原來……由始至終我都只係一隻 觀.音.兵: 7

星期四，呢個時候已經係十一月頭 

 ：你今日放學得唔得閒呀 

 ：好，去邊丫？ 

 ：不如我地去旺角影貼紙相跟住再去尖咀食金水丫 

雖然我地玩既時候佢都有講有笑 



但係我睇得出佢唔係好開心 

再加上果日落毛毛雨，更加顯得佢心事重重 

 ：你唔開心咩？ 

 ：係呀 

 ：做咩事呀？ 



 ：呢排多功課丫嘛，又冇錢… 

雖然我肯定唔止咁簡單，但係我都冇問落去 

影貼紙相既時候，我地有其中一張相個動作，係兩個人用手臂砌個心形出黎 

但係佢之後用圖案將我地成個身都遮住哂，淨係得番個頭 

食完飯，我堅持話要送佢番屋企，但佢堅持唔肯 



 ：你比我一個人靜下啦，我陪你等車啦 

我見佢企得咁硬，唯有聽佢話啦 

等車期間 

 ：M…我真係好鍾意你… 

 ：唔好講呢D野啦，我地識左唔係好耐咋，你咁講會嚇親我架 

其間佢一路轉移話題，聊我講笑話 

終於有車了，我望住佢落寞既身影離開 

番屋企途中，我係度諗 



不如算啦，可能其實人地由頭到尾都冇對過我有意思 

一路頂多都當我係姐妹 

我拎左頭先我地影既貼紙相出黎 

望住果張，佢用圖案遮住哂我地用手砌出黎既心型既果張相 

恍然大悟 

我同自己講，放手啦，還掂你不嬲都係一個毒撚，個天點會對你咁好丫 

搭搭下車，我突然醒起佢有本書擺左係我書包度未拎番 



我即刻SMS佢 

 ：喂我醒起你本XX書仲係我度 

 ：死喇我趕住要用架！ 

 ：你聽日Day Off喎，唯有我放學經過你樓下既時候比番你啦 

 ：真係麻煩哂你呀



到左第二日，我準時去到佢樓下等佢 

 ：真係唔好意思呀要你特登過黎比番我 



 ：傻啦係我冇記性琴日唔記得還番比你 

 ：真係唔該哂你呀，我送你去搭車丫 

由於呢個時候我已經半放手狀態，加上我又係一個男仔，點可以要佢送我 

 ：唔洗啦 

 ：好啦比我送你啦 

 ：唔洗啦，你比我靜下啦 

 ：哈哈你學我講野，咁好啦，ByeBye 



然後我就好瀟洒咁離去 

點知果晚九點幾，M Send左個SMS黎…



 ：對唔住呀大鋼砲，你係咪嬲左我呀，我知要你特登黎我樓下比本書我係我唔岩，好對唔住呀 



呢個時候一來我好眼訓，二來我唔識點應佢，三來我真係想放手 

所以我冇覆到佢就訓左 



到左第二日即係星期六朝早 

見到個電話又有個M既訊息 

 ：大鋼砲你唔好唔采我啦 

今次我真係心軟了 

 ：傻啦我訓左咋嘛，我點會唔理你呀 

過左一陣之後 

 ：我發覺…唔知點解會好怕你唔睬我 

佢咁講，係咪有咩特別意思 

 ：我唔會囉 



晏晝四點幾，佢突然打電話黎 

 ：喂大鋼砲 

 ：咩事呀？ 

 ：冇呀，突然想聽下你把聲咋嘛 

 ：… 

 ：而家聽到喇，你狠狠地CUT我線啦 

 ：痴線，我地成組約左聽日傾野喎你記唔記得？我聽朝去你樓下接埋你一齊出去啦 

 ：好呀 



如果有用過SonyEricsson X10 mini呢部虧佬機既巴打絲打應該都會知道 

部電話打出既時候真係好敏感 

我唔小心HI左M個電話打左比佢，當我發現既時候已經通左 

 ：喂喂咩事呀 

 ：部電話神神地，我打錯左 

 ：車~仲以為你掛住我所以打比我添，過份！聽日見啦 



就係咁，我個心又番番去佢度



到左第二日即係星期日 

我地成組出左黎其中一個組員屋企做功課 



期間佢無端端同我講 

 ：我呢度 (指住自己鎖骨對落，但未到波波既位置) 好林架，你MIT下丫 

我真係好聽話咁MIT左幾下，但冇甜野，因為有組員係廳 

呢段小插曲，唔重要 



做完功課之後已經十一點幾 

走左之後我同M去左尖咀食晚飯 



食完後我地由尖咀行路番太子搭通宵小巴 

行呢段路既時候大家有講有笑不亦樂乎 

佢又講左好多更多佢既事比我知 

有時條佢會伸隻手過黎拖住我，但唔係成隻手咁拖，係拖我一兩隻手指 

行到油麻地果D黑媽媽既路既時候，佢又會叫我叫我用一隻手攬實佢膊頭 

送到佢上小巴之後，我都走去搭我架小巴 

上到車後，M Send訊息比我 

 ：大鋼砲，你上左車未呀？ 

 ：上左喇等緊開車 

 ：對唔住呀又搞到你咁夜 

 ：呢句野應該係我講囉 

 ：傻啦，係我應該多謝你成日陪住我講笑話氹我開心 

 ：你開心咪夠囉 

 ：我真係好開心呀，但係你會唔會嫌我低B嫌我嘈呀 ？ 

 ：我嫌你唔夠低B唔夠嘈添呀 

 ：真係架？！ 

果晚我真係好開心