校園愛情故事系列（不定期更新）: 《十三號》

「喂,謝家豪!」佢一野拍左落我背脊到,我另轉頭望一望。
「李淳蔚?你要食咩?我幫你買。」
李淳蔚係我嘅死黨,
除左呢種關係之外…
我對佢仲有一種難以形容嘅感覺。
一種想去保護佢嘅感覺。
可能係因為我當佢啊妹掛?

每一日朝早我都同佢約響M記等,
再一齊行返學。



「你又諗緊咩發呆啊?」佢眼甘甘望住我。

「冇,我冇野諗啊。」我繼續飲我手上嘅可樂。

其實我一直都唔明,
一個鐘意讀書既女仔竟然同一個籃球隊嘅男仔做左死黨…
兩個人其實大纜都扯唔埋,但竟然因為籃球而變成朋友。

----------------------------------


果一日放學,
我照舊留響學校練波,
而佢亦同梓琪坐響側邊長凳睇我地練習。

「喂,你女朋友又響側邊睇你練習。」啊開撞一撞啊盛同佢講。

「專心練波啦你。」啊盛塊面紅哂,準備射罰球。

我望一望長凳果邊,佢好專注咁望住啊盛射罰球。



「嗶」啊盛個波入左,同時教練吹雞。

「今日練習結束,解散。」

-------------------------------

如是者,每一次藍球練習佢都會響側邊睇。
直到果一日…
我照常咁去練波,
但係佢今日竟然冇出現。

----------------------------
「咦,唔見平時坐側邊個女仔嘅…?」啊雄問。

「你話李淳蔚?」啊盛講。



原來佢叫李淳蔚…
不過點解佢今日冇黎？

「考試啊嘛,佢去左圖書館温書。」啊盛答左我心入面諗既野。

話時話,我仲未交閱讀報告…
拖左兩個月。
等等去圖書館做埋佢先。

練完波之後,
我就去左圖書館。

「散文..散文..」我響到搵緊散文嘅索書號。



「終於搵到啦。」我求其拎左一本。

一叧轉身就見到佢..

「咦，咁啱嘅」佢停左落黎講左句。

佢望一望書架，「搵到啦。」

之後我地去左搵位坐低。

「其實點解你成日都黎睇籃球隊練習嘅？」我望住佢。

「因為我鐘意睇人打囉。」佢微笑

之後我同佢傾左好多關於籃球嘅野。


就係咁，我地就做左朋友。

唔知點解，同佢相處嘅時候..感覺好自在。

------------------

「我諗我鐘意左你。」我鼓起勇氣同佢講。

「咪玩啦,我地係兄弟黎架嘛。」李淳蔚笑住咁講。

我果一刻好想同佢講,
其實我係認真架…