[找數][外傳]「空白的五年」: 虛構

「佢仲未記返起哂所有野，尤其係你走左果五年。」 

我突然收到一個msg，個no.仲要係我唔識既。 

睇完個msg，我自己一個靜左一靜，無乜反應。 

因為我唔知應該俾咩反應好，我而家心情好複雜好矛盾。 

一方面，我因為佢原來未完全記返起哂所有野而擔心佢，好想為佢分憂。 



佢而家一定好煩惱好想記起，我已經可以想象佢煩惱個樣。 

我覺得佢而家好需要我係佢身邊幫佢，等佢可以儘快記起一切。 

但係，我可以咩？ 

過去五年，我都唔係佢身邊，我點可以幫佢記起？ 

而且，若然佢真係記返起，會唔會反而唔開心？ 



我知道，佢呢五年其實過得幾辛苦，每次我返香港，我都會偷偷咁係一二邊望住佢。 

每次見到佢佢既眼神都係好低沉，好似無哂精神同光釆咁。 

家姐亦同我講過，入左OU之後佢推左幾個女仔既告白，話自己要等一個人。 

佢記返起，可能唔係好事。 

但另一方面，我有一個諗法。 



既然佢唔記得，不如我陪佢過一個新既五年？ 

幫佢創造一個有我既五年，一個幸福快樂既五年。 

只係我唔知咁樣會唔會好大風險，萬一有朝一日佢記返起佢咪會知道我所做既一切全部都係大話囉？ 

Lulu好唔鐘意人講大話，佢知道左會唔會憎我？ 

我而家真係好頭痛好苦惱。 

我係偏向同佢虛構一個五年出黎既，但後果可以好嚴重，我有D驚。 

所以我決定搵人傾下，我要去搵lulu家姐美星。

我返左屋企坐左一陣，俾自己冷靜一下之後就去lulu屋企。


 
我怕我同家姐傾傾下會無啦啦失控，所以想自己一個人冷靜下先。

但當我去到lulu屋企門口，我發現自己好驚，拎住鎖匙既手不停咁震。
 
我突然係度諗，若然開門之後見到佢，我應該點做好？
 
成個處境咪會好尷尬囉！
 
唔係啦，都係打比家姐約佢出去傾好D，lulu係度一定傾唔到。
 
「阿妹？仲乜企係度唔入去？」
 
正當我想打比電話個陣，我聽到家姐把聲，原來家姐都係岩岩返黎。
 


我：「家姐我有野想同你傾啊..關於魯路修架，佢好似..仲未完全記起所有野。」
 
美星：「你點知架！？」
 
咦？家姐知？
 
我：「你知道..？」
 
美星：「呢度唔方便傾，跟我黎。」
 
之後美星就帶左我去佢準備今年開既新café，呢度一個人都無，最適合傾秘密。
 
美星：「咁，話我知，你係點知架？佢應該只係話左俾我一個人知架。」
 
我一五一十咁將事情既始末咁話哂俾家姐知，再講埋自己既諗法，希望佢俾下意見。


 
美星：「唔，幾好吖你呢個諗法，又可以追番你地之間真空左既時間，對你兩個都好。」
 
我：「但若然佢記返起既話，佢咪知我係講大話囉…」
 
美星：「無問題既，相信我，佢記起仲好，知道你所做既野係為佢好，更加離唔開你。」
 
我：「真係？」
 
美星：「嗯，唔洗驚咁多，萬大事有我，話時話，你地婚期洗唔洗延期？」
 
我：「我都唔知..等佢提起先再算啦。」
 
一提起「婚期」，我就忍唔住望下手上既戒指。
 


「阿妹~真係唔洗怕架，放膽去做啦。」
 
家姐係我dup低頭果陣摸我個頭，嘗試去安撫我既情緒。
 
呢招的確有效，我既不安開始慢慢消失。
 
取而代之既係一份決心。
 
我要俾佢一個好好既新五年，無論我會面對咩後果。
 
之後我要同佢結婚！無論佢唔要我都好！我都要痴住佢！
 
呢個將會係一個好大既計劃。