[找數][外傳]「空白的五年」: 謝謝
哇，我居然會唔記得結婚戒指呢回事，俾Cherry知道左會唔會殺左我？
不過講起又奇怪，佢都無同我提過結婚戒指呢回事，正常佢一定會嘈住話要自己揀架。
唔通佢係想我揀比佢，比個驚喜佢？
哇咁樣既話我真係身負重任啦今次，點先可以買到隻可以令佢覺得有驚喜既戒指？
都係去珠寶店行一轉先？
屌，唔去由至可，一去就更加頭痕。
行左咁多間鋪，我都搵唔到一隻我認為岩佢既戒指。
呢鋪大劑啦…求其買一隻我又過唔到自己果關，但唔買又唔係..
咦，不如學美星咁，自己整返隻？
都未嘗唔係一個辦法！可以一戰！
就算隻戒指無咩野鑽石都好，入面都有我對佢滿滿既愛，同鑽石一樣係永恆既。
好，到時候佢問起點解隻戒指無鑽石既話就咁答啦！
咁而家我首先就要上網睇下邊度有得自己整戒指先。
我上網左click右click，見到有好多可以訂造戒指既website，但都唔岩我心水。
可以的話，我想親手打造隻戒指。
我知咁樣係好強人所難，但我始終都希望可以至少親手做一個step。
好多page都拒絕左我既要求，我都明既，唯有繼續搵啦咁。
雖然只係得番一個月都無既時間，時間係好緊迫，但係我無搵美星幫手。
今次我想自己黎，唔想靠其他人。
就算係係食飯，同晨哥佢地傾兄弟團既時候我都係度搵資料，睇下有無可能搵到。
皇天不負有心人，用左一星期左右我終於搵到一間肯俾我參與製作過程既鋪。
我地透過email聯絡，首先定好哂款式，刻字，大小等等細節，哇好彩既係呢間鋪仲有鑽石款，正。
之後我地約左一個時間上去佢地既工場，等我可以參與其中一項工序。
我地約左十二月五號，老實講，時間上我覺得有少少趕，但係人地話一定趕得切，我亦只好相信。
總算叫做解決左當前最大既問題啦，可以處理下其他野了。
但當我想去處理其他問題例如酒水吖book車編席位吖呢D野既時候，我發現原來班兄弟已經幫我搞掂。
晨哥：「見你呢排忙緊戒指D野我地咪幫你搞其他野先囉~」
我：「點解你地會知…」
朱雀：「你呢排成日用電話睇戒指我地就知啦。」
朋友，認真夠好。
大家，多謝你地，正因為有你地，我先可以無憂無慮咁去做每一件事。
十二月五號，我按照email約好左既時間去到佢地俾我既地址。
「一生鑽飾」
嗯，個名岩，係呢度了。
我深呼吸左一口氣，推門入左去。
「唷~黎左嗱，幾準時喎魯路修。」
咦？點會係你地？
子琪，若睛兩個竟然企左係接待處，好似係度等我咁。
我：「你兩個點解會係度？」
子琪：「呢間野係我地同幾個師姐夾份開架傻仔。」
吓？真架？世界居然真係細成咁？？
我：「哇居然又會咁岩都有既？世界真係細吖哈哈。」
若睛：「咁岩？你都傻既，呢個世界邊有咁多咁岩。」
我：「吓？咩意思？」
若睛：「傻仔，邊會有公司肯比你參與製作過程吖，見你係friend先破例比你咋。」
我：「吓但你又估到我會搵到你地公司。」
子琪：「無架，等囉，等你搵上門囉，反正又唔會有其他行家會so你，你會搵到我地都只係時間問題。」
哇，感覺我好似一個演員咁跟住佢地劇本去做咁，有少少唔高興，但亦只可以苦笑。
若睛：「咪講咁多啦，我地師傅等緊你，拿拿聲入去敲兩下交貨再傾啦。」
哇，無見一排，講野串左咁多既？
唔係喎，佢一向講野都係咁架啦，屌on9lulu。
我跟住佢地既引導，去到工場，果度已經有個阿叔橋住手坐係度等緊我。
氣勢好強，我有D驚。
不出我所料，呢個阿叔果然好惡，惡撚過共產黨。
我每做一個動作都會被佢屌一餐，好彩佢唔係屌我老母啫，因為而家子琪佢地拍緊片。
我都幾肯定到時候佢地會係婚禮度播呢條片，如果阿叔係屌我老母既話，到時播就尷尬啦。
每一下敲我都特別俾心機，一生人入面未試過咁俾心機，連大學Final都無比心機。
敲左唔知幾耐，個阿叔就話夠喇仲趕我走，但係我硬係覺得未夠，覺得好兒戲。
之後有一位小姐帶左我去寫字樓搵子琪佢地，我地仲為對戒指討論左好耐，最後我終於設計左一隻滿意既出黎。
我：「呼，終於。」
子琪：「係幾靚既，佢應該會鐘意，我會叫師傅比多兩分力造好佢架啦。」
若睛：「「條片都拍得唔錯吖。」
我：「真係多謝哂你地，滿足我呢個咁無理既要求…」
子琪：「傻啦咁多年朋友你同我講多謝。」
若睛：「我地都想你地結婚結得開心架~」
嗯，多謝你地，拜託你地喇。
原來我身邊有咁多人幫我為我好，比我預期中仲要多。
之後又係一段漫長既等待。
等美星既衫，等子琪佢地既戒指。
其實我心入面係好心急，好想快D見到實物，但我知道係急唔黎，而且我亦無資格急。
畢竟我係求人幫我，我無資格去催人地。
所以我每日都好似望夫石咁等，日復一日咁等。
隨著時間愈來愈少，我見美星每晚都開夜車開到好夜，老實講，我有少少慚愧。
居然要自己家姐為左自己而咁辛苦，我良心真係過意唔去。
但如果我叫佢停反而會浪費左佢一番心血，所以我決定每晚都沖杯咖啡比佢，當係補償。
我知道咁樣根本唔可以稱得上係補償，但而家我可以做既只有咁多。
我發誓，之後會再補償。
時間不斷流逝，天氣亦開始轉冷。
到23號，戒指終於到左，好靚，入面仲有張卡，係子琪佢地寫，內容離不開都係祝福我同Cherry。
Cherry並無見到呢隻戒指，因為早兩日佢就返左屋企做冬順手係果邊住等當日我去接新娘。
驚喜之一已經準備好，只係差…
算喇唔好俾壓力佢，佢應該已經好辛苦。
不過當晚天氣真係凍到不得了，我只係打機隻手都覺得凍。
我好擔心美星係咁既天氣下做野會唔會凍親，所以我係雜物房入面摷左個䁔爐出黎，準備拎比佢用。
我帶住個䁔爐入佢房，卻發現佢伏左係佢張檯上訓著左。
做到太攰訓著左啊…
我放低暖爐，行去佢衣櫃，準備拎件厚外套俾佢搭住，卻發現佢床上有個半掩既大紙盒。
出於好奇，我拎開左個蓋睇下個盒入面係咩黎。
哦？呢件係…
我忍唔住回頭望望伏係檯上訓住既美星。
辛苦你喇，家姐。
我扮到無睇到個盒咁cum返好個盒，將佢先放係一邊，再走去檯度一個公主抱咁抱起美星。
呼，好彩佢唔算好重啫。
我輕輕咁將佢放落床，仲幫佢cum好被，以免佢凍親。
之後我就放番個盒上檯，再熄哂燈帶返走個暖爐。
「多謝你吖家姐，雖然咁講早左少少，但祝你平安夜快樂。
」
我講完就關門走人。
呼，萬事俱備了，應該可以有個完美而有驚喜既婚禮掛？
再過一日，我目前人生中最重要既一日就要到喇…
子琪：「呢間野係我地同幾個師姐夾份開架傻仔。」
吓？真架？世界居然真係細成咁？？
我：「哇居然又會咁岩都有既？世界真係細吖哈哈。」
若睛：「咁岩？你都傻既，呢個世界邊有咁多咁岩。」
我：「吓？咩意思？」
若睛：「傻仔，邊會有公司肯比你參與製作過程吖，見你係friend先破例比你咋。」
我：「吓但你又估到我會搵到你地公司。」
子琪：「無架，等囉，等你搵上門囉，反正又唔會有其他行家會so你，你會搵到我地都只係時間問題。」
哇，感覺我好似一個演員咁跟住佢地劇本去做咁，有少少唔高興，但亦只可以苦笑。
若睛：「咪講咁多啦，我地師傅等緊你，拿拿聲入去敲兩下交貨再傾啦。」
哇，無見一排，講野串左咁多既？
唔係喎，佢一向講野都係咁架啦，屌on9lulu。
我跟住佢地既引導，去到工場，果度已經有個阿叔橋住手坐係度等緊我。
氣勢好強，我有D驚。
不出我所料，呢個阿叔果然好惡，惡撚過共產黨。
我每做一個動作都會被佢屌一餐，好彩佢唔係屌我老母啫，因為而家子琪佢地拍緊片。
我都幾肯定到時候佢地會係婚禮度播呢條片，如果阿叔係屌我老母既話，到時播就尷尬啦。
每一下敲我都特別俾心機，一生人入面未試過咁俾心機，連大學Final都無比心機。
敲左唔知幾耐，個阿叔就話夠喇仲趕我走，但係我硬係覺得未夠，覺得好兒戲。
之後有一位小姐帶左我去寫字樓搵子琪佢地，我地仲為對戒指討論左好耐，最後我終於設計左一隻滿意既出黎。
我：「呼，終於。」
子琪：「係幾靚既，佢應該會鐘意，我會叫師傅比多兩分力造好佢架啦。」
若睛：「「條片都拍得唔錯吖。」
我：「真係多謝哂你地，滿足我呢個咁無理既要求…」
子琪：「傻啦咁多年朋友你同我講多謝。」
若睛：「我地都想你地結婚結得開心架~」
嗯，多謝你地，拜託你地喇。
原來我身邊有咁多人幫我為我好，比我預期中仲要多。
之後又係一段漫長既等待。
等美星既衫，等子琪佢地既戒指。
其實我心入面係好心急，好想快D見到實物，但我知道係急唔黎，而且我亦無資格急。
畢竟我係求人幫我，我無資格去催人地。
所以我每日都好似望夫石咁等，日復一日咁等。
隨著時間愈來愈少，我見美星每晚都開夜車開到好夜，老實講，我有少少慚愧。
居然要自己家姐為左自己而咁辛苦，我良心真係過意唔去。
但如果我叫佢停反而會浪費左佢一番心血，所以我決定每晚都沖杯咖啡比佢，當係補償。
我知道咁樣根本唔可以稱得上係補償，但而家我可以做既只有咁多。
我發誓，之後會再補償。
時間不斷流逝，天氣亦開始轉冷。
到23號，戒指終於到左，好靚，入面仲有張卡，係子琪佢地寫，內容離不開都係祝福我同Cherry。
Cherry並無見到呢隻戒指，因為早兩日佢就返左屋企做冬順手係果邊住等當日我去接新娘。
驚喜之一已經準備好，只係差…
算喇唔好俾壓力佢，佢應該已經好辛苦。
不過當晚天氣真係凍到不得了，我只係打機隻手都覺得凍。
我好擔心美星係咁既天氣下做野會唔會凍親，所以我係雜物房入面摷左個䁔爐出黎，準備拎比佢用。
我帶住個䁔爐入佢房，卻發現佢伏左係佢張檯上訓著左。
做到太攰訓著左啊…
我放低暖爐，行去佢衣櫃，準備拎件厚外套俾佢搭住，卻發現佢床上有個半掩既大紙盒。
出於好奇，我拎開左個蓋睇下個盒入面係咩黎。
哦？呢件係…
我忍唔住回頭望望伏係檯上訓住既美星。
辛苦你喇，家姐。
我扮到無睇到個盒咁cum返好個盒，將佢先放係一邊，再走去檯度一個公主抱咁抱起美星。
呼，好彩佢唔算好重啫。
我輕輕咁將佢放落床，仲幫佢cum好被，以免佢凍親。
之後我就放番個盒上檯，再熄哂燈帶返走個暖爐。
「多謝你吖家姐，雖然咁講早左少少，但祝你平安夜快樂。
」 我講完就關門走人。
呼，萬事俱備了，應該可以有個完美而有驚喜既婚禮掛？
再過一日，我目前人生中最重要既一日就要到喇…