封鎖區《Blockade Area》: chapter 14:全城追捕
距離良生佢失蹤保守估計已經過左一日有多,但仍然一d線索都冇...
我從車上嘅倒後鏡望到潘子喻正在熟睡甘訓左係Tracy膊頭上「睇黎我地已經插手左單麻煩野度」
「多得你吾少囉…專心揸車啦你」Tracy佢一邊講一邊對住我反左一下白眼
這時我開左收音機黎聽....正是講緊良生佢地失蹤嘅事件....
「特別新聞報道,再有第三間學校發生全级失蹤事件,已經係三個月黎第三次發生,有唔少失蹤學生嘅屋企人都到警署同政府總部請願...亦有唔少市民同大學生在街上抗議,質疑政府嘅能力是否不足夠去比信任市民同時亦評批警方冇去盡力保護學生以及尋求失蹤學生嘅能力,究竟香港仲適吾適合市民居住仍是未知之數...政府在今次事件尚未有出作回應...而且警方已向全港作出一級警戒狀態...以下落黎係財經新聞......」
我將車停泊係路邊「你食咩,我去買...」
「um...我要個碎蛋三文治就得啦,另外買定一支水比個女仔,等佢訓醒之後肯定好多野想講」
「嗯!」
跟著我係架上面拎左一個碎蛋治同吞拿魚治落黎,以及一支屈臣氏蒸餾水...同埋我至愛嘅津路烏龍茶~
上返車之後我遞左個三文治比Tracy「頭先個西裝男同我講...佢身上背負住十億嘅價值,全城所有組織都爭住去搶走佢」
「十億...?!究竟係咩一會事,連阿傑佢拼死都要保護嘅女仔...」
「我都吾清楚,但我知道有一個人佢會知究竟發生咩事...」
Tracy佢縐了一下眉目「你講緊邊個?」
我將三文治嘅包裝盒扔出車外嘅垃圾筒之後便開車往香城日報公司「呃…當然係我地嘅老闆啦」
「楊過之!你傻左呀？！甘我地同自投羅網有咩分別...」Tracy佢立即捉住我隻右手,阻止我揸軚盤
「吾係...雖然阿傑佢話我地當中有二五仔,但佢應該唔知道我地救左個女仔,我諗佢應該係同個班西裝男一樣想捉個女仔...目的都只係為左個十億...」
同時間我拎出阿傑交比我嘅USB「裡面應該會有我地想知嘅真相...」
「你確定甘樣做真係冇問題...?」
「已經冇時間再比我地猶疑...」
不久之後已經到在我地公司嘅樓下,只係一間普通商業大廈入面營運嘅上市公司,普通人根本吾會發覺其實成楝大廈都係我地BBW嘅總部黎
Tracy佢坐返上去駕駛座度「我係附近繞下圈子先...陣間見...」
然後我便行入大廈,係安檢嘅時候有一個同我同期任職嘅成員Matt走到我身邊「喂～Sam,乜你放完假返黎啦咩?」
「呃...因為放得太耐假,所以咪提早返黎睇下有冇咩任務好做」
跟著我們二人都乘搭了lift上去公司,同時間我們亦停止了話題
雖然表面上整楝大廈都係我地嘅總部,但其中吾少嘅普通公司都只係正常嘅公司黎,當然亦好多職員都唔知道BBW嘅存在,所以基本上我地嘅對話都係受到限制
當其他人都離開晒部lift嘅時候,Matt佢先開口講野「聽聞你個學弟friend比你捉走左,件事係咪真」
「嗯，個場我都在場....只係未能夠救到...」
話未說完Matt佢拍了膊頭一下「放心啦,佢一定會吉人天相」
「希望係甘啦」良生...係我搵到你之前,千祈唔好死住...以你衝動嘅性格,肯定唔知會做啲咩白痴事出黎
「叮!」lift到達了23樓之後我便行了出去,這時Matt佢叫停了我「Sam,無論你係因咩理由返黎都好,吾好做傻事...」
然後lift門便關上了,我推開了玻璃門之後便直接走到老闆嘅房門前,這時佢個祕書Esther拎住疊文件行過來「Sam?點解你係度嘅,Simmon佢係會議室度開緊會,你要等一陣先喎」
「仲要等幾耐?」
她將食指放係下巴前並向偏着嘴向上望「um...我諗都差吾多,都開左成一段時間」
我無何奈何甘返到自己平日嘅工作枱度並開左部電腦,同時放左隻USB係枱面「究竟呢隻手指隱藏左d咩真相....」
當我開啟USB之後便發現裡面只有三個file,頭個個主要係良生佢個級嘅學生個人資料同地址...第二個係一大堆照片,起碼有成4千幾張...主要都係偷拍佢地平日嘅日常同接觸過咩人...
真係好變態,究竟係咩人策劃呢樣野出黎....佢地嘅目的又係為左d咩
最後一個file...當中最令我特別在意嘅係佢個名...[The Second-Period]...而且仲要係有密碼鎖住,究竟係咩意思?!
竟然連一d關於潘子喻嘅個人資料都冇,定還是係同The Second-Period關係?
這時Esther行到我面前「Simmon佢話你可以入去啦」
跟著我便關閉了視窗並將隻手指放返入去褸袋度
然後我便走到這深黑色嘅大門前並推着另金色的門柄,入面是一間非常大嘅房間,地下中間有一條好長深綠色嘅軟毛地毯,房間的盡頭全是落地式玻璃窗,剛好陽光都全照射入來明亮了整間房,而坐左係書枱位置嘅正係我地BBW嘅副局長,梁海文(Simmon)
Simmon佢身穿藍色嘅西裝並梳着all back嘅髮型,右手並帶曾銀黑色嘅勞力士手錶,他滿帶笑容甘望着我「做咩甘得閒返黎探我呀過之,我記得你仲有成個禮拜假」
坐係房間中間左邊沙發嘅係BBW第二位副局長,周偉權(Roy),他望到我之後便拎起枱上嘅文件係我身邊離開「我走先啦,吾阻你地兩個敘舊」
「Simmon...你今朝應該都有睇新聞,冇理由唔知我返黎想做咩」
他拎起了枱上嘅咖啡並行到背後嘅窗前,望着窗外嘅風景「嗯,我諗你都只會為呢件事而搵我...所以我先派阿傑佢去阻止呢件事發生...但估唔到你都會牽涉埋入去」
「阿傑佢點?」
「我已經派左其他小組去搵佢...但係佢地去到嘅時候,整個基地都已經消失都無影無蹤...莫講話阿傑,連一d線索都揾唔到」
「邊有可能...只係短短嘅一夜,點會做到?!」
Simmon將咖啡杯放返枱上面,依然面向着玻璃窗,他伸出了右手貼在窗面上「過之...呢個香港已經唔再安全,呢一個新嘅勢力已經逐漸入侵緊...好快就會有新一輪嘅戰爭,到時全港將會淪亡...」
「你甘講係咩意思...就連我地都阻止唔到佢地咩?!」
「過之,保護香港並唔係我地嘅責任...而係警察和政府嘅責任,我啱啱已經同董事會以及局長開完會...佢地已經一致認同離開香港係目前要做嘅事...」
我握緊着手中嘅拳頭「未開戰已經放棄...我地BBW係d甘嘅組織黎架咩?！」
「過之!你要明白...無可否認,我自己都唔認同今次嘅議決,但事實係...今次呢個敵人並唔係我地可以對付到...早前CIA以及Kingsman已經死左好幾個高層...連我地都已經失去左幾個特工...」
「Simmon...我....」
「Enough...！！」Simmon佢拍了張枱一下並正視着我「我唔可以比自己嘅好朋友去送死...我唔想睇住你死...」
「呯！」的一聲,玻璃窗被子彈貫穿了並射中了Simmon嘅心口...我立即衝上前扶住佢,一瞬間再又多一粒子彈貫穿了他的身體
「Simmon!!!」我馬上搬佢去書枱後躲避,從窗外看到對面比較矮小嘅大廈天台上有一個黑衣男拎着槍袋逃跑緊,同之前射殺西裝男嘅係同一個人...
「頂住呀Simmon!!!」正當我打算向出面求幫助嘅時候,佢卻捉住了我的手臂
「...咳...Sam...聽我講.....已經冇時間...咳咳....千祈唔好...相信任何人.....咳...個女仔...咳...」此時Simmon嘅西裝都已經染滿了鮮血,而且呼吸亦愈來愈急速
「個女仔點呀....係咪潘子喻呀...?!」
Simmon佢已經滿口都是血,但依然忍痛着繼續說話「保護佢....絕對...咳...唔可以比另一個佢搵到...咳...」
「Shit!!!頂住呀！你唔可以死!」
突然間Roy撞開了大門衝了進來,並拎出有槍指向我「楊過之!你究竟係度做咩?!」
同時間亦有幾名特工走了進來並打算包圍着我...
「你聽我解釋先....」
「開槍!！！！」連解釋嘅機會都冇就不斷向我連槍掃射
子彈不斷射向我身邊嘅玻璃同木枱,我馬上順勢拎起了張櫈並扔爛塊玻璃,一下子跳到
出外「F~U~C~K~!!!!!!!」
我係二十幾層空中大叫着,此時我一下子跌到位於樓下嘅抹寫吊機度,我立即爬起來並拉下了個操控制....反應都未黎得切,整個吊機馬上向下墜落,我拼死甘扯着個扶手欄杆,同時間班人依然不斷甘着我開槍...
忽然間其中一發子彈射中了吊機嘅控制台,整部野突然間急停並在空中左搖右擺....一下子撞入了六樓嘅寫字樓,我連人帶吊機一同在寫字樓裡衝撞,吾少枱櫈同文件都被擊飛並散落人地
「Damn....」我馬上爬起身並跑去門外旁邊的逃生樓梯,推門個一刻整個大廈都發出「鈴鈴」的火警鐘...
已經冇時間理會其他野...我不斷甘一級一級地跳落下一層,之後係落到地下大堂嘅時候已經有唔少工作人員同職員衝到落黎避難,而我亦躲避係人群之中離開大廈
跑到出去行人路嘅時候,有一架黑色嘅私家車駛到我面前並打開了車門,裡面嘅正是Tracy佢「上車呀過之!」
我二話不說便衝入車裡並關上車門,而Tracy亦踩行油門甘快速離去...
此時Roy以及其他特工都衝到出黎,我從車窗望到Roy用槍指着我地架車,但我地已經駛離一段距離,所以他只好一面不滿甘扔左班槍落地,而其他特工亦只能睇住我地離開
「你搞乜呀?!點解會搞成甘...我係對面街已經見到你係出面拆爛緊楝樓...」
「...咳...你唔好責怪我先啦...咳...」我上氣唔接下氣甘喘不過氣來...
Tracy一臉不滿甘望着我「你老實同我講究竟發生咩事,如果唔係我立即駛返轉頭」
「Simmon比人殺左,同之前石峽尾殺個班西裝男係同一個人黎...阿Roy佢以為我係叛徒所以向我開槍...」
「Simmon佢....可惡...點會甘架屌!」
好耐都冇聽過Tracy佢講粗口,所以我都反應唔切左下「呃…依家去個安全地方度避難先...之後先再解釋」
我回頭望着訓在後座熟睡嘅潘子喻...連Simmon同阿傑都拜託要我好好保護你,究竟你係何方神聖,點解甘多人都執着於你
當我望返去前面嘅時候,有幾架救護車同消防車都駛去總部大廈嘅方向,隨後亦有一架警隊衝鋒車跟在背後
這時我同車上其中一個坐在窗邊嘅便衣警察搭上了視線...我們二人就是這樣在各自的車裡並肩而過
「你有冇查到d咩野?」
「嗯，係隻USB入面我搵到一個叫The Second-Period嘅file,但係有密碼鎖住左,所以根本唔知係咩黎...」
Tracy佢從倒後鏡望了潘子喻一下「有冇關於呢個女仔嘅消息?」
「好可惜冇...但我懷疑佢同呢個叫The Second-Period嘅野有關,如果唔係班西裝男根本唔會甘緊張佢」
此時車上嘅收音機再次播出新聞報導「嘟嘟...特別新聞報導,剛才上午十點二十二分發生了一單吊機事故,當中有十二人受傷,其中二人情況危殆,分別送去瑪麗醫院以及浸會醫院救治,警方表示事件當中有不尋常嘅起因,並會深入調查,此外起引意外嘅係一名叫作楊過之嘅20歲男士,目前已經逃離現場,警方呼籲目擊者可以致電西九龍重案組求助...電話係...2371......」
「睇黎你已經被人當成係通緝犯甘追捕...估唔到佢地甘快已經將消息透露比警方」
「嘖...擺到明想將我趕盡殺絕...」
「甘你打算點做,就算同警察求助都唔會有人幫到你,反而只會比佢地更快搵到你」
我都不自禁甘嘆了一口氣「我更係知啦,而且...我根本冇打算搵警察幫手」
「你意思姐係?」
「呃…冇招勝有招呀嘛~冇對策!見步行步!」
「.....你係咪白痴架楊過之?!依家我好認真甘問你架!」
我亦用着認真嘅語氣回答佢「嗯，我知呀...我都係好認真甘答你」
「點解你次次都係甘...你就唔可以有少少擔心同緊張架咩?!」Tracy佢樣子非常生氣,但事實上我係知道佢係好擔心我
「如果連我都緊張埋一份,你仲叫我點去比安心你呀...」
Tracy佢望了我一眼之後便二話不說繼續揸車,而且從側面都已經見到佢滿面通紅...睇黎我都係少出聲為妙,以佢為人肯定會又罵我,望住佢怕羞嘅樣,其實都唔錯呀
話雖如此,但估唔到件事已經發展成甘樣嘅地步...良生,雖然唔知你知唔知道...依家嘅香港,已經唔再係你熟悉嘅香港...
之後面臨嘅,究竟又會係點樣嘅敵人...話唔係未搵到你之前...已經再冇機會見到你...