早兩日OT遲收工,女上司叫我上去佢屋企..: 23

但係床上, Angela柔軟既身軀緊貼著我胸口,
佢淡淡咁講: Martin公司, 朋友,屋企人都打過幾次電話俾佢.
我: 咁....我地要點做?
佢: 放心,我見客好成功, 仲早左一日番大陸用佢電話, 營造假象,警察會好亂,唔知佢係邊.
我: 但警察check入境就知道...Martin從來冇離開過香港喎...
Angela搖搖頭 : 錯, 不知幾多人用自己方式番大陸, 警察只會愈查愈亂, 最後不了了之.
我: 喔....
Angela: 骨頭仲差少少仲dom哂, 我地已經到左最後一步, 只要渡過報章傳媒大肆報導嘅幾日, 就可以安全.
我: 真....真係咁容易咩?
Angela: 你只要冷靜D就冇事, 我會處理一切.


我: 嗯...
Angela: 之後既日子我可能會好忙, 警察一定會懷疑到我身上.
我不禁道: 你唔會有事呀嘛?...
Angela: 我會處理, 你只需要跟我說話, 照常番工,放工, 番屋企, 回復以前生活就可以....
 
Angela呢晚講左好多野, 但我一直都神不守舍,
只係迷迷糊糊咁點頭, 嗯, 喔...
以前既生活?
真係番到去咩?...
 


星期六番到屋企, 終於見番老豆老媽.
老媽子見到我就罵: 死仔包成星期唔見人, 我以為你死左呀!
老豆睇住報紙, unun腳咁, 碎唸 :咁多人死又唔見你死...
老媽子: 死八公!!!! 你講乜呀你!!?
老豆: 我..我講緊果條689呀, 你睇下, 機場打橫行都有既!!
 
聽到佢地既對話, 好平常, 好平淡, 但我竟然有d想喊.
 
食飯, 阿媽問我: 你唔舒服呀?
我搖搖頭, 阿媽: 你之前好鍾意食東坡肉架.


我 : 人會變既..
老豆又碎唸: 你之前夠好靚女啦...
阿媽怒啤老豆一眼, 老豆: 你...你而家變得仲靚姐!!!
 
望住佢地, 忽然間諗起我同Jenny, 都會咁平平淡淡講笑...
反之, 我同Angela, 除左講殺人之外, 就係做愛, 極少有其他...
 
或者,呢個就係上司同同事既分別?
唔係, 呢個係正常人同殺人兇手既分別....
 
我,想做番一個正常人....