[找數][外傳]「空白的五年」: 重要

「好啦，咁你講你想問咩啦。

」

佢拆開我袋M記，仲伸手去拎我D薯條食，不過我無阻止，畢竟我有求於人。

但係佢居然揀係呢度，到底係有心定無意…

呢度係羅馬廣場，我記得六年前佢係係呢度…

嘛，唔好咁在意，都六年前啦，人地都未必記得架啦。

Ada：「喂。」

佢一聲就將我拉左返黎現實，因為我仲警戒緊佢。

我怕佢會無啦啦提返起，到時我真係會唔識應對。

我：「咩事？」

Ada：「你再唔食，個包就會凍架啦，而且你係咪有野要問架？唔好吞吞吐吐咁啦。」

咦？我D薯條呢？佢咁快食哂？

唉仆街唔好理了，我怕再唔食連個包都會無埋。

我放低戒心，坐左係佢旁邊，開始用光速進食。

總算有D野落肚，個人舒服左少少。

「呼~

」

我忍唔住叫左出聲，成個人都處於好放鬆既狀態。

Ada：「肯問未呀你。

」

啊，一時之間無左回事添。

不過佢D語氣態度都無變，同而家個look有好大反差。

都係時候入正題喇，唔好阻人時間。

我：「我想問下你，五年前Cherry係咪離開過我？」

仆街，一下子就將心底話講左出黎！！

太大意了！

但佢既反應出乎我意料地平靜，只係側左一下頭，曚起對我望住我。

Ada：「過去，重要咩？

」

駁唔到，一時間我真係駁唔到。

點解我會咁想搵番空白左既五年？可能只係因為出於出奇心啦。

原本屬於自己既野突然間無左，我相信係人都會好奇無左既係D咩同想搵返佢。

我：「我只係想搵返自己既過去，搞清楚成件事。」

Ada：「搞清楚？而家你有乜唔清楚？你覺得佢唔愛你？」

佢講野真係好有骨…

我：「咁又唔係…我知佢係好愛我，肯為左我做咁多野…」

Ada：「咁咪夠囉，點解仲要望番過去？」

Ada：「過去其實一D唔重要，重要既係而家仲有未來。」

Ada：「太在意過去而錯過而家愛你既人，值得咩？」

我居然會企定定咁俾佢話。

可能佢講得岩..

若然我到最後發現過去五年係唔開心既，我又會點..？

我真係唔知…

我份人真係好易動搖..

Ada：「你明我想講架可？與其執著無左既五年，不如同佢好好咁過多五年十年啦。」

我：「嗯…我明，只係…求知慾作怪啫..」

Ada：「不過，我有樣野可以話你知，呢五年黎，佢都係一樣咁愛你，仲係你身邊。」

係我身邊？呢個情報好有用！