【夢幻】《我從來冇諗過我會有咁正既女朋友》: 車禍

 我同佢又係夢中想見啦！今次既地點係旺角西洋菜南街。

  點解我會知道？因為我認得個成日用個頭頂住勁多碗既阿伯起道表演緊！ 

 其實個表演係咪想帶出因為佢個頭夠哂’平’所以先可以咁厲害頂到十幾二十隻碗阿？

但講真又真係幾勁既。  睇睇下表演冇啦啦有個女仔走近我背後同我講話：「唔怪得冇啦啦行開左啦，原來走過黎睇街頭表演。」  

一聽到呢把溫柔既聲線，我已經估到我再次起夢中同佢相遇，但我冇任何期待既感覺，因為我知道我始終都唔會睇到佢既樣！



  當我擰轉頭既時候，我唔敢相信我眼前見到既野，因為我睇佢個樣比之前更加清晰。

  雖然重係睇唔到好清晰既樣貌，但至少隱約見到佢既眼神同埋佢既笑容。  一

個長頭髮 ，眼大大，笑起上黎有個小酒窩既女仔。

 佢既笑容好甜美另我感覺到好warm！我唔識點樣形容心底果種興奮感覺！因為我覺得我地之間既距離又近左一大步！  

佢真係好girlfriendable好pure同好true！我經常都會幻想佢個樣，佢完全中哂的心目中既理想女朋友！  




不過佢真係好瘦，瘦到好似一支竹咁！比人一種憐憫既感覺同埋係男人見到都會想好好保護佢既女仔！  

我第一次有想攬住一個人既衝動，想好好愛錫佢同埋照顧佢！  

「做咩又起道發呆啊？我地買左飛睇9點30架！而家夠鐘入場啦！ 我想食焦糖爆谷啊！我地去買啦！」之後佢就拖住我隻手拉我行！ 

佢隻手好纖細同好柔軟，我感覺到佢隻手凍凍地，但果種感覺好sweet同幸福!我想一直比佢拖落去....   

當我想開口同佢講野既時候，佢已經起我夢中消失，而我亦清醒過來。  



我地之間從來都未試過有對話....  

起身發現原來已經係朝早七點，我諗起成件事情由一開始發展到而家，點解呢排發關於佢既夢會愈來愈多，佢個樣又會愈黎愈清晰。  

我開始懷疑其實呢個唔係一個夢！

係我腦部海馬體既殘餘既記憶！

 但冇可能會咁架！醫生明明話我撞車之後冇失憶架！

唔通佢呃我？但佢做咩要咁做？唔通係佢既醫療失誤？

    我曾經發生過一場車禍！果一日我重好記得落住好大雨，我部iphone既天氣app亦彈出左最新天氣消息。  



天文台在下午2時正發出黑色報雨警告！  我頂啊！天文台係咪智障架！

今朝返工返學既時候其實已經好大雨，但果時都重係黃色暴雨警告！ 

 搞到打工仔同埋班學生哥起咁傾盆大雨底下都要照返工返學！你一早改發黑色我咪唔洗淋到我成身濕哂囉！

成日都係咁架喎！已經唔知第幾次比天文台既”後知後覺”玩撚死！  

老闆為左保障員工同埋勞工作例既規定，佢通知左大家天文台岩岩發出左黑色報雨警告！

「你地而家可以收工！大家記住小心！因為出面真係好大雨！」  

我都執埋野準備走人返屋企，樓下就正正係的士站，所以好自然想搭的士盡快返到屋企。  

因為我一知道改發黑色暴雨我就即刻閃人，好彩都重未有好多人排隊搭的士。



 上到的士之後，的士司機同我講話：「嘩！今日真係好大雨，大雨到前面既路都唔係睇得好清楚」  

我簡單咁回應左句： 「咁小心啲慢慢揸啦！」 

 話口未完突然對面線既紅色私家車不受控制咁向住我呢邊衝埋黎  我大喝一聲“睇撚住啊”！

的士司機即刻扭肽諗住避開！  

可惜到最後都係避唔開...

好大既一下碰撞聲，因為冇帶安全帶，坐後排成客座既我成個人仆左向前。

   我撞左落個司機位到，我個頭好痛好痛，啲血開始起我個頭慢慢滴落黎...



我聽唔到任何既聲音 …  

最後一秒見到既野就係我個身有好多血....  


 之後就漆黑一片...