原來……由始至終我都只係一隻 觀.音.兵: 20
呢日上堂佢坐左係我隔離
上上下堂途中
M無端端轉過頭對住我
用一個可憐兮兮既樣望住我講
：我地仲可唔可以好似以前咁周圍去玩呀？ 見到佢呢個表情我真係成個心都軟哂了
：梗係可以啦 ：你係咪仲覺得我當你係兵呀？ ：我知你唔係咁諗，只不過… ：不過？ ：我唔介意你鍾意第二個，亦都唔介意你唔鐘意我，但係我介意你不斷講大話，識你果時你講到B幾咁乞人憎幾咁冇可能同佢一齊咁，但係原來你已經同左佢一齊 ：你係咪呢個時候又要翻舊帳攻擊我呀？我只不過係唔想冇左你呢個朋友，同埋我真係好怕你唔開心所以我先瞞你，你要搞清楚講大話同瞞住你係兩回事 ：車，你咪睇得自己咁Q重要至得架 ：你講咩呀？！
就係咁，你寸下我，我寸下你，我地終於打破左兩個星期以黎既僵局
：但係我依然要做你最好既朋友！我見到你同第二D女仔接觸我都會呷醋架！ ：哈哈 雖然話就話大家做番好朋友，而我既表現亦然
但係我唔確定自己係咪真真正正放低到佢同佢發展純友誼關係
：原來你唔介意既，咁而家我都唔怕同你講我同B既事喇，佢而家都唔知做咩事，自從你開左個Post之後佢就變到好細心，好似你咁細心呀 ：咁又點呀？ ：唉我只不過係玩玩下，唔係同佢真感情，我只不過係貪佢靚仔咋嘛，結婚就更加唔會揀佢啦，同佢結婚就食得屎啦，佢讀書讀到PAT屎咁，睇佢個款都唔會有前途 就係咁，跟住落黎既日子M同我講親既都係呻B幾咁衰幾咁衰
十次有九次打黎都係話
「大鋼砲，我岩岩講左分左手喇」
「大鋼砲，我覺得我忍夠喇，我想分手呀」
「大鋼砲，我地今朝散左喇，今次係認真架」
「大鋼砲，我岩岩冇聽佢電話，我唔會再理佢架喇」
「大鋼砲，我唔想再咁落去」
但係每次話分手，一兩日後佢地又係糖痴豆咁
我都聽慣左佢地分手當食生菜
4月2號開始，有D大件事發生…
4月2號呢日我地番左學校做功課
因某功課要做一個小型話劇關係
我地果組需要大量輕氣球
M就負責攞兩個番屋企
而我就要去九展訂多幾個
完左Meeting之後M就話約左B要即刻出去
唯有手拎住兩個氣球咁出去
走果時我同M同路，一路行佢就一路講
：你對我真係好，你好顧及我感受，個B就唔係喇，明知我唔鍾意高爭鞋就偏偏要我著，明知我著左之後唔舒服仲要成日催我行快D，你就比時間我慢慢行，你真係好好… 果晚兩點收到M既MSN：
：我真係好唔開心呀，岩岩B又全程黑口黑面 去到4月6號，真正既大件事發生了…
呢日本來我地成組要交功課
每人Keep住一Part
但係呢日M唔知點解冇番
打極電話都冇人聽，於是我地份功課唯有交漏一份
到差唔多放學既時候，M終於打番比我
：喂，大鋼砲 ：你搞乜呀？電話打極都唔通 ：我唔敢番學呀 ：咩事呀？ ：你有上高登，應該知道咩事啦 ：咩事？我唔明喎… ：你真係唔知咩？ ：唔知呀究竟發生乜事？ ：我…我同B係尖沙咀比人影到呀 ：影到？影到乜野呀？ ：我唔想講喇，我唔夠膽番學係因為我怕比人認得出呀… ：影到你地拍拖咋下嘛？好大件事咩？ ：你自己上去睇下啦，好大件事呀，我陣間放工打比你丫 於是我就帶住一個好困惑既心番搭巴士屋企
究竟發生咩事？
影到乜野？
係咪我個POST個女主角比人起左底知道左果個係M？
係既話我真係原諒唔到自己…
番到屋企
開左電腦之後當然係第一時間上高登睇下發生咩事
M又冇講比我知個POST叫咩名，唯有自己搵
因為實在太多POST
我唯有逐個台逐個POST咁地氈式搜索
搵左我差唔多一個鐘之後，終於搵到去時事台
睇到一個POST個名開始令我驚驚地
如果呢個POST入面個女主角係M既話就真係大撚獲喇
Click入去既同時，我心不斷諗：
「求神拜佛千其唔好係呢個POST呀」
入到去禁左條LINK一睇
仆街！真係佢！
原來係M同B係尖沙咀公園卿卿我我果D片比人影到放左上網
睇到之後我除左心UP之外真係乜野都感覺唔到
越睇個心就越沉
我冇睇哂成段片就Close左佢
因為我發覺我越睇越心痛
佢果晚番屋企先同我好辛苦好委屈
點知原來係公園同人水深火熱
到呢一刻我先知自已根本就放唔低M
段片到今時今日都仲係某個AV網入面
第二日M終於都番學
放學之後佢拉左我去一齊食飯
：點算呀大鋼砲？我好怕比人認得呀 ：有咩點算，段片咁濛，應該唔會認得係你既 ：B話陣間黎搵我呀，今次連我阿媽都知呢段片，佢都叫我分手呀 ：呢D野你自己決定啦 其實期間M都有講下笑
我睇佢個款好似其實唔係好介懷段片既事
食完飯之後
又係我自己一個走，M就走去搵B
跟住落黎果兩三個星期，M同B既接觸就多左，相反同我就少左
我地又係做功課為主
所以都冇乜故事好講
直到去4月18號…
呢日M番到學校話前一日同B鬧交炒到好大獲
：今次同之前既唔同喇，今次真係一定分手喇 佢今次真係喊得好大獲
我覺得今次真係堅料
我地果組既另外兩位同學
一位叫A既男仔=
，一位叫C既女仔=
見佢咁樣都幫忙安慰佢
一路聽佢講，好似真係大獲過以前果十幾次
於是，我地三個夾埋安慰佢一個
M就一路憶述佢同B由相識到而家既事
一路聽我先知道好多野
原來開學既第一日M就已經同B一齊左
原來初初M話去幫姐妹P，十次有九次都係對我講大話，其實係走左去同B拍拖
原來M十月果時試過同B搞大左個肚，之後M自己出錢落左佢…
仲聽到好多好多之前對我講既大話，而家我先知道真相
但係我冇即時發作出黎，只係默默將佢聽哂
因為我覺得M而家喊到豬頭咁，需要既係有人安撫佢
而唔係我再用呢D野黎攻擊佢
於是果日我地由朝早十點幾安撫到夜晚七點幾
之後M仲叫我送佢番屋企同佢媽咪一齊食飯
我連本身有事在身都推埋走左陪佢
到左第二日
上堂果時M比部生活態度既MSN List我睇
：你睇下，我Del左B既MSN喇 但係好明顯佢只係係Favourite List入面Delet左
我唔明佢比我睇個MSN呢個舉動有乜作用
：係咩？我就唔信喇 ：點解你要Chok我？點解你要懷疑我？ 跟住佢又繼續擰轉身同人MSN，好似驚死比我見到佢打乜咁
跟住果幾日M都係講住差唔多既說話
：我一諗起我分手就好唔開心喇，所以我想你成日陪住我呀大鋼砲 所以跟住果幾日M成日都痴住我
但係我陪住佢既時候佢又不斷係度同人MSN
據我所知，除左B以外，根本冇人會同M傾計
我有懷疑過M究竟係咪真係唔開心