【夢幻】《我從來冇諗過我會有咁正既女朋友》: 三週年紀念

返到屋企先諗返起今日發生既野全部都好突然，我從來冇諗過 May姐個表妹會同我「夢」中既女仔感覺咁相似！

  我直頭認定左佢地係同一個人黎！我而家成個腦都係敏兒..  

我訓上張床又開始起到諗，我今晚起夢中會唔會再同佢相遇呢！  可能因為今日受到太多突如其來既刺激，搞到我完全冇睡意。

  我不斷係咁逼自己快啲訓，但都係冇用！

最後我飲左枝啤酒放鬆下自己，跟住好快就進入左睡眠狀態！  



點解我會起一間餐廳到既！我望下周邊既環境，睇落似係一間五星酒店入面既餐廳！ 

 一把熟悉既聲線打斷左我既思考...  

「做咩周圍望啊你？諗好食咩未啊？」  我望一望對面果個人...如我所願，果個人正正就係敏兒！  

今次係我第一次睇得好清楚佢個樣！佢真係靚到好似仙女下凡咁 ...  

佢化左一個好清純自然既妝，着住一條白色既連身短裙。  同今日起公司既OL 打扮好唔同！



我都係鍾意而家呢一個可愛清純look多啲！  「 你睇下中意食咩！你中意嗌咩都得！」我興奮地回應... 

 係我地之間既第一次對話....

今次既我冇再好似之前咁即刻起左身...更加增添左一份真實既感覺！  

起呢個時候，個待應走過黎收起左我手上既MEAU。

當我想問佢發生咩事既時候，佢笑住對我眨一眨眼...  



今次hihi了！佢唔撚係對我有意思掛！  

當我重諗緊佢對我有唔知咩暗示既時候，佢突然拍兩下手。

  音樂開始響起，係一首好舒情既歌曲！

再有另一個待應拎住一紮紅色既玫瑰送比敏兒！

我同敏兒都當堂嚇一跳，但當時佢係好驚  喜同好興奮既心情....

  而我面上係表露出好驚嚇既表情...因為我完全唔知發生咩事！  

但最驚嚇既事情原來都未發生...  

下一秒就有人為我地送上今日既主菜，就係.....  心型牛扒加用醬汁寫成既「Happy 3rd Anniversary ! 」    



嘩！做乜撚野！就算我英文差極都重識anniversary點解！

我地識左3日都未有，但個牌竟然係寫住「三週年」快樂！

  敏兒好興奮咁同我講話「好多謝你啊仲成！我估唔到你為我準備左咁多驚喜！我好感激你為我做既一切, 我愛你！」敏兒激動到  好似想喊咁...

  但好老實講，我真係唔識比反應佢...  

冇理由起呢個時候話「其實唔關我事，我都唔知發生緊咩事！」  

咁仆街既說話我真係講唔出口..重要對住果個係敏兒就更加冇可能！  

望住眼前敏兒佢好開心起到笑，一個天真漫爛既笑容。



我發自內心地講左句....  「你開心就得！我都愛你！」 

      對其他人黎講可能好容易講出口既說話！ 

但對於一世人都未講過呢「三隻字」既我黎講....係人生一件好重要既事情.... 

我一直覺得我唔會同任何人講「我愛你」，因為...真係好難開口 但估唔到對住眼前呢一個女仔可以咁深情款款同好自然講出口..... 

原來愛一個人..係會改變埋自己既性格... 我希望呢個係一個永遠都唔會醒既夢... 

但夢始終有發完既一日，醒左之後發覺..

現實中同敏兒只係同事關係既我原來係可以咁空虛...  

之前既夢同今次好唔同，我睇得好清楚我一直夢中見到既女仔正正就係敏兒... 



 我推翻之前既推測....我唔係因為咩失憶而唔記得左佢！  

唔通係我撞車之後大難不死有左可以預見未來既功能！！  

無錯！就好似電影中既劇情一樣！正所謂「戲如人生」，無野係無可能發生。

  雖然我係咁認為，但我都好想去証實下我既想法....  

當我思考完一輪，再望一望個時間...  

已經係八點幾..我即刻換返件我衣櫃入面最「型」果套衫就出門口！  

費事佢第二日返工我就遲到，咁我咪扣哂印象分！ 



 臨入公司果一刻我突登照下自己個樣，再靚靚仔仔咁行入公司！  

無錯！我係毒姐！但其實我個樣係唔差架喎！  

志威成日都同我講如果我肯改下着衫style同埋講野幽默啲實溝死女！搵日一於約志威出黎吹下水，順便叫佢幫我改造下個「十年不變」既老士style !