【夢幻】《我從來冇諗過我會有咁正既女朋友》: 【外傳一】 漫淇的自白
各位好對唔住，由一開始月頭話出外傳拖到而家，起呢道充心同大家講聲好對唔住。
更加要同一開始有起高登追故既讀者致萬二分抱歉。叫你地黎紙言追外傳，又要冇文另你地失望我真係感到十分抱歉。
真心好多謝大家既體諒.....
因為外傳會有接近6000字，所以會分開外傳一，外傳二。
外傳二會聽日出！
【外傳一】 當我合埋雙眼，正準備開始入睡既時候....
我個頭又開始陣陣作痛...
唉...我個偏頭痛症又開始發作喇....
當我發現自己成日頭痛既時候，我去左睇醫生 。每當我頭痛症發作既時候簡直係生不如死。
醫生同我講係冇得醫，只可以用藥物減輕我既痛楚... 我起身食左醫生開比我既止痛藥，過左一陣藥力開始產生功效，痛楚漸漸減弱，我先可以真正訓到覺。
我而家先得22歲...但我呢一世都要靠藥物黎減輕我既痛楚....我重有好漫長既路要行，我真係唔知點捱落去。
呢一刻我起道諗...
如果個天肯比我有一樣野可以同呢個將我折磨就死頭痛症交換，我會願意。
同大家簡單介紹下自己啦！我叫鐘漫淇。我個名同我個樣都係一樣，只係一個好普通既香港女仔。
但我並唔係大家口中所講既「港女」，身高155cm,帶黑色眼鏡，冇五官突出既標緻輪廓亦冇美滿既身材，只係一個樣子好平凡既女仔。
我身邊朋友唔多，主要係因為我既性格唔係太識socail , 出到黎做野真心覺得個社會好複雜。
好多人都話學校係社會既縮影，我亦都好認同呢個講法。
但好好彩我起中學識到一個好好既朋友，佢就係敏兒。
敏兒同我既性格好唔同，我比較沈默寡言而敏兒就活潑開朗。
可能因為我地性格可以互補不足，所以我地成為左一對好朋友。
但世事難料...我又點會估到...上天要將咁多不幸既事發生起一個咁善良既女仔身上。
我腦海裡不禁地回想返當日起醫院既情況....
起我眼前係敏兒既初戀男朋友，李仲成。我地三個都係讀同一間中學既同學，而我亦都見證住佢地又相識，相戀直到相愛。
今日天公不作美，成個天都烏雲密布，就好似描述緊我地三個既心情一樣。
仲成佢雙手緊緊地攬實敏兒....眼前既敏兒面色蒼白，眼見而家呢個情景，我個心隱隱作痛，好似被針扎一樣。
當敏兒佢起醫院同仲成講呢一番說話既時候，我感受到敏兒對仲成既愛。
敏兒對仲成既對白，到呢一刻我還記憶猶新。 「你可唔可以應承我，如果我真係昏迷左你唔好等我...我唔想見到你咁辛苦，日日照顧住一個垂死既病人。
我唔忍心見住我心愛既人日日咁哀傷落去！生活起痛苦底下...
我知你曾經最愛既人係我就已經足夠....你再去搵自己既幸福...你應承我好冇？我知你心裡面有過我就已經滿足...」
原來當你真正愛一個人既時候，你係會痛心見佢為你而茶飯不思，終日苦苦作樂。
當時既我內心入面祈求上天.....
怕發生的永遠別發生。
可恨既係...上天亦沒有眷顧呢一對戀人...
一個月之後，我收到醫院既電話...
我最唔想發生既事...
始終都發生左。
我立即揸車趕去醫院，眼淚亦不自覺地流下，點解會有一種將要面對生離死別既感覺。
我討厭呢一種感覺...
啊…我感受到頭痛症既痛楚，我個頭痛症又開始發作喇....
我個頭開始愈來愈痛另到我沒發專注揸車，我打開手袋，拎出醫生處方既止痛藥，當時既我思緒好混亂，亦都十分之焦急。
所以我一次過服用左三粒止痛藥，希望可以快速減輕我既痛楚，盡快去到醫院。
眼前一架白色私家車起我對面行車線加速迎面而來...
私家車不受控制咁向住我呢邊衝埋黎...
我立即剎車，車身發出刺耳的剎車聲音，巨大既衝擊力將車頭玻璃支離破碎。
好大既一下碰撞聲，我個頭好痛好痛，啲血開始起我個頭慢慢滴落黎...
我聽唔到任何既聲音 …
最後一秒見到既野就係我個身有好多血....
同埋….白色私家車車主，李仲成。
當我清醒既時候，發現自己身處起一個我從來去見過既地方。
係一間以潔白色為主既設計簡約既房間。
我明明記得岩岩係揸車趕緊去醫院，跟住途中發生左交通事故。
一架白色私家車向住我方向迎面撞埋黎...
點解到我起返身會去左呢個地方既....
究竟發生左咩事..
我心中此刻有十萬個疑問，內心亦非常焦急同驚慌。 我打房門，打算出客廳了解一下而家既情況，但客廳中空無一人。
呢一個係咩地方黎...
我而家究竟身處起咩地方.....
我決定離開間屋… 當我打開房門既時候，我有一刻諗會唔會好似科幻故事咁，我打開唔到對門，之後會經歷好多痛苦悲慘既事情。
但所有事通通都沒有發生，我好順利地落到街道上。
我好肯定呢道係我出身既地方，香港。
一座座既高樓大廈，街道上既行人步速依舊咁急快。
呢一個...眼見熟悉卻又陌生既地方另我內心感到非常困擾。
雖然我而家身處起一個好奇怪既地方，但我最想知道既就係敏兒而家情況如何....
等等...
我腦海裡慢慢突然浮現撞車前最後一刻見到既畫面...
係仲成…我隔車同佢相撞左....佢就係白色私家車車主....
我從褲袋中拎出電話，打算打比仲成。
嘟嘟嘟..「你所打既電話未有登記，請檢查清楚之後再打過。」
未有登記...點解會咁架....
我決定再打多一次....
結果都係一樣...
我既思緒再次受到影響，我冇辦法理解到而家發生緊咩事。
所以我決定立即搭的士去醫院，因為本身我係收到醫院打黎既電話話敏兒昏迷不醒。 坐車起間我心神不定，神色慌張。
呢一刻既我只係想盡快趕到去醫院....
當我去到醫院既時候，我去櫃台前問當值緊既護士
「我想請問係咪有一位叫敏兒既病人昏迷送左黎醫院？」我用一面緊張既態度問眼前既護士 「請等一等而家幫你查詢下！」護士見我緊張又驚慌既神情都立即幫我查閱病人紀錄
「唔好意思！冇呢一位病人既記錄！」佢用一面認真既語氣回答我既問題
「冇可能架！明明岩岩醫院打黎話敏兒係入左呢一間醫院，你有冇睇清楚架？」
「或者你坐起道等一陣，我再向同事了解返。」我聽佢講坐左起道等....
過左一陣...
其實我都唔知過左幾耐...感覺好似過左好耐好耐咁...
「小姐！同事幫你再次核對過，並冇你所講病人既資料！」我聽到之後感到十分迷惘，比唔到任何反應。
「小姐！有冇咩野可以幫到你？」我依舊都係發呆冇作出任何回應
所有事情發生得太過突然，對於接二連三發生既事我都未有時間去作出思考。
而家...我應該點做好...
有冇人可以解答到我問題.....
當我打算再致電仲成既時候..
電話裡發出同剛才同一把既女性聲線
「你所打既電話未有登記，請檢查清楚之後再打過。」
我嘗試去質疑自己會唔會係因為當然太驚慌所以冇聽清楚正確既醫院地址...
其實我內心都好清楚知道...
我岩岩係冇聽錯到....
我決定去第二間大型醫院再問過...
當我起的士站排隊上的士期間，我聽到一把好熟悉既聲線。
我轉頭一望見到Kitty, Kitty佢就係我出到黎社會第一份工既同事，亦都係當時果間公司我唯一一個真心朋友，就算後來大家
都轉左新公司我地都有保持聯絡。
如果敏兒係我最好既朋友，Kitty佢會係我第二個最好既朋友。
我立即轉身攬實Kitty，因為今日真係發生左太多事，我見到Kitty內心終於可以平伏返少少。 「Kitty,而家見到你實在太好喇！敏兒佢入左醫院，我黎到醫院又搵唔到佢，我而家唔知點算好啊！所有人都唔聽我電話....」我好大力咁攬實佢，一路喊一路講岩岩發生既事情，或者起呢一刻我最需要既係親切感。
因為我感覺到周邊一切既事物都變得非常陌生..就好似我從來冇生活起香港呢道一樣。 「呢位小姐！你冷靜啲先！」Kitty佢嘗試將我推開，我唔敢相信佢一下動作，但最令我難以置信既係...Kitty佢唔係好似平時咁叫我做漫淇....
佢用「呢位小姐」黎稱呼我....
我露出一副驚訝呆滯既表情望住Kitty...我好肯定我眼前既Kitty係我識左三年既朋友，我絕對冇認錯人！
「Kitty，我係漫淇啊！」我雙手捉住Kitty雙膊，雙眼用堅定既眼神望住佢。
「唔好意思，我諗你認錯人。」Kitty同佢身邊既友人都比我既反應嚇親，打算轉身離開。 「Kitty ，我係漫淇啊！我地識左成三年你冇理由唔認得我架！」我好大力咁捉住佢亦都冇打算比kitty離開，因為我實在唔敢相信眼前呢一個識左三年既好朋友同我講我「認錯人」。
「你捉到我好痛！你再唔放手我報警架喇！」Kitty用尖銳既聲線叫我放開佢
「係咪痴線架條友！」kitty身邊既友人用力將我推開，然後拖住Kitty轉身離開上左另一架的士。 我比佢既無情力推左落地下....
我個心好痛....點解撞車一起身就會發生左咁多事...
成個香港都變哂...
變既唔係地方環境，而係身邊所有人同事。 我一直有上高登睇開科幻故事，點解今日所發生既事情會同平行時空既題材咁相似。
我會唔會因為交通意外而進入左另一個平行時空....
呢個亦都係唯一一個可以解釋到點解我訓醒之後會去左一個我從來冇去過既地方，點解仲成電話會冇人聽，點解醫院冇敏兒既紀錄，點解kitty會完全好似唔認識我一樣....
我開始懷疑...我係咪....
去左另一個平行時空.....
【待續】