早兩日OT遲收工,女上司叫我上去佢屋企..: 30

我滿頭大汗,
抱住Jenny,
由七樓跑到地下,
熟悉既街道,
但令我好無助,
Jenny每一分,
每一秒都流失緊生命,
D人見到我抱住個女人,
都好奇咁望住我,
“報警!!!唔該幫我報警!!!”


 
我對住D人大叫,
但係佢地紛紛走避,
連打個電話都唔肯,
驚死我係大陸人呃佢地錢咁撚樣.
 
直到跑到街頭,
有兩個警察企係到,
我抱住Jenny,
奮力咁衝到過去,


“救命,救命呀!!!!”
 
兩個警察一聽到救命,
立即衝過黎,
我跌坐係地上喘著氣: 佢心口中左一刀,救命…call白車…
 
兩個警察好快視察情況,
一個正想call台叫白車,
但另一個突然間禁住阻止,
“咦, 佢咪好撚串果條女?”


 
我抬起頭, 呢兩個警察,
正正係之前Jenny為左露宿者嘈架既警察,
“呀, 唔係識好多傳媒記者?律師? 吓? 叫佢地幫手囉.“
 
另一個警察: “喂, 人命緊要…”
“我有話唔做野咩?”
警察笑左一笑, 突然對住我講: 殊, 求我丫”
 
我呆左一呆,
但即刻對住佢地叩頭,
“對唔住, 係我地錯,求下你地快d救佢”
 
“哈哈哈….”
 


呢一刻, 我冇任何憤怒既感覺,
呢一刻, 我先發現,
自己有幾咁鍾意Jenny.
 
就算尊嚴變為負數,
都冇所謂,
只要Jenny冇事,
我就可以.
 
警察同我落口供,
我猶疑左一陣,
腦海閃過好多事,
最後選擇講大話,
只係話有隨機殺人事件.
完全唔知係邊個做.


 
兩個警察非常之hea,
亦都隨意咁相信我,
唯一希望既係,
Jenny醒番之後,會體諒我既心情.
 
“好彩傷者及時送到, 危險期已經渡過, 如無意外,好快醒番…”
白茫茫牆壁,病床,儀器,
醫生講左好多說話,
我都係點點頭回應.
 
我緊緊握住Jenny既手,
聽著佢平穩既呼吸聲,
睡沉柔和既臉孔,
令我更加憐惜Jenny.


 
接下來幾日,
我直接打俾人事部請假,,
將部垃圾nokia換成智能電話,
順手換埋電話號碼.
我冇再探班露宿者,
由朝到晚,都留係Jenny身邊,
每一日都好細心咁照顧Jenny,
想佢一醒左就見到我,
為左佢起身既時候會開心d,
我每日都會買新鮮既白玫瑰,插係床頭.
望住佢沉睡既臉孔,
忽然間覺得,
如果每日朝早起身都可以望到佢,
你話幾幸福呢?