原來……由始至終我都只係一隻 觀.音.兵: 6
又到左第二日，即係星期一
中午左右收到M既SMS
：Diu！我今日本來約左個女仔朋友，點知原來B今朝係我屋企樓下等我，我一出閘佢就纏住我發脾氣，一路跟住我跟到去地鐵站！ 
：嘩佢咁衰？！洗唔洗我出黎救你？ ：應該唔洗喇，B都係時候要番工喇，唔會繼續跟住我 ：哦咁好啦，有咩需要隨時打比我 ：我見到我個朋友了，唔同你講喇 本來我地果科果組約左第二日即係星期二出去香港大學做功課
咁果晚我就打比M諗住通知佢時間
點知我十點打到十一點，佢個電話都冇人聽
我即刻好擔心，我諗到好誇張，我心諗果個B變態個喎，
M樓下又咁靜，佢會唔會係M樓下等佢然後……
差唔多11:30
正當我打算衝出去M屋企樓下既時候
M打番比我了
：嘩你嚇死我咩做咩唔聽電話呀 ：好對唔住呀要你擔心，我而家番屋企喇 總算我都放心了
到左第二日約定時間見面了
M同我講番，原來前一晚佢收線之後番到屋企樓下
B真係等佢，係樓下個公園纏住佢到三點先肯走
聽到呢度我真係好後悔點解當時冇衝出去救佢
果日我地做緊功課果時，我個電話突然有SMS
係我其他科既組員通知我開會
呢個時候M搶我部電話黎睇
：哦~男仔黎既
：
果晚我同佢兩個去左旺角行街同食韓燒
搭巴士既時候，佢攬住我隻手訓教
之後行街，佢翹住我隻手黎行
：你估下我地咁樣翹住係咩意思 ：唔知呀，你話呢 ：姐妹 ：真係姐妹咁簡單？ ：唔係咩呀 ：你知我對你唔止係咁既意思架 佢冇出聲
食野果時
佢講左好多佢私人既事比我知
：呢D野除左我屋企人之外冇人知架，你呢？點解你唔講下你既事比我知既？ ：我不嬲份人都冇乜心事既，好多野我都睇得好開 跟住我又送佢番屋企了
去到佢屋企樓下，佢話
：同你相處真係好，做乜都得，好舒服呀 ：咁咪好囉，小心D啦又到左第二日即係星期三
今日我全日番左學校同其他科既組員傾功課
冇同M聯絡過，到左夜晚六點幾，佢Send左個SMS黎
：大鋼砲，你係邊呀？ ：我岩岩做完功課番屋企呀 ：今日全日都唔搵我
：我見我地琴晚成一兩點先番屋企，我咪諗住今日你會想抖下，我咪冇搵你囉 ：哦，咁我唔阻你喇 呢下我個心即刻離一離，我不斷諗，我係咪激嬲左佢？佢係咪好想我搵佢？
我即刻打比佢，點知打極佢都唔聽電話
於是我不斷係SMS同佢講一D好暖昧既說話，盡力想氹番佢
其間佢Send左個訊息黎寫住
：嬲你呀大鋼砲！ 一路炸佢炸到九點幾，M終於有個訊息寫住
：我冇嬲呀傻瓜 我當堂鬆一口氣
一直至到十一點左右，M來電，佢喊住咁講
：
頭先B又打黎煩我，都唔緊要啦，傾傾下佢突然話：「唔同你講啦，我睇周秀娜寫真先」就Cut左我線，我真係好炆憎，佢當我係乜野呀 ：佢真係越黎越過分
，不如你報警告佢性騷擾啦 ：唔好呀，我唔想搞大件事 ：咁你比佢電話我我去鬧臭佢！ ：唔好啦 ：快D比佢電話我啦
：唉我本來打比你只係想傾訴下，早知唔打比你啦，算啦你比我靜下啦 收線
我係度諗，我係咪講錯野？我頭先既反應係咪錯哂？
冇幾耐後，M Send左個訊息黎
：我冇事，我唔想報警，唔好迫我 ：OK唔迫你唔迫你 ：你可唔可以講個笑話TUM下我呀？ ：好啦好啦，從前有隻吸血蝙蝠滿身鮮血咁番到屋企，咁佢D同伴就好羨慕咁問佢：「嘩你係邊度搵咁多血番黎架？」隻蝙蝠就帶左佢D同伴去左一棵大樹前面，問佢地：「你地見唔見到呢度有棵大樹？」「見到！」，蝙蝠話：「仆街！我頭先就係睇唔到囉！」，好唔好笑呀 ：哈哈哈哈，好好笑呀，多謝你呀，我訓喇又到左第二日
今次我醒目喇，諗住主動打比佢
點知打左半個鐘先聽電話
：點呀你冇事丫嘛？ ：冇事，不過你比我抖下啦 ：我同你本來約左聽日去港大做野架喎，而家你想照去定係係屋企自己靜下？ ：我想係屋企靜下。 ：好啦咁唔緊要啦我自己去啦
之後我越諗越覺得唔妥，佢把聲冇哂精神咁
我越諗越嬲，一定係個變態B搞到佢咁樣
越諗越激氣，決定打去鬧臭B (好轉折咁得到左B既電話)
B：
： 喂！係咪B呀？！ ：係，你係邊位？ ：你)知唔知你搞到好大件事呀？ ：你係邊個？ ：我話，你知唔知你搞到人地好辛苦呀？ ：你再唔講你係邊個既話我收線架喇 屌你佢真係CUT鳩我線
半個鐘後，M來電…
：你頭先係咪打比B？ ：………係 ：佢頭先同我講：「你做乜搵朋友出頭鬧我？」我諗到唔洗諗就已經估到係你 ：可能我真係太衝動，但係佢搞到你成日喊，我都好嬲 ：其實本來都已經冇乜事，你而家咁樣打去鬧佢反而搞到佢好憤怒 ：…… ：我覺得…我覺得你好唔成熟呀，我都唔知你咁樣打去鬧完佢之後有乜作用 我見佢真係好似好嬲好失望咁，我即刻個人失哂控
：你唔好嬲啦，我唔想我地搞成咁呀，我唔想我地因為咁小事冇左段感情呀 心諗：仆街了
：乜野感情呀？ ：…友情又好，乜都好啦 ：算啦，你比我靜下啦 收線後，我成個人謝哂皮，我好後悔點解要打個電話鬧臭人
最誇張既就係，第二日我唔開心到出左去同班麻甩仔飲酒
仲有五日先到下一堂同佢一齊上呀
呢幾日我都好唔開心，又冇胃口食飯又冇心機做功課
不斷係度諗一大堆說話諗住下次見面時同佢講氹番佢
點知到左星期日 4:00左右，電話有訊息，係M…
：對唔住呀大鋼砲，你唔好嬲我啦，我地仲要上山頂玩架！ 我當堂成個人鬆一口氣
：傻啦，你唔嬲我已經夠喇 不過可惜下一句佢就問我有關功課既野
但點都好，終於都和好喇
但跟住落黎果一個禮拜我地都冇再暖昧了
直至一星期後既星期三…
今次我照舊番去陪佢食飯，但係佢就多左一班朋友同佢一齊
佢同其中一個男仔玩到好顛，扯哂手咁
聽到其中有D朋友話「你估佢地係咪一齊左丫喇？」「一睇就知係啦」
我個心真係好唔舒服，D朋友都睇得出我唔開心
M走黎問我
：你係咪唔開心呀？ ：傻啦，點會無端端唔開心呀 ：咁就好喇 番到去上堂途中
咁岩比我撞到佢放學，我見到佢講緊電話
個樣好唔耐煩咁，於是走埋去問佢咩事
：你見唔見到我個樣好炆憎呀 ：係呀，咁做咩事呀？ ：個B呀，佢話而家係屋企飛的出黎接我放學喎，要我等佢半個鐘，我叫佢唔好佢又唔肯，但人地百幾蚊搭的士出黎我又唔好意思走左去 ：咁呢半個鐘我陪你傾下計囉 就係咁，我地搵左個位坐低傾計，傾傾下
：個B成日都講周秀娜，又成日講埋果D變態野，乜做果D野真係好舒服既咩？不如你試完之後話我知丫 ：傻架咩我唔會啦 ：點解呀？ ：因為我鍾意你 (今翅仆街鳥！)
跟住佢即刻擰轉頭唔望我，過左一陣佢笑咪咪咁望住我講
：算啦唔好講呢D喇，佢都差唔多到喇，ByeBye 呢個時候我諗，再咁落去唔係辦法
我決定要主動D約佢，回復番我地好似之前咁既關係
於是第二日…