【夢幻】《我從來冇諗過我會有咁正既女朋友》: 第三者亂入
坐完摩天輪我地去左食少少野，因為話哂都玩左成半日，大家都好肚餓。
我同敏兒搵左個位坐聲，再同佢講左聲我出去買野食之後就走左。
只係短短幾分鍾既時間，但當我買完野食返去揾敏兒既時候，我見到一個男仔坐低左同敏兒隔離同佢傾計。
起我呢個距離係見到敏兒同個男仔有講有笑，咁我就小心翼翼捧住兩個M記餐行過去。
「仲成！你買完野食返黎啦！」敏兒見到我向住佢坐低既方向行緊過去
「係啊！」我再望一望岩岩同敏兒笑得好開心果個男仔。
「等我同你介紹，呢一位係既同事佢叫Justin啊！」敏兒向我介紹坐起佢旁邊果個男仔！
係一個幾高大個樣都唔差既偽ABC ！點解我會知道?因為睇佢一身既裝扮同埋帶有美國口音既英文就知。
「Hello! My name is Justin ! Nice to meet you ！點稱呼你啊！」哦！明 哂啦！原來係識講中文既，重識用「稱呼」呢個字眼，即係又偽唔哂喎！
「Hello ! 我叫李仲成！」我用霸氣既聲線講出我既「中文全名」。
「仲成係我男朋友黎！」大家留意返，敏兒係用「男朋友」呢個身份介紹我比佢既「同事」認識。
當佢聽到我係敏兒男朋友之後，即刻用佢雙眼將我由頭掃到落腳， 跟手望住我手中捧住既M記餐。
再加多一個帶有少少鄙視既眼神，我好肯定唔係我諗多左！
雖然我平時都冇咁善於觀察人地既言行舉止，但我都重識得分係善意定惡意眼神。
做咩姐佢而家....佢唔係以為自己好撚型下話！
「Oh ! Well ! 我今日係同屋企人黎玩！因為我既Cousin呢佢今日fourteen year’s’ old birthday ! 所以我地黎ocean park 係同佢搞個birthday celebration ！ 」
我心諗 well 乜春姐你！你個seven head 一係就型啲全部speak 哂english 啦！Fuck You！
重有其實佢個s音真係唔洗發得咁重，唔知重以為佢急屎啊！
「哦！咁你地玩得開心啲啦！」敏兒竟然向住佢露出甜美既笑容！！！
不過又唔可以咁講既，就算敏兒對住啲貓狗都係笑得咁燦爛架啦！
但我相信敏兒完全見唔到佢岩岩鄙視我既眼神！
「You too！敏兒咁我地Monday返工見啦！Bye！」佢好熱情地望住敏兒同佢揮手講拜拜，跟住再好快望一望住我露出0.01秒既微笑然後轉身離開。
仆佢個街！我深信呢條友一定係對敏兒唔多唔少都有啲意思。
佢走左之前....敏兒第一句講既說話....竟然係讚佢條仆街！！！
「Justin佢份人好肯幫人架！我岩岩入廣告呢一行好多野唔識都係佢教我同解釋比我知架！」我睇得出敏兒真係單純到以為呢個Justin只係純粹出於樂於助人既精神黎幫佢。
「乜係咩！咁我地快啲食完野就去其他地方玩啦！」我都費事再講起果個乜野「側田」，冇理由同敏兒講要小心啲佢架嘛！
所以都係算數啦！今日要玩得夠盡興！
唔好比啲無謂人影響心情！ 當我地經過遊戲攤位既時候，敏兒見到一隻企鵝公仔停起到話好得意！
「你想要啊？我去玩黎贏比你啊！」我望住獎品欄上面呢隻企鵝公仔，再同自己講我一定要將你拎落黎送比敏兒！
「唔洗啦！我地行去玩其他野！」敏兒夾硬拉左我走，我諗係因為佢唔想我嘥埋呢啲無謂錢...
「 I WILL BE BACK ！」無錯！呢一句係我起內心入面同隻企鵝講的！
我地行左走玩「滑浪飛船」，因為今日敏兒著左件白色衫既關係，我突登買左件雨衣比佢著，費事佢件衫濕左會透視。
人地女朋友就話冇所謂姐！自己女朋友你就緊係唔會想比人睇蝕哂架啦！
敏兒一見到「滑浪飛船」既牌，就一枝箭咁衝左去排隊！
「滑浪飛船」永遠都係好受人歡迎，相比起其他機動游戲呢個都算比較多人走去排隊玩！
等左十分鐘左右就可以上船，我揀左坐船頭而敏兒揀左坐船尾。
大家玩過「滑浪飛船」既都會知道其實最刺激都係最後沖落去果一下！跟住啲水再飛埋黎塊面到其實都幾爽，如果係夏天既話！
「好緊張啊！最尾衝落去果下既離心力我會好驚架！」當架船跟著路徑向上升高既時候敏兒已經表示好驚。
「有排都未到沖落去果一下啦！上到去都係勁悶睇下風景聽下聲咁架炸！你連「動感快車」都咁玩，呢個對你黎講濕濕碎啦！」
「咩啊！明明「動感快車」係你逼人上去玩架炸！」敏兒不忿地說道
「 但岩岩排「滑浪飛船」既時候你重係咁話好想快啲玩架！」我用無奈之中帶點搞笑既態度講出呢句說話
「哈哈！又好似係喎！不過有你陪我玩我個心都會踏實啲！」希望當敏兒回想起佢過去失去左親人傷心欲望既時候，佢會發現到佢並唔係自己孤獨一人，因為佢身邊一直都有我，而我會起佢身邊陪伴住佢。
「前面就係落斜坡啦！點解咁快既！」敏兒真係幾搞笑，反而冇心理準備既過山車佢都冇咁驚，應該係因為太快速都未有時間去驚。
「3 2 1 ，沖落去啦！ 」我起到倒數緊，敏兒就未沖落去已經尖叫定。 沖落去果一刻既快感真係好撚正！以前細個玩係會覺得離心力好勁，但都重要不停排隊玩多幾次先捨得走。
童年係對一個小朋友既將來好重要，會好直接咁影響到佢長大既身心發展。
而「童真」係一樣有錢都買唔到既心境。
但眼見而家香港既小學生，放左學就去補習重要參加勁多興趣班，連幼稚園都話要上咩interview班重有乜春野「學前準備班」等等，淨係報幼稚園都要報幾間學校，真係好撚恐怖。 唔知由幾時開始，起香港讀書既小朋友已經要學識明白乜野係「贏在起跑線」
而最恐怖係一班「怪獸家長」覺得咁做係正常，因為人人都係咁啦！我咁做好正常姐！基本上已經變成左一種社會既風氣！
呢個亦都係最可怕既現象，一班月薪幾十萬既教育局「高官」既所謂改善政策，根本成效就唔大！
前果排成日聽到學生跳樓真係感到好心酸，無論小學，中學，定大學生都有呢一個因為「讀書」壓力大而自殺既問題..
「治標不治本」既改善政策只不過係為左hea交功課。
2016既DSE教生，就算結果係點都好，總會有出路的！唔洗下下都灰機諗定「2017一定得」既！
「喂！仲成！哈哈！反而係你嚇到呆左起到既！」敏兒拍一拍我膊頭示意叫我落船。
「我係比你嚇到呆左啊！架船都未沖落去你就開始起道尖叫！我真係耳都聾啦！」我一面無奈咁望住敏兒，但就當然係玩野架啦！
「哈哈！你點捨得聾啊！你聾左咪以後都聽唔到我把聲囉！」敏兒用好囂張既語氣但又夾雜住佢把甜美既聲線講呢一句說話
「你又岩喎！冇你把聲起我隔離煩住哂我又真係會唔係幾習慣！」如果可以比敏兒煩足一世，都係值得的！
玩完滑浪飛船已經係黃昏時間，我地都準備搭纜車落返山腳睇下有咩玩。 每次行去搭纜車既時候，總要行一條「奪命斜坡」。
雖然條斜坡唔係好長，但當你玩完成日已經攰到想死既時候，你就知呢條斜坡會有幾攞命！
雖然我一直都冇話特別鍾意搭纜車，但而家企起我身邊果個人係敏兒喎！所以我都幾期待一陣去同敏兒去搭纜車！
我個腦裡面亦都起道開始ff我同敏兒兩個人獨自坐住起一個車廂，起半山中欣賞迷人既風景。
好好彩基本上去到已經可以有纜車坐。正啊！唔洗排隊。下一架就到我地喇！
當我懷着興奮既心情上纜車既時候，我聽到一把令我煩厭既聲線。
「Hey guys ! 咁岩既！ Are you ready to leave now ？」仆你個街，你地冇估錯！又係果個煩膠「側田」！佢做咩成日都老是常出現架！好似鬼咁撚樣跟住哂！
「係啊！我地落返山腳玩一陣就準備走喇！」敏兒永遠對咩人都係咁nice..
「Yeah ! Alright ! Same as you ! 但我family坐左前一架cable car走左！因為佢地岩岩好夠人so they have left me alone .. 」佢又中又英真係好撚煩！做咩姐而家！我心諗關我春事咩你自己一個搭纜車。
「三個人，黃色呢架！」 嘩！唔撚係啊！發生咩事，個工作人員見我地三個傾緊計以為我地係一齊，示意叫我地同一架。
當我以為呢個「側田」會識做自己話搭下一架纜車既時候...佢條屎忽鬼竟然上左我地搭果架纜車....
最恐怖唔係佢上左我地架纜車，而係.....
佢竟然望住我地講左句： 「 Hey ! Let go ! 」
但我好快就知道原來最令我震驚既事情都未發生....
就係起下一秒敏兒又真係一齊上埋架纜車....
我果一刻真心呆撚左咁望住敏兒.... 敏兒佢用眼神示意叫我一齊上架纜車。
我心諗...究竟而家發生咩事...點解冇啦啦會變左我地三個一齊坐。
但我重有得揀咩...唔通我拉返敏兒落車再同佢講「Go =16pxfuck=16px yourself」咩！
我知我可以咁樣做...但佢話哂都同敏兒同一間公司，朝見口晚見面，如果我真係咁做敏兒聽日返到公司一定會好尷尬。
所以我算撚數！求神拜佛架纜車開快少少，因為我真係對多佢一秒都唔想。 最後我都係逼於無奈咁上左架纜車.....
一上到車，個煩膠「側田」又開始不停中英夾雜咁一輪嘴講野...
「阿成，what is your job ？」心諗真係同你好撚熟咩而家。
「我做寫字樓架！」當佢問我做咩工作既時候，敏兒都有好自然咁望一望我，所以我只好回答佢既問題。
「起寫字樓返工？係咪即係office boy 啊?Excuse me , 我既chinese 真係not really good ，希望你唔好mind我咁問你！」佢究竟想扮到幾時...佢返左黎香港做野幾年，我真係唔撚信佢中文係差到咁喇！
「可以咁講。」我只係好冷淡咁回應左佢就算鳩數，我真心希望佢可以靜一靜，就算同唔到敏兒兩人世界都唔緊要，起碼唔好有條友起到嘈撚住哂。
「係喇！呢張係我既business card！」佢起佢褲袋到拎左佢張卡片比我，我真係唔明點解一個黎海洋公園玩既人都會隨身袋住張卡片。
我接過左佢張卡片之後就冇理到佢，我睇都冇睇就塞左落褲袋到。
之後我心入面已經打算一落車第一時間要做既野就係搵個垃圾桶扱左佢張卡片去，就算比人恥笑我小學雞我都要咁做架
啦！
敏兒應該到feel到而家既氣氛有少少怪，所以佢就主動開聲打破沈默。
「仲成你肚唔肚餓？一陣你想去食啲咩啊！」敏兒佢主動問我問題，而唔係果個justin !
「我都有少少肚餓！我地到時出返去再決定啊！我就食咩都冇所謂，你鍾意食邊間我地就去食邊間啦！」我用一個有風度既語氣同態度去回應敏兒所問既問題。
「我一陣同屋企人去食buffet啊!Are you interested in joining us ? 」嘩！屌！真係你請我去我都唔會去啊！
「唔洗啦！費事阻住你同屋企人慶祝生日喇！」敏兒好快就禮貌地拒絕左佢
「 That’s fine ! Doesn't matter ! Maybe next time ! 」佢對住敏兒笑哂口咁話冇所謂....真係虛偽係到呢.... 期間佢都有同敏兒講下公司既野，咁佢地公司既運作我又唔清唔楚，所以都費事出聲！
雖然敏兒睇落同佢有講有笑，但我相信都一定係出於禮貌上既回應。
呢一程䌫車就好似搭左好很耐，永遠都見唔到盡頭一樣。
救命...點解佢可以咁多嗲....我真係想同佢講
「 I don’t know what 7 you talking about ! shut the =16pxfuck up ! 」 而家我唯一可以做既野就係...一直向前望，只要見到有強光既地方，我就可以同敏兒一齊離開呢個「密室」架喇！
對於我黎講，同呢條友一齊坐䌫車重慘過起密室焗死！
過多一陣，我最期待既畫面出現左喇！我終於見到前方有個終點站喇！
我無法抑壓住我內心既興奮，好自己咁講左句...
「終於到喇！」我露出興奮既神情望住旁邊既敏兒
之後佢地兩個都靜左一靜…我見自己冇啦啦咁大反應好似好撚柒咁...
所以好快說加左句：「因為愈坐愈肚餓，好想快啲出去食野！」我尷尬一笑
呢個時候敏兒都開聲話： 「哈哈！我都係啊！今日玩左成日真係又攰又肚餓！」我唔會因為岩岩敏兒同果舊Justin 傾計而嬲佢，因為我好清楚敏兒既性格，佢對住任何人都係笑面迎人。
我只係唔鍾意條死狗公姐！岩岩晏就撞到佢既時候都已經知道佢條友咩料啦！
當䌫車一到終點既時候，我就極速拖住敏兒隻手落車，再用一秒既時間同果條煩膠講拜拜。
大佬啊！我真係走都走唔切，人生之中第一次咁想去避開一個人。
「okay ! Bye ! 敏兒 See you tomorrow ! 」當佢講呢句說話既時候，我刻意望一望佢！我留意到佢係帶點囂張既眼神！
頂佢個肺啊！臨走都要提下我佢地聽日會再見。即係擺到明講出我聽姐！
我同敏兒之後起山腳行左一陣，再搭小巴出旺角食野。