眼前一共有五個敵人,當中只有許崇德一個係拎住武器,目前先要解決左呢個四個人先

「同我搞掂艾良生佢!!!!」

這時企係我左邊嘅莊梓燊衝上前來,我馬上捉住佢嘅手腕再推佢去許崇德嘅面前,然後再轉身抓着一個穿橙色衫嘅同學衣領一下子推向黑板上

正當佢反抗嘅一瞬間我捉住佢嘅右手並反去身後再向上一推...「咔」的一下骨折聲連同慘叫聲一同傳出來,然後我再扔佢去另一個衝上前嘅學生度

我再跑上前一腳撐開原先企我背後嘅同學身上,在倒地之時我馬上用膝頭壓向佢嘅胸骨前,再一個轉身接實了着恤衫嘅拳頭,我把他拉近了我的面前並用額頭撞向佢嘅鼻樑





企返起身之後有個同學舉起了張椅打算扔向我度,同時間我一下踢後了他並搶走佢手中嘅椅子再當頭車埋去,接著一腳踢向佢下巴,係佢倒下之時再握緊椅腳用力扔向佢個頭度...

血液飛濺瞬間,我馬上跑到去身穿恤衫嘅同學面前,同時間佢嘅鼻腔流血不止,我扯着佢件衫再一下子摔落地上

然後我硬食了一個戴眼鏡嘅同學一拳,我撥開了佢隻手之後便揑着他的臉部使勁地推向牆上,再一個勾拳揮向佢嘅腹部,他隨即噴了一堆嘔吐物出來...

「依家...只係得返你一個,許崇德...」手中嘅拳頭不斷甘滴着血,而且手指都已經瘀得變成了紫黑色

「當年你就係因為黎紫妤去世而變得自暴自棄...不斷甘透過打架黎發泄自己心中嘅憤怒...最後就得到左"蒼碧之虎"嘅頭銜,我有冇講錯度呀艾良生~?」





「都已經過左去...仲有需要甘執著於呢個名咩...本來就同你冇關係」

許崇德嘅眼神突然變得息怒停瞋甘望着我「...許尚行,你應該有聽過呢名...」

係我腦海入面突然閃現了一個四周圍佈滿着火海嘅場景,眼前有一個梳all back髮型嘅男仔鼻青臉腫甘跪係度哀求我...最後我無情甘一腳踢開了他...

「嗯…係我打傷佢...亦係我遇過甘多人之中算係數一數二般甘強...佢係你阿哥,係咪?」

「係你成名之前,佢已經係東九龍區入面最令人聞風喪膽嘅人...但係你!...你奪走晒一切...佢從此之後被人睇吾起...莫講話東山再起,連抬頭做人嘅尊嚴亦被你奪走埋!」





我凝視着眼前呢個怒髮衝冠嘅許崇德「所以你先針對我,打算向我報復...」

佢並沒有回答到我,只係繼續甘拖着球棍自言自語「個一刻我已經見識到佢作為男人嘅極限...只係一個徹頭徹尾嘅失敗者...但我同佢唔同,係呢一個封鎖區入面...只有生存到最後嘅,就係勝利者!」

然後佢用球棍指着張雅詩「只要殺左呢個女人...就可以逼到真正嘅蒼碧之虎出現...黎啦!!!!!」

「停....手.....呀!!!!」

反應都未來得切,許崇德用球棍一野揮向張雅詩嘅頭頂度...「碰」的一聲,血液都濺向牆上及地上...她最後望着我微笑左一下之後便失去了意識...

「哇哈哈哈哈哈哈哈!正呀!」許崇德脱下了染上血液嘅眼鏡瘋狂甘嘲笑着...

我呆若木雞甘慢慢走到張雅詩嘅身邊並抱起着她那傷痕累累嘅身體,我用手撥開佢臉上嘅頭髮,腦海中不斷充斥着阿妤死前躺在我胸口前嘅回憶畫面....

心中那揪住揪住嘅痛楚...再次使我嘅身體變得熱血沸騰,也變得不受控制...





「哈哈哈哈哈哈哈!哈哈哈哈哈!有d咩感想呀艾良生...不如分享比我....啊!!!!」話未說完嘅一刻我已經一拳歐向佢嘅心口之間

「咳咳...咳...黎啦...艾良生!!!!」他拎着球棍一下子衝向我嘅面前,我合上雙眼並承受了呢一棍...「碰!」一聲,我感覺到自己額頭不斷甘滲出血來...

「雅詩,你嘅痛楚我已經徹底甘感受到...」

「睇黎你已經傻撚左啦!!!!去死啦」許崇德再砸下來的一瞬間,我用左手握緊了球棍後並一拳揮向他的臉頰度,其後再一腳踢開了他

我搶左佢手上嘅球棍再用膝頭頂歪了支棍並扔在地上,然後我舉起了雙手並握緊拳頭擺出一個戰鬥嘅姿勢「係甘我地就五五波啦許崇德...」

佢隨即擦去口角嘅血液「艾...良生....就睇下邊個可以企到最後啦!!!!!」

「啊!!!!!!!」





我們二人同時間衝向對方並用膊頭互相撞擊,係呢一刻從許崇德嘅眼中我只看到充滿着的怨恨...或許他從我眼中亦只看到一絲的憤怒...

在許崇德退後嘅瞬間我立即揮出上勾拳打向他的下巴,口水並血液也隨時噴出來,但同時他也一腳撐開了我...再衝上前攬住我條腰不斷甘推我埋牆「咳...嗄...艾良生...艾良生,你去死啦!」

「啊!!!」我咬緊着牙關忍着痛,並十字緊扣合着雙手一下子砸向他的腰椎度...係佢跌倒嘅瞬間我馬上用膝頭頂向他的臉度,使他整個人嘅重心倒向後面

跟著我扯着佢件衫打算摔倒佢嘅個刻,佢馬上抓緊着我隻重心腳,令到我們都一同跌倒在地上...

係我爬起身嘅一刻,許崇德整個人撞向我面前,佢用雙手扯住我件衫拉起左我,再一下子扔我去牆度...

「咳咳....」我亦吐了一口血出來,並好吃力甘用雙手撐着地下站起來,但許崇德一腳踩向我個頭壓返我落地,下巴撞向地板嘅瞬間全身都好似冇晒氣力甘彈動不得...

他不斷用鞋底甘磨蹭着我個頭「哈哈哈哈…係我贏啦...我先係最強...哈哈哈!」

我望着對面同樣躺在地上嘅張雅詩,她半閉着眼睛望住我....並伸出了自己嘅右手手指尾向着我,口中慢慢甘說着一些話...





「艾良生...感吾感覺到,當年被你當垃圾甘踩係腳下嘅滋味...依家,就等我去取代你成為真係嘅強者...」

這時我用左手抓着佢隻腳「...你...真係好可悲...一心只係為左取代别人而去戰鬥...你甘樣...根本吾佩做一個強者....」

「你甘講係咩意思呀!!!!」他雖然用盡力甘踩着我,但我亦不輸蝕甘撐起自己站起來

強者...係自強不息...

我撥開左佢個隻腳之後再望都吾望甘用頭頂向佢個肚度,並一拳揮向他的腹部使他退後到黑板前,再不斷甘用連環拳毆向佢嘅胸膛間...

許崇德用雙手擋係係面前,我用左手伸入手臂嘅縫隙間握住佢塊面,再一下子勁力甘撞向黑板度...

「啪啦…」的一聲,黑板都凹陷左入去並出現了多條裂痕,我縮開手嘅同時他嘴裡不斷滴出口水同血絲...





我最後一個side kick踢向佢條腰度使他整個人彈起並倒臥係地上,然後我走到佢嘅面前俯視着佢「真正嘅強者...並吾係展露自己有幾強攻擊...而係,能夠承受到幾強嘅攻擊...」

他站起來後吐了一口血痰係地上「...根本就吾係...只要能夠企到最後,先係最強個個...殺左你之後,我再搞掂埋其他阻頭阻勢嘅人...

許崇德用條脷lum左一下嘴唇

...個班女仔....我一定會好好甘疼愛佢地...就由個個潘子嘅女仔開始....哈哈哈哈!」

二話不說,我一個重拳毆低左許崇德之後再騎係佢身上並不斷揮拳打向佢塊臉度,他打算用手擋嘅時候我一下撥開佢隻手並繼續毆打着他

同時間腦海裏有着張雅詩被佢虐待嘅想像畫面,以及剛才她被砸傷嘅畫面...呢一刻我已經停吾手,只能不斷甘打佢黎發洩心中嘅怒火...

許崇德嘅右眼眼白已經被內裡的血染成了鮮紅色,鼻樑亦歪至扭曲....滿面瘀傷嘅佢放棄了反抗望着我「咳咳...殺左我啦艾良生....呢個先係...你拯救其他人...嘅唯一方法..」

我漸漸甘舉起滿是血液嘅拳頭,手中嘅汗水已溶合着血液並滴落在許崇德嘅臉上...

「啊…!!!!!!!」

正當我打算一拳打向佢鼻樑嘅時候,突然間我隱約甘聽到張雅詩喘不過氣來甘叫停左我「....吾好呀...良生...吾好甘做...」

拳頭係擊中佢嘅時候停頓了一下...他瞪大着雙眼望住我.....表情就好像鬆了左口氣一樣甘,並呼了一啖氣出黎...「做咩要停手...」

我企返起身之後執返件褸之後l抱起左奄奄一息嘅張雅詩,佢用右手捉緊着我嘅衣領「好彩...你冇...打...落去...絕對吾...可以輕易甘...殺死一個人....」

「多謝你,雅詩....因為你我先冇行上一條不歸路」

當我打算離開嘅時候,許崇德嗌停左我「點解...點解你吾殺左我,甘樣做真係好咩吓?!簡直係...屈辱...」

「你好強,比你哥哥仲要強...但只一味為左取代人地而戰鬥,係吾會成為真正嘅強者...」

「我仲未輸...我要親手...親手打低你...就用我呢雙手打贏你!!」

然後我繼續講落去「人嘅手....係可以做好多野,可以幫助人,同時都可以傷害人...亦係人與人之間聯繫嘅橋樑,支配又好...稱讚又好...祈禱都好,手唔單只係為左傷害人而存在嘅野...」

許崇德顿時也無言以對起來,我只好繼續說道「...你想取得人地嘅肯定,就等你付出左筋疲力盡去嘅努力個刻...」

呢一番似曾相識嘅說話,不知不覺甘勾起左我之前一段微小嘅回憶碎片...

「Instead of watching someone from the back and hoping they would turn around, try finding a way to get ahead so they can see you~」阿妤躺在我的大脾度,一邊撫摸着我塊臉,一邊自言自語甘講出呢句話

「吓,你無啦啦甘講做咩...」

她只是對我微笑了一下「良生,你已經好成功甘走到我面前比我睇到真正嘅你啦~」

可惜回憶就係呢一刻已經完結了,估吾到阿妤對我講嘅野...會令我到今時今日先明白佢真正嘅意思...

我回頭一看望着許崇德,他躺左地上哭泣着...或許他已經明白自己一直所做嘅,只是毫無意義甘模仿人地嘅影子,但到頭來還是白費了一切...
已有 0 人追稿