而放棄自己既測驗成績。而最終我亦都無令到佢失望，一如佢所料咁選擇幫佢，就係咁，我既良心責備令到自己無啦啦可以有一個願望實現。
「不過我諗極都唔明，點解你係都要扮成個啊婆呢？你有特殊癖好？」
「你都傻既，我唔係你啊，我唔扮啊婆點試到你啊？假如我扮啲後生仔女你就會以為我係整估你，扮啊叔你又會覺得我係呃你，咁咪唯有扮啊婆囉。」
「你咁講又似幾有道理啱！」
「咁點解我過咗隧道之後就唔見咗你既？」
「其實你過緊隧道既時候我已經走咗，只不過個時我為咗執返好自己個樣同身型所以先返屋企先咋嘛。而且原本我諗住你會好快搵到黎呢到，點知你又咁蠢搵極都搵唔到路入黎，搞到我要等你咁耐，所以咪嬲嬲地係你搵到間屋既時候唔比你入黎，諗住嚇下你。點知你條友又食我啲野，如果唔係我實隔多幾個鐘先放你入黎。」嘩，大佬你點講都好都算係神啊，咁小學雞既，遲少少到姐，洗唔洗咁玩我啊？
「你應該記得我可以聽到你心聲架可？你信唔信我取消你願望啊拿？」
「對唔住大佬，你大人有大諒，唔好同我計較呢啲小事。」
「得啦得啦，入返正題啦，你有無諗過要我實現啲咩願望？」




「我可唔可以⋯⋯」
「講明先，唔可以話咩要多幾個願望呢啲野。」嘩，你咁都諗到既
「最後提一提你，呢個願望講咗就會實現無得後悔架啦，所以你要諗清楚啊。」
「咩願望好呢，我又有一個幸福家庭，平時人緣又唔係話好差，係有時個隻死人雞成日蝦我姐。唔通個願望話要中六合彩咁白痴咩。」仆街啦⋯⋯
「叮叮叮叮⋯⋯叮叮叮叮⋯⋯」啊，又要返學啊頂，比我訓多5分鐘啦⋯
「叮叮叮叮⋯⋯叮⋯⋯」仆街啦又要遲啦！！
我拿拿林著返叫校服就9衝返學校，無計啦，今日頭2堂係班主任堂，如果比佢知我遲到，佢實鬧死我都似。
到最後我用盡所氣力跑返學校，不過係經過學校前一個街口既時候，我突然覺得我曾經好似係到撞到人咁樣，不過到最後我都係理，因為我再唔快啲就會遲到啦。
好彩，係我既極速狂奔之下，我差3秒就遲到。正當我想慢慢抖順條氣再返班房既時候，我後面又傳黎我平時我最唔想聽到既聲。
「大象魚，你又差啲遲到啊？好心你就早少少起身啦，醒少少好唔好？」救命啊，晨早流流就預到個我最唔想預到既人，算啦唔理佢算，廢事佢又煩我。只不過我既無視阻止唔到隻雞不停咁串我，哼，你咪繼續串我囉，你唔好比我中到六合彩啊，如果唔係我實買起你做我工人。講開又講，今期六合彩好似頭獎派10億喎，一於放學買返張碰下運氣先。




過咗3日後。
到啦，終於等到今日既來臨，無錯，今日就係開六合彩既日子，不過唔知點解我今次突然間好有信心覺得自己會中。放學之後我即刻返屋企返低書包，打開電視諗住對下我張六合彩睇下中5中。
第一個字，中咗啊；第2個字，好野又中⋯⋯第5個字，已經中咗四個啦，到底會唔會中埋落去呢？yes，中埋啊！⋯⋯終於到最後一個數字啦，係個一刻我覺得世界好似停頓咗咁，個波慢慢滾出嚟，我望一望個波既數字再對一對我自己張飛。我第一刻個反應係，我有無睇錯？但係經過我再三核對，個數字係一樣。我完全無諗過我竟然會中咗六合彩，好興奮啊！！！
1個月後
「主人，夠鐘起身啦，你要返學啦。」諗返轉頭我每次都覺得自己係發緊夢，但係當每
朝早聽到隻雞叫醒我返學，我就知到我唔係發緊夢，我真係中咗六合彩，雖然唔知自己到底那來既運氣可以中到六合彩，但係我真係覺得自己既一生都幾幸福啊。
仆街掛住諗又唔記得出門，頂又要遲啦！！
係跑返學校既時候我係學校前一個街口聞到熟悉既糖果味，但係當我想望一望氣味既來源既時候，我咩都見唔到，淨係見到有個啊叔係到行街。唉算啦，唔理啦，就遲啦
當大象魚跑走個刻，個啊叔突然面露笑容係到自言自語，只不過呢一切大象魚都唔知道
「睇黎個傻仔而加都過得幾幸福啊，好啦，係時候去搵下一個細路啦。」






完