早兩日OT遲收工,女上司叫我上去佢屋企..: 29

跑,
前所未有跑得咁快,
 
衝到唐七樓,
只見對門打開左,
冇閂,
然後,
係一遍凌亂,
係蛋糕滿地,
係驚叫聲,


係屍體,
係鮮血.
 
著住OL裝既Angela,
表情驚訝,
手中舉起一把小刀,
刀尖,
係血紅色,
 
地上果條屍體,


伏起地上,白色連身短裙,
偏瘦既身材,非常美麗,
但地上滲出既鮮血,
將短裙染紅,
白玫瑰變作紅玫瑰,
觸目驚心.
 
“冷….”
 
熟悉既語調,


有一絲慌張,
我冇回答,
甚至望都冇望佢.
 
每走一步,
千斤重,
幾秒距離,
好撚遠.
 
我半跪係地上,
雙手劇烈地顫抖,
慢慢翻起屍體,
熟悉既側臉,
係Jenny.





我深深咁閉上雙眼,
好用力,好用力,
希望開眼之後,
係幻覺,
現實係殘酷,
Jenny仍然躺係我懷裡,
鮮血係佢胸口,不停滲出,
將我雙手染成血紅.
 
“冷…”
 
“對唔住”
 


“叮….”
 
刀跌係地上,
我終於抬起頭,
望住一絲內疚既Angela,
從來,
我從來未試過咁憤怒.
 
我輕輕放低Jenny,
一語不發,
走到Angela面前,
狠狠咁摑佢一巴掌,
佢掩著流出血絲既嘴角,
突兀地道:”所有事….都唔係我做.”
 


Angela頭髮披散,
用一種從未見過既眼神望住我,
“我冇做過.”
 
呢個時候,
佢竟然仲微微笑著,
佢真係一個殺人不眨眼既冷血兇手.
 
“你信唔信我?”
我舉高手,想再摑佢一巴掌,
 
“冷?....冷?....”
 
虛弱既聲音係後面傳黎,
我呆左一呆,心情狂喜,


Jenny雙眼好微弱咁睜開,
我衝番過去抱住佢,
小心翼翼咁撫住佢塊臉,
虛弱既眼神,虛弱既聲音,虛弱既微笑,
 
“生日快樂”
 
講完,佢甜甜一笑,再次昏倒.
 
“傻婆…”
 
我忍住眼淚,
一陣手足無措,
最後決定抱起佢,
衝落去搵人幫助,
 
“冷!!!!”
 
Angela大聲叫停我,
我抱著Jenny,
企係門口到,
停左一停,
呢一瞬間,
我都唔知應該好嬲定好笑,
“我以後都唔想再見到你.”