早兩日OT遲收工,女上司叫我上去佢屋企..: 26

突如其來既匿名短訊, 令我一陣緊張,
我好肯定係Angela,
知道係佢搵我, 我冇任何興奮既心情,
更多既係不安….
冷靜落黎後, Angela經已女神幻滅,
我分唔清真正既佢係點樣….
係好nice?好溫柔?好冷靜? 好激動?
定係殺人不眨眼,冷血既兇手?...
 
佢好靚好正, 身材又好,


但咁有機心,城府咁深既女人,
好可怕.
 
Jenny先係最合適我既人…
 
而且我今晚約左Jenny去睇戲食飯...
點算好呢?
 
但我諗到”有事”, 可能係關於Martin,
雖然我呢段日子都掛住Jenny,冇咩留意新聞


但似乎正如Angela所講, 新聞頭幾日炒得好熱,
好快就慢慢平淡落黎, 俾更多荒謬既事取代,
真心要多謝政府每日咁多on9野.
不過又唔可以排除冇啦啦有突發野發生…
唉…好亂….
 
諗黎諗去, 我最後都係同Jenny講屋企有事,就出發去唐樓
 
夜媽媽去到唐樓, 熟悉又陌生,
一開門, Angela同上次一樣 ,


著左套OL裝,坐左係沙發到,
唔知幾時開始就等緊我.
佢眼神仍然同上次一樣, 陌生而冷淡,
突然間我覺得自己好好笑,
一路以黎,我FF同佢既關係係點係點,
其實係一件好ON9既事,
根本係我一廂情願.
 
“坐低”
 
Angela拍拍沙發旁邊,我沉默咁坐左過去.
 
“講下你同Jenny既事俾我聽.”
 
我不禁又驚又疑惑: 你叫我黎就係為左呢樣?


Angela冇答我問題, 沉默咁望住我,
係Jenny同佢講左,
定係佢自己察覺到?
 
我: 冇咩野好講…
Angela忽然一笑: 一齊左都冇野好講?
 
我再次驚呆, 望住Angela, 突然感到一陣寒意,
而家先醒起,Martin係因為有第三者先死係佢手下,
 
腦海內閃過好多畫面,諗番起當初我因為一時激動,
講話乜野唔會離開佢….死….佢會唔會當左真?...
咁….咁我咪會步Martin後塵?...
 
我吞左啖口水, 佢聲線好平淡: 我想知.


 
佢微笑,佢冷靜,佢平淡,佢陌生,佢忽冷忽熱.
我望住佢對眼, 我睇唔透,
關於佢,
我有好多野唔知,
有咩事,
佢都話自己會處理,
我…甚至連佢個同伴都唔係,
殘酷既事實,
我只係,
一隻呼之則來,揮之則去既兵….
 
諗到呢到, 我開始平靜落黎: 我地岩岩開始, 冇咩特別事發生…
Angela: 喔, 再講多D
我: 冇乜野好講…..


Angela: 一定有d特別野講….
我忍唔住: 我同Jenny點都唔關你事啦…


Angela微笑慢慢化淡, 目無表情咁望住我.
既然都開左個頭, 我忍唔住再講: 你叫我做既野,我都做哂啦, 你今日搵我, 就係講呢D無聊野?
 
Angela眨左下眼,有d挑釁: 唔可以?
 
望住佢, 心裡有團怒火突然標出黎,
我專登推左同Jenny既約會,
原來就係為左呢D無聊野?