[找數][外傳]「空白的五年」: 矛盾

果日之後兩星期我每日都同佢周圍去，不停咁玩，幫佢「搵番」五年前既記憶。

雖然我每日都玩得非常開心，但其實每晚訓覺我既心情係無比既矛盾。

一來我又覺得咁樣好似彌補左呢幾年既遺憾，二來我又好驚…

明明已經提左自己好多次唔需要咁驚，但自己就係無辦法…

每過一日，就覺得同佢距離愈遠。

明眀佢就係我眼前，但我就硬係覺得最後會失去佢。

我真係好攰，但我要堅持落去。

Lulu：「今日去邊啊我地。」

佢又叫我了。

我：「唔…去食少少野先再諗啦，想去邊食？」

lulu：「吉野家啦。」

我：「好啦我今日心情好，陪你食啦。」

就係咁，我就陪左佢去食吉野家。

不過我無諗過，會係吉野家見到佢地。

我見到朱雀，佢女朋友仲有子琪三個一齊係吉野家。

弊啦，我個心突然離左離。

我突然覺得好緊張。

我好怕比魯路修見到朱雀，我覺得佢見到朱雀就會記番起一切。

咁到時我既大話就會被揭穿，我唔知後果會點，我直頭唔敢去諗。

我：「不如坐果邊？」

我指向同子琪佢地相反既方向。

lulu：「吓…果邊好多MK仔喎好似會好麻煩，都係呢邊啦。」

佢拖住我行，行去子琪佢地果邊。

佢好似完全無留意到子琪佢地咁，只係一心一意咁去搵位，直至子琪叫我地。

子琪：「唷~lulu。」

慘了。

lulu：「唔？咦子琪？好耐無見啦我地，係度做乜？」

子琪：「無，同佢約出黎敘下舊啫，你認唔認得佢？」

lulu：「唔？佢？」

lulu開始望向朱雀。

朱雀：「唷~魯路修。」

我好密切咁留意住lulu既表情，因為咁應該可以判斷出佢恢復記憶未。

佢既表情有少少疑惑，好似唔確定眼前既人係邊個，但最後都係講出左呢個名。

Lulu：「你係朱雀..？」

從語氣同表情黎睇，佢應該仲未記得早排就已經見過朱雀，佢仍然當朱雀係失蹤已久既朋友。

呼，總算可以鬆一口氣，呢種令人提心吊膽既事真係唔好再發生啦，會死人架。

好嗱，我都要重新進入狀態啦。

我扮到咩都唔知咁問lulu：

「lulu，呢位係？

」

lulu：「朱雀！

我以前應該有同你提過，佢就係果個朱雀。」

我知道啊，我係最清楚架…

做戲真係好辛苦...

佢同朱雀一見如故，傾到忘哂形，好似直頭唔記得左我係度咁。

傾計既話題離不開都係「之前去左邊」，「而家做乜」，同之前佢地見番面個陣差唔多。

我坐係一邊聽到好驚，好怕朱雀會講多左野，會因為咁而穿煲。

原來講大話係會咁令人提心吊膽…

子琪：「喂lulu，理下你女朋友啦，人地坐左係度好耐啦。」

連子琪都注意到我啦。

Lulu：「 Oh! Sorry吖！我而家去買！等多一陣！」

Lulu馬上企起身出去，仲撞到檯角，個畫面好好笑，但我就係笑唔出。

佢愈行愈遠，直至我見到佢係收銀處排緊隊我先鬆一口氣。

朱雀：「放心啦，我知道左架啦，我唔會亂講野既。」

我：「Thank you…」

我終於可以暫時放鬆一下神經，成個人伏左係張檯上面。

子琪：「辛苦你啦Cherry…為左個傻仔。」

Cindy：「我就咁睇，佢好似係個好男仔喎。」

Cindy係朱雀女朋友。

我：「係架…但我對佢唔夠好，要佢等左我五年，所以我想趁佢而家唔記得去補償…」

一講起佢既事我就忍唔住坐番直個人。

朱雀：「講呢D，你兩個都對對方夠好架啦，唔好諗埋一邊啦。」

子琪：「係囉係囉，其實你都對lulu夠好架啦，佢係遲鈍左少少，但佢一定知架Cherry。」

我：「嗯，希望啦，不過我都係想盡力再對佢好D…咁樣我個心會好過少少。」

朱雀：「但係你為左令自己個心好過少少而令自己咁辛苦，唔係好矛盾咩？」

朱雀望住杯汽水咁講，語氣好平靜，但聽落好鋒利。

係就係好有道理…但我始終…

我過唔到自己個關。

「係度傾D乜啊？

」

lulu佢返黎了，捧住個餐盤返黎。

換氣既時間完了，我又要戴返起個面具啦…

唔通以後都要咁…？

朱雀：「無啊咪講番你細個D野，原來你去到中學都係咁。」

lulu：「妖收聲，唔好係我女友面前講我壞話，唔好聽佢講啊Cherry。」

我：「你D野我夠哂清楚啦，人地講真定講假我會唔知咩傻佬。」

lulu：「又係呀可哈哈。」

Cindy：「你地真係好襯喎，有無打算結婚？

」

唔知Cindy係有心試探lulu口風定係隨口講，但一提起「結婚」兩個字我個心就痛左一痛。

我最近已經唔敢再諗結婚，只係想可以繼續同佢一齊同埋個大話唔好穿煲。

至少，唔好咁快穿。

「其實我地一早已經準備結婚架啦，只係我之前出左少少事，不過我諗應該都會如期進行既。」

「係咪呀？Cherry。