啊,好攰。 

感覺我好似訓左好耐,應該唔止一晚。 

慘啦咁學校咪會當我曠課,唉早知唔同肥豬佢地玩LOL玩到咁夜啦,仲要係咁輸。 

咦?咪住先,好似有D唔對路喎? 

呢度係邊度? 



我四圍望望,好快就判斷出呢度唔係我屋企。 

從周圍既設備黎判斷,呢度應該係醫院。 

搞乜我會係醫院?唔通我做左感冒童? 

咁係咩人幫我報警送我入醫院? 

唔得,個腦一時之間處理唔到咁多野。 



總言之,都係坐直個人先啦。 

我坐左起身,好中二病咁棟起隻腳俾隻手晾住。 

我究竟發生左咩事..? 

一想好好整理記憶,個頭就開始痛。 

我忍唔住用手掩住自己個頭。 



喂?咩事?邊個無啦啦攬住我?老子既身體好高貴架,唔係一般庶民可以隨便掂架。 

咦?係個長髪姐姐黎架喎。 

雖然我係幾enjoy俾姐姐攬,但畢竟男女授受不親,我又好似唔識佢,都係推開佢先啦。 

我好注意自己既力度,希望唔好整親呢位姐姐。 

終於,我推開左佢,順手望左呢個姐姐兩眼,哇都幾靚架喎,好似係邊度見過。 

唔得,唔可以咁興奮,要冷靜D唔好失禮。 

我好快咁調整左自己既心情,用一個好疑惑既語氣問眼前呢位姐姐。 

我:「你係..邊個..?」



唔知係因為我推開佢定係我問佢係邊個,呢位姐姐成個人呆左咁企係度。 


我諗佢真係識我既。 

「你真係唔記得我係邊個..?」 

喂大佬呀,唔好咁CCTVB啦,我都問得你係邊個囉,點會記得你吖小姐。 

我:「Sorry,可能我訓得太耐,記憶有少少糢糊,我真係無印象。」 

哇,呢D垃圾籍口我都講得出,魯路修你真係好野。 

個姐姐聽到我咁講之後就粒聲唔出行左出去,個樣仲好似幾傷心咁。 



救命,咁搞到我好慚愧。 

個姐姐究竟係我邊個啫,居然會為我咁傷心。 

個位姐姐之後一直都無返黎,黎既都係一堆醫生同護士,幫我check呢check路,仲問左我幾個問題。 

之後就剩低我一個係病房入面,哇真係幾無聊,我都係訓返落床先。 

閉目養神左一排,我聽到有開門聲。 

係醫生既話就岩啦,想問下幾時可以出院,我想返屋企。 

我睜開眼,望向門口,發現開門既唔係醫生護士,而且幾個男女,當中仲包括頭先個姐姐。 

「我黎接你啦,同我返屋企啦魯路修。」 



其中一個短頭髮既姐姐行出左出黎對我講野。 

咦..? 

咦!! 

呢個人,好似係我家姐美星? 

我:「你係咪美星..?你返左黎香港?」 

美星:「嗯..同我返去啦。」 

終於俾我見到個識既人,呼,個人總算安心少少。 



我好奇咁望下美星後面既人,卻發現佢地個個既樣都好熟悉。 

雖然係好熟悉,但又同記憶中有所出入。 

我:「你地係晨哥,肥豬,師父同Jason?」 

一聽到我咁講,佢地都嚇左一嚇,臉色仲好差,但都向我點頭示意。 

奇怪,大家個樣好似變左D咁既?仲好似高左… 

咦咪住先? 

既然在場個個我都識,咁個位姐姐又係邊個? 

「佢係邊個?」 

我舉起手指,想指個位姐姐,但發現佢已經唔係病房入面。 

美星:「邊個佢?」 

我:「頭先同你地一齊入黎個個姐姐啊,佢係邊個?」 

全場突然靜左,個個都dup低頭。 

但只有晨哥無dup低頭,仲深呼吸左一下,好似有野想講咁。 

晨哥:「佢係B班既Cherry,係你女朋友,你地仲就快結婚。」 

哦,係我女朋友Cherry。 

咦!!! 

我幾時同女神Cherry拍過拖架!?仲就快結婚!?大佬我仲係中五咋結咩婚? 

我完全唔知由邊度開始吐嘈先好。 

但晨哥一下禁住我膊頭,拉左我返黎。 

哇,佢無啦啦開左認真mode既? 

晨哥:「聽我講魯路修,你而家已經係23歳,一早畢哂業。」 

我已經23歲..?咁我之前幾年既記憶去左邊..? 

我一時三刻實在無辦法處理呢個咁衝擊既資訊。