校園愛情故事系列（不定期更新）: 《巧合》

唔知點解每一次…
當潘梓琪偷望啊盛既時候,
啊盛都會喺到望緊佢,
然後兩個人就會避開對方視線。

每一日,
佢都如常咁留喺學校到練排球,
而另一邊啊盛亦喺到練緊籃球,
準備黎緊嘅學界籃球比賽。





直到最近,
佢終於鼓起勇氣向啊盛表白。
佢去咗啊盛嘅班房,
「我想問啊盛喺唔喺到?」佢塊面勁紅咁講。
「嗯?」本身伏咗喺枱到嘅啊盛一聽到潘梓琪把聲就起咗身。
再見到門口企住嘅潘梓琪,
塊面就紅哂咁講「搵我做咩?」
然後潘梓琪交咗封信比佢。
仲強調叫佢返到屋企先開就走咗。





阿盛望睇住佢既背影，
再呆望住封信。
呢個時候,
阿盛既損友阿榮突然搶走左封信。
不過係佢拆開封信之前,
阿盛已經搶番,
仲喝左佢一向「屌!咪搞啦!」

放學既時候,
阿盛有籃球練習,




準備去換衫既佢望到書包入面封信
忍唔住靜靜雞攞埋入更衣室度偷睇。

「阿盛:
其實我第一次見到你嘅時候,
已經覺得你好特別,
每一日都偷望你練波…
而每一次當我望你嘅時候,
都見到你望緊我呢邊,
我就忍唔住避開你既眼神。
我冇勇氣親口同你講呢四隻字。
只好用寫嘅方法同你講。
我 鐘 意 你。」

阿盛睇完封信根本冇辦法專心練習。




當練習完嘅時候,
阿盛喺門口到等潘梓琪出黎。
潘梓琪一出門口見到阿盛個樣好凝重咁，
以為佢要拒絕自己，
於是就急急腳咁走左去。

阿盛見到佢走即刻叫停佢，
但潘梓琪無理到佢，
仲加快左速度。
阿盛急起上黎諗都無諗就大叫
「我都鐘意你啊！」

潘梓琪聽到之後停得左，
本來已經紅左既眼變得更加紅。
阿盛即刻沖到佢面前，摸一摸佢個頭「傻妹，喊就唔靚女架喇。」




潘梓琪攬住佢「我好鐘意你架！真係好鐘意好鐘意！」
阿盛微笑「我知道。我都係啊。」