封鎖區《Blockade Area》: chapter 15:新開始
「你根本就保護吾到所有人...你只會累死佢地每一個...」阿奇嘅呢一番說話深深甘刻印係我心中,的確佢講得一d都冇錯
依家回想起係呢半個月入面,我地每一個人都係拼死甘捱過每場戰鬥...但我卻保護唔到身邊每一個我重視嘅人
究竟我應該要點做先至好...當我閉上雙眼嘅時候都不斷回憶起之前係夜晚進行嘅戰鬥,依家根本冇可能進入到校務處裡面,以前一切嘅行動都已經係白費...
這時阿宇行到我房前並蹲在地上「你唔需要太過自責,你並沒有錯...」
「佢地都係因我而死...佢講得啱,我實在太有勇無謀...」
「咁樣自責落去真係有用咩,你認為佢地睇見你咁會死得眼閉咩?!良生!」
阿宇佢扯起我嘅瞬間,才發覺自己臉上已經佈滿淚水...
「點解我地要面對d咁嘅野...點解呀...」
「我都唔撚知呀...！」阿宇一聲嘅呼喝使我整個人嚇呆了「...但係,你講過會同我地一齊共同進退架...你並唔需要一個人攬哂上身」
明明以前仲係個比我細膽嘅喊包...不知不覺間阿宇你已經變得比我更勇敢...
「嘖,竟然係又你黎鼓勵我...感覺真係一d都唔爽呀!!」我一手抓住阿宇個頭並不斷撫摸着佢嘅頭髮
突然間MK康係壁報板下嘅空隙間伸左個頭出黎「傻閪~鬼叫佢猜輸左咩,十幾個人一齊出剪,得佢一個出包...真係笑撚死我」
「仲好講!肯定係你地成班夾埋挽鳩我啦!」
小k,會長等其他人都行到我嘅房間面前並偷笑着,而阿童佢就笑到收唔到聲咁濟「哈哈哈！男人老狗兩個係度講埋啲肉麻野,真係好鬼變態...我仲以為阿宇你係正常...估唔到原來你...」
阿宇佢頓時成個人緊張起黎「咩..咩..咩事呀...我唔係基架!我中意個個係Sher...Sherr...Sherr...ry...呀...」
話未說完,Sherry佢剛好行到我地班門前並行埋入黎一齊圍觀「做咩事呀你地?成班圍埋一齊講是非呀?」
「啊…！！！！！」阿宇佢一見到Sherry嘅一瞬間立即呆滯起來,並且臉都紅晒咁一支箭跑出了人群逃走左
同時間我地一齊望左Sherry一下之後都不約而同咁大笑起黎,可能太好笑嘅關係我都笑到一邊流眼水一邊㩒着疼痛嘅腹部傷口
好耐都未試過有呢種咁懷念嘅感覺,成班人聚埋一齊有講有笑咁...
「好多謝你地...真係好多謝你地!」
小k佢托左自己副眼鏡一下「大家係friend,仲有d咩好客氣喎~」
「Oh Yeah~We are frieeeeend」Leonardo再一次用佢嘅法國式卷脷口音對住我地歡呼
冇錯...諗咁多真係無謂,明明我地都一早下定左決心要共同進退...反正我自己一個係度轉牛角尖...
這時Edmond打開了靠近走廊嘅窗口,手中並拎着一大疊紙張「好啦好啦~既然良生都已經打起精神,咁係時候做返啲正經野」
MK康馬上係壁報板下爬出黎「唔撚係掛...係都比啲時間良生抖下啦」
我用拇指抹去眼角嘅淚水「唔洗啦!全靠大家我已經好左好多啦~Edmond,你依家有d咩plan?」
「全部人一齊落黎會議室,我有d野想比你地睇下」
跟著我們都移步到地下嘅會議室度,打開門嘅一瞬間,成地都係散亂嘅紙張同文件,唯獨枱上面放左一個細细地深藍色嘅盒仔係度
「呢樣係..!」小k突然瞪大了雙眼凝視着枱上面嘅盒仔
「你知道呢樣野係咩黎?」
這時Edmond拎起左個盒並按下了上面其實一個制,盒裡面放左一個全都是金色嘅文件「呢樣野係上次小k佢地係地庫入面揾到嘅野,因為呢樣野係用二進制轉十六進制嘅密碼鎖,所以都花左一段時間先開度...我地終於開始有d進展...第一個部件...」
「姐係話我地要再係學校揾到同一樣嘅盒先得...」
「冇錯,我諗只係得返6樓仲未開放嘅圖書館入面...但前提係要拎到通行證先得...」
「屌！圖書館咪姐係同禮堂以及校務處用一撚樣嘅電子鎖...仆街!又係入唔到去...」
會長拍一拍MK康嘅背脊度「等陣先,冷靜d,Edmond佢一定係已經諗好晒要點樣做,如果唔係唔會叫晒我地所有人入黎」
我執起散亂一地嘅文件「你有咩打算?」
「嘿！」Edmond好有自信托左副眼鏡一下「可能接下落黎講嘅野會有d長,所以你地都係有個位坐低先」
然後他繼續接著說道「首先,一直以黎我地都係主要以攻入校務處為目的而逼不得已同小丑戰鬥,結果我地只能夠無功而回,並且喪失了唔少同伴...但主要失敗嘅原因並唔係我地唔夠打或者d咩野,而係地形嘅問題」
「你甘講係咩意思...係指之前都因為被室內嘅地形所局限而影響?」
「你可以甘講,的確我地比任何人都熟悉校內嘅所有設施...但可惜嘅係,我地反而唔識得去加以利用,只係局限自己行動嘅區域」
雖然我明白字面當中嘅意思,但反而呢句話使在場嘅人都聽得一頭霧水咁...
小k馬上先行提問「呃…我唔係好明白你嘅意思,照道理我地係因為有狙擊手係度先無辦法出去戰鬥...所以我地只能夠係有瓦遮頭嘅室內場所度戰鬥,唔係咩?」
「你講得一d都冇錯,所以我地要重新去鎖定嘅目標,並唔係小丑...而係個個狙擊手」
「但佢手上有槍,而且可能唔只一把」小寧係呢個時候加以補充
突然間肥ken㗳了一下手指「我地一樣都有,而且唔只一把...之前所製造嘅長火槍已經完成左,目前已經有5把可以用,而且...小k佢地之前係地庫搵到唔少好有用嘅鐵材,睇黎可以製造更多武器出黎~正!」
「Nice~!!!」我同Edmond都不約而同咁講左呢句話之後,都好尷尬咁望左對方一下並傻笑起來
「之後我地要點做?」
「係講解個計劃之前先同大家分析左樣野,咁之後落黎會容易d明白我嘅構思...首先係關於小丑嘅野,係之前嘅行動當中我發現到小丑佢出現嘅地方...係禮堂後面通去地下小食部旁邊嘅逃生通道度」
「What the fuck?!」MK康好大聲甘嗌左出黎
「良生,你之前提及過係你救張雅詩之前咪打算入禮堂躲避小丑,但因為禮堂大門用嘅鎖同校務處所用嘅一樣,所以我前日先推測到Mr Sunshine身上係有通行證.....我諗你應該get到我想講咩架啦」
此時所有人都望着我「照你咁講...由於小食部旁邊嘅逃生通道都係禮堂一部分,所以都係一樣用電子鎖黎開門....咁嘅話....小丑身上一樣有通行證!?」
小k興奮得勁力咁拍左我隻右手手臂一下「Assuredly....係咁嘅話,我地一樣有辦法入到去校務處裡面,咁都完全唔係冇希望!」
「冇錯!但前提係....我地必須先搞掂天台上面個狙擊手先,咁我地先能夠運用到更多嘅空間黎同小丑戰鬥...而我地能夠離開呢一度嘅機會亦愈來愈大」
真係不得不佩服Edmond嘅智謀同洞察力,竟然可以係咁短嘅時間策劃到一個咁周詳嘅行動...
這時會長好無奈咁嘆左一口氣「呼~但係,目前我地根本就唔夠人手去進行呢個計劃,而且會唔會真係咁順利先?」
「的確我對呢個計劃都有少許嘅保守,因為我地能夠懂得戰鬥嘅學生並唔多」
「直接衝埋去打撚死佢咪得囉屌,頂多咪拎撚住個盾鳩衝!」MK康一如既往咁諗到d咩就講咩
小k亦毫不客氣咁駁回佢「好心你講之前用下個腦諗下先得唔得呢?識戰鬥同打架勁,係兩回事黎」
「咁你又有d乜撚野建議呀?!」
「我覺得MK康佢個plan係可以諗得過」我馬上靈機一觸咁諗到一d野
同時間MK康亦露出一個眉飛色悦嘅表情「嗱~你睇下,我都話work架啦屌,係唔係先良生?」
「不過仲需要一樣野考慮,就係點樣攻上去同派咩人入去...」
話未說完會長已經搶先插入左我嘅對話入面「良生,呢點交比我同Edmond去諗啦,放心啦,今次一定會成功架」
「好啦…就交比你」隨着我亦對住會長點了一下頭
「既然係咁,我地散會先啦...我諗大家都需要d時間消化一下頭先嘅情報...」Edmond拍了一下手示意大家可以離開,然後便同會長二人係會議室到討論之後嘅計劃
當我行到出大堂嘅時候便看到張雅詩同阿奇係飯堂度一共同享午餐,而且佢仲笑得樂而忘憂咁...根本一臉怡然自得咁...
一諗起佢之前轉身離開個個表情...胸口中苦悶嘅感覺又再次揪住揪住咁刺痛着我...
這時我同佢嘅視線無意間搭上了,但一瞬間佢馬上移開了視線並且露出一個亦尷尬又唔自然嘅表情,而阿奇留意到之後也轉身回頭望左我一眼
嘖...阿奇嘅表情就可似恥笑我一樣,完全唔當我係一回事咁
「良生!」忽然間阿恩行到我嘅面前並一下子拖着我嘅右手拉走了我
我都未黎得切反應嘅瞬間,我睄到雅詩佢望着我嘅表情...就好似想哭嘅感覺一樣...
點解呢個時候...你又要露出一個咁嘅表情比我睇...點解...
阿恩一語不發咁一直拉着我行到去副翼大樓嘅樓梯門前並背對着我
「阿恩...那個....」
「我只係唔想良生你又再次唔開心啫...只係咁簡單...」她回頭對着我微笑,係佢眼角中看到有些少紅筋...
根本就係啱啱喊完黎,睇到佢咁唔知點解反而加深了自己嘅內疚感
「良生你唔好望住人咁耐啦...其實我都會怕羞架...」阿恩用雙手揑着我塊臉,勉強咁幫我整個笑嘅表情出黎「笑下啦...好嘛...?」
點解要對我咁好...明明我以前對你咁冷漠,無視你對我嘅感情
係呢一刻,我嘅眼睛已經徹底咁只是注意着阿恩並不自禁地將她抱入懷中,緊緊的攬實左佢「多謝你...阿恩...」
她亦將身體依靠在我身上並抱緊着我「你個心跳得好快喎....」
「咪因為你囉....」
「嘿！」阿恩同樣眼中只有我,深深的注視着我...然後她將雙手放在我胸口前並漸漸伸高整個人...
我也感覺到我們二人嘅呼吸逐漸變得愈來愈急速,最後我彎低了身體吻下去,阿恩閉上眼睛嘅瞬間,眼角也流下了一滴眼淚
那柔軟嘴唇嘅感覺,使我整個人都放鬆下來...就好似魔法咁一下子將之前傷感嘅心情都消除了
「良生....我....」阿恩滿臉通紅咁凝視着我,而且心跳聲亦大得即使隔左少許距離依然聽得一清二楚
我用右手撫摸着她的臉頰,同時開她亦捉緊着我嘅右手,並且一邊微笑一邊流淚,我也為她抹去臉上的淚水「阿恩...好多謝你一直以黎都留係我身邊,我想無論開心又好...唔開心都好,都有你陪伴着我...好嘛?」
她瞪大雙眼呆滯咁望左我一下之後便將額頭貼近在我身上「好奸茅呀良生你.....咁樣都算同人表白咩...」
然後阿恩沒有出聲再次攬實着我,但今次我已經確實感覺到到她的心意
如果你問我中意一個人係咩感覺,我會話就係想佢永遠留係你身邊,不論係開心又好,傷心都好...只要有佢係自己身邊,就已經足夠,我諗中意一個人就係咁嘅感覺
阿妤就算我們最後沒能在一起,我都會記得我們在一起的歲月
就算那時候的我喜歡胡鬧發脾氣還小肚雞腸,為了一些雞毛蒜皮的事和你吵得不可開交也好...我永遠都會記得曾經嘅我任性咁愛了你好久好久
呢一份心情...是不會變的