被踢回人間的天使: 11.真相大白？
11.真相大白？
「但係…….我唔想…..」劉琪說。
「唔得，唔可以，我一定會幫你搵到一個愛你嘅人…..佢一定會好愛你，對你好好…….」李桐漲紅了臉，大力的捉緊劉琪的雙手。李桐一臉認真的樣子把劉琪嚇怕了。
「冷…..冷靜啲，其實…….我唔一定要拍拖，單身都唔錯丫，可以做自己鐘意嘅野，自由自在幾好丫…..當然，我男朋友都比好大自由度我，但世界上唔會再有人好似佢咁就我架喇………而且.....邊有咁易丫，學黎天王話齋：『拍拖同撞鬼一樣，都係好講緣份』....所以順其自然啦！」劉琪深深的嘆了一口氣。
其實李桐知道劉琪是放不下自己，但李桐又何嘗捨得放下劉琪呢。
李桐想起在實習天使課程中，有一門學科名為「人生百態」。「人生百態」，顧名思義就是要認識「人的百種態度」。例如「貪心與慷慨」、「自私與無私」等等……..教授太白星君說過人最難的是「放下」。
當時李桐並不明白太白星君的說話，更「挑戰」衪說：「唓…….俗語話『拎得起說放得低』，冇野係放唔低嘅，只係睇自己願唔願意啫…..」
太白星君只回李桐一句：「拿在手誰願意放下。輕易放下是因為從來沒有拿起過。是不能也，非不為也。」
直到這刻，李桐才明白太白星君的意思。放手難，放下心頭更難。不是不願意放下，而是已經牢牢烙在心裡，怎樣才能放下呢。
每個經歷失戀的人，身邊總會有人勸自己「放下」。曾經，李桐也這樣跟失戀的朋友說過。但今天，李桐才發現原來聽到別人說「放下」是多麼礙耳的。
李桐有點後悔當日沒有追問太白星君如何「放下」。如果知道了便可以幫劉琪和自己「放下」。
「唉……我都明白…..」
「好啦，唔好講我….你呢…..你打算點呀？搵親戚定點？」劉琪借意轉移話題。
「我可唔可以暫時住係你屋企，因為親戚有啲事唔可以接我，我可能要打搞你一段時間…..」雖然李桐萬般不願意再騷擾劉琪，但又沒有地方容身才出此下策。
「可以，只要你唔介意同我孖鋪就得啦…..」劉琪說。
「孖鋪……唔好…..我瞓梳化得喇……」李桐擔心自己把持不住，故拒絕劉琪的好意。
「唔緊要啦，大家都係女仔……冇所謂啦…..」
「Errrr....都係嘅，大家都係女仔，應該冇野可以發生啦……男仔就話怕啫，女仔應該冇野嘅.....」李桐內心暗暗地想。
「係呢，頭先你話Download 咩App可以了解Les多啲呀？」
「Butterfly 呀…..」劉琪邊說邊回房間。只剩下李桐一個在客廳中。李桐急不及待的下載Butterfly，期望可以從中知道Les的術語以協助月老，然儘早早回到天堂。
「名字：李小花」
「Email：[email protected]」
「地區：東區，PURE／TB／TBG／No Label？咩係No Label？我都係揀TB穩陣啲…..」
「討論區，是旦啦………」
李桐花了很多時間，才能成功在Btf註冊。一進入討論區，他看到林林總總的話題，令他無從入手。
「『討論Lesbian嘅外型角色選項』……依嗰似可以知多啲Les喎」李桐進入話題，然後仔細的瀏覽當中的內容。
「……咩嚟架…….又B又G又P，然後0/1/10.....又gender identity又話有得分4、50種……我唔係要學識晒嗰50種嘛……點解Les嘅世界咁複雜咁多野揀架……唉……」李桐被眼前的一切嚇呆了，他完全沒有想過要了解Les的世界原來是這樣困難的。
「其實學劉琪話齋，鐘意就得喇，分咩label丫.....麻煩死..」
最後，李桐作了一個重要的決定－－－「月老，你去下載個App叫Butterfly，入面有齊你要嘅資料…..唔駛多謝我，慢慢研究。李桐字」
李桐發了訊息給月老後，便走進睡房裡。他看到劉琪在床上熟睡，也忍不住睡在她的旁邊。
「大家都係女仔，應該冇野嘅……」李桐自言自語地說。不消一刻，他也睡著了。
睡夢中，李桐看到劉琪。劉琪捉著他的手說很掛念他，然後又吻向他。李桐沒有反抗劉琪的吻，更主動吻回劉琪。因為他知道這是一個夢，睡醒後就不會記得夢中的一切。只有在夢中，李桐才可以再次擁有劉琪。哪怕只是一刻鐘。
「我都好掛住你…..我唔想再同你分開……」李桐哭著把劉琪擁入懷說。
「我都係呀，好掛住你….」劉琪也哭著緊緊的摟著李桐。
正當李桐沉醉在夢中的相聚時，他被淚水弄醒了。李桐醒來發現自己和劉琪在床上緊緊擁在一起，劉琪的淚滴在李桐的臉上。李桐看著仍在睡夢中的劉琪滿臉淚痕，口中更喃喃的說不要分開。
「對唔住……」李桐憐惜的為劉琪擦去淚痕，然後又忍痛把她推開。因為他知道夢已醒了，一切也要回復正常。
李桐邊哭邊走出睡房，「嗚…..邊個話大家都係女仔，應該冇野可以發生…....嗚....點解要咁玩我…..」
電話再次傳來訊息：「Btf求愛區話玩七天情侶，咩係七天情侶呀?月老字」
李桐沒有回應月老，只是坐在客廳的梳化上嚎哭。此刻，他的心很痛，他痛恨上層、痛恨習大人把他玩弄在鼓掌之中。
「嗚.....」
「唔好喊啦…..」劉琪突然在李桐面前出現，然後擁著李桐入懷內讓他哭。「我知道你因咩事喊，喊咗出嚟會舒服啲…..」
「劉琪知道？唔通劉琪知道我就係李桐…..」