封鎖區《Blockade Area》: chapter 4:第一個黑夜來臨
我眼前嘅二十三人都係同我有深厚交情嘅朋友以及出生入死嘅死黨...只有佢地係我可以值得信賴
「首先我地要揾下有啲咩線索可以幫我地搵鎖匙嘅碎片...會長,Wilson,Leonardo,副會長(趙敏兒)、Sherry(A班女班長,何雪莉)...你負責係一至三樓進行地毯式搜索」
跟著他們便跟隨會長從地下大堂樓梯上了一樓度,我諗交比會長應該冇問題
然後我拎左張白紙同筆比阿宇,「阿宇你同阿寧(郭小寧)、MK康、Edmond(悅家浩)一齊去睇下學校有咩地方比人改建左,以及重製一張新嘅學校平面地圖」
「你幾時要用到?」,阿寧拎着A4嘅白紙用着疑惑嘅神情望着我
「今日畫得幾多得幾多...我知時間吾多」
然後阿寧便二話不說轉身同其他人離開了,他走的時候只是搭了我一下膀頭,而我只是以「交比你啦」一句話來回應他
「冰耀、Chris(余如源)、兆學基、Alan(黄子倫)、Tim(葉樂霖)、仇子龍...你地負責四至六樓,同埋睇下天台上面個狙擊手係點,以及揾下有冇路可以上天台或者睇到出面咩環境」
好...人手分配都差吾多可以搞掂,「之後小k你同肥ken(佘浩奇)、王一誠、影子(黃晉景)去一樓機械工場度...」
我話未説完佢地已經自己行緊上去,同時間小k亦背着我揮了一下手,「等我地好消息啦你~」
佢地四個都係熱衷機械科技嘅人,成日都係工場度製造吾少發明出黎,仲要搞出吾少麻煩...不過,佢地係蝉聯三屆機械發明大賽嘅冠軍黎
我只可以睇住佢地嘅身影離開,就算我去到都幫吾到手...「拜託你地啦」
「子喻、Jodie(高海盈)、Aila(張喬恩)、阿童(羅佩童)...你地就負責地下大堂啦...」
子喻走近我嘅身旁把掉在地上嘅軍刀放係我手上,「你已經做得好好」
「抱歉...要你地...」
阿童性格一向都粗魯,雖然只係個一米五左右嘅女仔,但氣力絕對吾會輸比其他男仔,她走到我身旁撞了我一下後便拖着子喻離開,「放心啦良仔,我地都信得過你」
「嗯…多謝你地」,我只好微笑以作回應
Jodie同Aila都相繼拍了我手臂一下便跟隨阿童走向學校副翼嘅停車場度
正當Jodie走到阿童身旁嘅時候,Aila則停下了腳步轉身面對着我...
「估吾到你會留低」,係我開聲先
Aila雙手擺後微微地側着頭望着我,「有d咩估吾到呀?」
「你吾係嬲我咩...」,我嘅腦海不斷浮現出吾好嘅回憶,當時正係與依家同一個位置...
個陣我...傷害左我眼前呢個女仔...
Aila故意避開我嘅視線望向地下,「算啦...都已經過左去,而且良生你都...」
聽得出佢嘅語氣帶點失落,可是我根本吾知可以點做
今次到我移開了視線,「對吾...嗯嗯...」
我都仲未講完嘅時候Aila用雙手擋在我嘅嘴唇前,「吾好講...我想聽到嘅吾係良生你同我道歉...」
然後她漸漸把手放到我的臉頰兩旁,「良生,望着我...注視我...好嗎?」
可是我並沒有回答佢,只係再次把視線移開並放開了她雙手並轉身背對着她,「行啦...阿童佢地需要你幫手架」
突然她二話不說緊緊地摟住了我條腰,「點解我就吾得?」
我感覺到她的呼吸非常急促....以及那柔軟嘅觸感....「Ai...Aila...放手先啦...」
「你答我呀,良生,你知道我嘅心意架...我中意左你甘耐...」
的確無可否認,由我中一同佢一齊坐並認識對方之後,我已經知道佢對我並吾係一般朋友嘅感情...就算我同阿妤一齊左,佢依然單戀着我,呢份冇回報冇人知嘅感情甘就維持左五年有多...可是我依然...
「阿恩..」,係我拒絕佢之前一直都甘叫佢,「我並吾想依家講呢個話題住...」
她慢慢地放開了雙手,只是用頭靠着我嘅背部,「良生...我會等你的...」
然後佢就轉身跑走了...呢一刻我根本吾知道如何去面對佢,只是心中有種莫名奇妙嘅疼痛...揪住揪住般刺痛着...
這時我察覺到有個身影從柱後一直站着,可是我並沒有叫佢出黎,只係同佢一樣依靠著柱並望着飯堂外嘅籃球場
「全部都聽到晒嗎？」,我一直望着場上嘅籃球架,可以睇得出已經日久失修
「又吾係嘅,只係甘啱聽到姐...吾好意思」
其實我自身都冇打算怪責佢,「本身我都估吾到佢會甘」
「嗯...都過左甘耐...識你甘耐你吾係d拖泥帶水嘅人,念念不忘定係d咩?」
「我都吾清楚...」,我把握緊着的拳頭放在胸口前,「的確...我自己都分吾清楚」
「分吾清d咩,係友情定錯過的愛情呀...」,佢呢一句帶d諷刺嘅感覺
「哼…自我者唯獨軍佑也...」
呢個人係我由中二認識到依家嘅電腦奇才真軍佑,仲要係一個超級駭客...中三個陣佢只係用左7分鐘就搞塌左學校嘅系統,導致全校停課一星期
軍佑佢係一個好識得觀察人心嘅人黎,對住佢係講吾到大話
「良生你打算要我做咩...你應該清楚知道呢間'學校'係冇電腦...」
「吾係,只有一個地方有...校務處,唯一禁止我地入嘅地方」
軍佑突然叫左一下,「yo~ush!既然有電腦就冇問題...不過,點入去先係問題」
「我需要d時間,而且...我有另一件事想你調查一下」
「邊個係內鬼嗎...要係百幾個學生之中度搵的確有d困難」
「嗯…麻煩你啦」
軍佑嘆了一口氣並沉默左幾秒,「當初同你散伙...就係為左今日?好似被你計好晒甘」
突然間我諗起以前同阿妤捉棋個陣,次次都睇住佢埋頭苦幹甘諗下一步點行嘅時候,我都會突如其來甘將佢軍
然後佢就會伸展雙手並向住天花板大嗌,「哎～！又輸啦...」
當佢扁嘴對住我個陣,我就會揑一揑佢嘅臉頰,「吾好扁嘴啦~一係再黎多局啦」
「咪姐係又要比你捉弄我,吾制!」,跟著佢就會另轉面並哼我一聲
之後我就會走到佢身邊並攬住佢條腰,而且係佢耳邊吹幾下風
「哈哈哈…哈哈,好癢呀!吾好再吹啦!哈哈!」
「笑返咪好囉!」,每次佢都會因為被我攬住左所以走吾到又反抗吾到,只可以被我甘折磨
「真係呀～點解次次都係良生你赢架,好似被你計好晒甘...」
每次我都會微笑回應佢,「食腦啫~!」
「車~~又係呢一句...哼!」,然後佢就會繼續甘不斷哼我,而我當然吾會再吹佢耳仔啦
「不過...當然吾夠妤妤你甘醒甘叻女啦~」
「仲有呢~?」,次次甘講完佢就會好有自信甘追問我
「um....冇你甘聰明,你係最聰敏最可愛同最醒目嘅!」
「仲有呢?」
「仲有....呃....仲有....呃...呃...」
我都仲未講完佢就突然轉身偷吻我,我瞪大雙眼凝望住佢...佢雙手撟住我條頸,並同我鼻尖對鼻尖
「仲有就係最中意你呀!蠢!」
呢一瞬間我係佢眼中睇到我,我地嘅眼中亦只有大家,深深甘凝視着對方....
「我會留意下,但正如你所講,我地需要嘅係時間」,軍佑嘅一句話將我係回憶中帶回現實世界...一切都好短暫,但好令人心痛...
「嗯…拜託你啦」
然後佢就向我用日文講左句再見之後就離開左飯堂反回課室
「今日真係拜託左好多人...」,我自然自語甘講左一句之後就坐左係度,係飯堂最角落嘅個張枱就係任我行伏左係度訓教
我慢慢甘行去佢度並坐左係佢對面,我都仲未開口佢就伏住係度同我講野,「艾良生你想點...」
「我...我希望你可以助我一臂之力」
「恕我拒絕...至於原因你應該好清楚...一個否定自己嘅人,有咩資格去決定别人做野」
任我行嘅一句話令我無言以對...所以我就企起身離開左飯堂
時間一分一秒甘過去...依家都已經日落了,除左我地之外,其他人都有去調查呢一間學校...但好可惜結果都係一樣,所以根本冇d咩情報可以隱瞞
根據情報得知,三樓嘅電腦室都被人改建成放滿儲物櫃嘅房間...可是儲物櫃裡面卻空無一物。而我地每個人嘅locker亦放左一把軍刀同刀套,其餘嘅locker都係空空如也,反而教員室則改建成浴室,連副翼校舍嘅教員室都改建成醫療室並有齊所有急救用品,鹽水,葡萄糖水都有齊晒。不過所有往天台嘅樓梯都被人封死了..唯一只能夠從禮堂旁邊嘅爬梯上去...
我綜合了各種情報後則一人企係自己班房外嘅走廊度睇日落時夕紅色嘅天空
可以聽到籃球場仍然有其他學生係度打波,籃球與籃板或框架碰撞嘅聲,波鞋同地面摩擦時嘅吱吱聲,大叫傳波或者打手嘅聲,一切都聽得好清晰...
「估吾到佢地仲有心情打波」,阿宇走到我嘅身旁
「就當作係放鬆下心情...始終...我地都吾知可以點面對好」
「你都啱...的確我自己都好迷惘」,阿宇伏左係欄杆度嘆息
冇錯,我地在場甘多個都吾知可以點做...一時三刻都接受吾到眼前嘅一切,然而...令人恐懼嘅第一個夜晚,亦即降臨
*****
"唦唦....各位同學,現時已經晚上10時25分,全校將會在5分鐘後停止飲水供應及電力供應,請同學們回到室內休息並禁止在11點後出外行動...以上係Mr Sunshine報告完畢"
晚間嘅全校廣播使我們全部人都突然間停下了手上嘅工作...不知不覺間已經到左我們畏懼嘅黑暗時份
「良生...」,在場嘅人都望着我並等待着我下達嘅命令
「嗯…」,然後我深呼吸了一口氣,「接下來...一誠,冰耀會同我落去下面度...其他人都吾可以離開課室」
「等陣!我都要一齊去」/「仲有我都係」,繼小寧提出了建議之後,MK康亦提出要跟埋我地一齊去嘅建議
「吾可以,首先對方係殺人犯,其次我地根本吾知對方實力係點」
MK康一激動起上黎根本咩都聽吾入耳,「所以咪更加要多d人合作啦屌,始終以一敵五吾係好d咩?!」
「良生佢講得冇錯,我地根本冇學過點去面對一個識得殺人嘅人...單憑你所謂嘅武力係打吾贏」,小k亦開口幫我辯論
「嗯…而且我地吾係以戰鬥為前題嘅,所以今次吾需要甘多人一齊去,我仲有另一件事要拜訪你地」
「你打算點做」
我拎出了筆畫嘅地下操場平面圖,「我今次嘅目的係要入校務處裡面,既然之後將會停止電力供應,甘校務處嘅電子門都應該會停止運作...所以先需要小丑係下面巡視」
冰耀拎左支筆係平面圖上面畫左三條軌跡,「計劃就係我地將會係三個不同方向前往校務處,姐係話...我地三個都會有三分之一機會遇到小丑...正如良生所講,我地要盡量避免戰鬥,所以一遇到小丑就要立即逃跑...但同時亦吾可以跑去冇瓦遮頭嘅地方...所以...」
突然佢將說話停頓左,其他人都開始疑惑起黎...所以就由我黎解釋,「所以...基本上一遇到小丑就等同於無路可逃...姐係我地三個之中,有一個會成為犠牲品....」
「吾得!」,會長突然扯起我嘅衣領,「你吾係話過絕對吾會比任何人死咩?!你甘樣以犧牲人地達到目的...同阿晞有咩分别呀?!」
「你覺得我係d甘嘅人咩」
「咩話...」,會長疑惑了一會兒之後便瞪大雙眼望着我,「吾通你....一開始已經打算...」
忽然間眼前一片漆黑,所有燈光都熄滅了,我甩開了會長對手之後便行去小k嘅身旁,「如果我輸左...佢地就交比你」
「恕我拒絕...我知你一定會返黎...good luck」
「嘻…I hope so...」
但我好清楚...過吾過到今晚,仍然係未知之數...唯一可以肯定嘅,就只有...我地係毫無勝算