原來……由始至終我都只係一隻 觀.音.兵: 5

終於到左第二日即係星期日，亦都係我地一班人去哈佬喂既日子 

呢個時候已經係十月中 

我果日特登出去之前去M屋企樓下接佢一齊出去 

上到車，佢係咁食零食 

 ：哎呀，每次見到B我都好炆憎架，又訓唔著又冇胃口，但係每次見到你我都會好開心係咁食野架 



終於到金鐘地鐵站同班朋友會合 

見到其他人之後，M都淨係掛住同佢地傾計，冇乜理過我 

見到呢個情況，我個心點都有D唔舒服 



成班人終於去到海洋公園喇喂！ 



我地第一個玩既就係射喪屍 

排緊隊既時候，M係咁同我講 

 ：我真係好驚呀，不如走啦，你陪我番屋企啦 

 ：哈哈而家排到中間你先話番屋企？係都玩埋呢個先啦 

終於到我地入場喇 



有去2010哈佬喂既巴打絲打都應該知 

射喪屍果枝槍一定要兩隻手先玩到 

但係入到去之後，M要我全程用左手搭住佢唔准放手 

結果，M零分，我只得300分 

玩完射喪屍後，我地打算走去玩第二個鬼屋 

行行下既時候有一隻鬼走出黎嚇M 

M嚇到喊左出黎 

 ：嗚哇哇~~ 



如果有巴打絲打去左2010年10月17號果日既哈佬喂又排緊喪屍場又見到一個女仔比人嚇到喊既話 

果個就應該係佢 

其實都有少少尷尬，果時成條斜路既人都排緊隊 

成棚人見到佢咁都陰陰咀笑 

我直情聽到有人講：「嘩！堅喊架？」


因為哈佬喂期間海洋公園周圍都有鬼嚇人 

所以佢一直都好驚，不斷咁亂咁翹住其他男仔隻手 



見到咁樣我話我冇呷醋你地都唔信啦 

但奇怪既係，佢一直點名要我搭佢膊頭 

 ：大鋼砲！你唔好行咁快呀！你番黎呀！你搭住我呀！ 

卒之果日冇入鬼屋既時候我就係後面用兩隻手搭住佢，入到鬼屋既時候就用一隻手攬住佢 

一路玩左五個館，最後去到劇場隔離果個館 (我都唔記得左果個館叫咩名) 

M同其他人講 

 ：唔得喇我真係好驚呀，呢個你地玩啦，我唔入去喇 



然後對住我同我講 

 ：你陪我唔好去丫 

終於成班人入哂去，我地就去左一邊睇人跳舞一邊食啫喱 

 ：話你知丫，頭先係D鬼屋入面，你搭住我既時候，我真係覺得好有安全感架 

 ：係咩，阿邊個邊個 (我地群人其中一個人) 見你咁驚即刻買左個熊貓護身符比你，佢都幾細心丫 

 ：哈哈講開又講，佢又記得我鍾意熊仔，不過呢，佢唔同架，我覺得對女仔黎講，你比到我果種安全感遠勝呢D物質野 

 ：係咩 

 ：其實頭先呢，我曾經諗過你會唔會咁樣攬住我架… 



呢個時候佢係我後面攬住我條腰 

 ：… 

跟住佢亦都放手繼續食野 

 ：乜你唔覺得佢地會以為我地一齊左咩？ 

 ：我都唔知呀 

 ：你唔想咩？ 

 ：… 

 ：算啦冇野喇 

呢個時候我地班朋友都玩完出番黎喇 

搭巴士走既時候，有個男仔走左埋黎坐左係我隔離 

呢個時候，M用左個好失望既眼神望一望我 

我又唔好意思開聲同個朋友講叫佢借開



之後我地成班人去左旺角打邊爐 

打邊爐期間，M一路同班朋友有傾有講 

而我就貫徹我出世到而家毒撚既性格，全程冇乜出過聲 



走既時候我陪佢搭通宵小巴送佢番屋企 

係小巴度，佢又同我講 

 ：頭先係海洋公園度你全程攬住我，我真係覺得好安全架，如果唔係我一定會嚇到唔敢再行或者暈左都有可能，兩個星期前我都去左迪士尼個Holloween，但去到門口我已經驚到同朋友講我唔舒服要走先，你真係好比到安全感我呀 

 ：哈哈咁咪好囉 

 ：但係點解頭先食飯果時你冇乜出聲既，你咁樣咪識唔到朋友囉 

 ：唉我天生就係咁，想改又改唔到，我注定一世都係毒撚 

 ：你點會呀 

終於送到去佢屋企樓下，我今次真係忍唔住 

我搭住佢膊頭 

 ：M，我真係有D野想同你講 

 ：(又係一路縮) 唔好唔好 

 ：做乜唔好姐，你知我想講咩咩？ 

 ：我知，但係……你比D時間我啦，我地識左唔係好耐咋，我接受唔到咁短時間，你唔好咁啦，而家我又唔係拒……冇野喇 

 ：唔緊要啦，你小心D喇，ByeBye