《血變異》:女皇篇 ---- 吸血鬼和狼人是一種病: 第十一章(梓駿角度)

第二日，我照常上呂雯的家，我按門鈴在門口等待她的回應。我在她的門前也能聞到她的香味，是令人垂涎三尺的香味。我分不清這是她女性荷爾蒙發出的香味，還是她身為「儲血筒」的香味，令人忍不住把她據為己有。或許因為她體內有我的血，她的香味比一般女性來得吸引。
 
我按了多次門鐘也沒有人應，難道她回父母家去? 我心裡緊張起來，突然電話響起。
 
我「喂?」
呂雯「救命呀!梓駿!佢地捉左我…」
電話換人聽了「喂?係咪莫梓駿小弟弟呀?」
我「你係邊個?」
「你爸同哥收埋左樣嘢冇比我，介唔介意比一比返我?」
我「你想要乜嘢?」




「你嘅血…」
我「下?」
「今日七點…紅燈區一號街口等!」
我「喂?喂?」已收線
 
我不清楚這是什麼狀況，我只知道呂雯大概沒有事，想一想…為什麼會提我爸和哥? 大概和我這次的任務有關，我可以問的大概只有組長。我再度回到組長
 
我打開門「組長!我想問下關於任務嘅事。」
組長正與某人討論什麼的，他示意那人離開，再說「講!」
我「我想知點解會有人要我嘅血!」




組長想了想「亞駿呀!亞駿!你知嗎…我同你爸係好朋友，由中學就係，一齊發病，一齊做任務，但…佢…你爸…從未!係從未咬過一個人!你知唔知點解?」
我「因為有定時去醫院輸血?」
組長搖頭「NO!錯!係你地…包括你同你哥…都唔需要!你地嘅血液中，有某種成份係可以抑壓病毒，對想變得普通嘅狼人而言，係良藥!對想保持狼人體質嘅狼人而言，係毒藥。吸血鬼就係要毒藥。」
我「咁唔會得我一家掛…」
組長笑「當然唔只!但已經死左幾個，逃走左幾個，仲有啲失去研究價值…」
我「失去研究價值?」
組長又笑一笑「咬左人之後變返普通嘅狼人，雖然有人生存，但亦有人血壓上升，爆血管死…」
我「你應該早講我知!」
組長皺一皺眉「你會點?咬人?你會咩?(停一停)我上面班人唔准我講…佢地理得我地班狼人死，吸血鬼又唔係針對佢地班普通人。況且…」
組長走近我耳邊細聲說「你估你亞媽係點死?」我驚訝地望著他，我媽死的原因是我爸? 我哥知道這一切?




組長走回工作枱「恭喜你!你嘅堅定換到你拍擋嘅安全!」是指你上面的人沒有殺她?
我「我諗唔係…佢比自稱女皇嘅吸血鬼捉左!」
組長瞪大雙眼「…咁你想我點?」
我「搵人救佢!」
組長「你以為佢有價值令上頭准我派人救佢?......除非救你…」
我「咁你搵定人啦!」我轉身開門，門外站了兩個狼人
組長「我唔可以比你走，門口走就冇可能，除非你有其他路(組長望向窗示意我跳下去)」
 
我實在沒有其他辦法，只好跳下去，三樓對狼人不是難事。我在街上一直逃，組長很「合作」的叫人追我。我在大街上一直跑，穿過街上林林總總的地攤，走上電車，狼人的速度絕不能小看。我在電車車尾望著兩人起勢的追，距離漸漸拉近，我跑上上層。突然電車震一震，像有什麼重物墜落，大概他們已追上電車。
 
我上到上層，人們用好奇的眼光望我，我衝到上層車尾位置，我聽到有人正上樓梯的急步走聲。我很緊張，我望向左手邊正往相反行走的電車，我上半身伸出車外一跳。「呀!!!!」我剛好捉住電車邊，一位女乘客嚇得尖叫。其中一名狼人見狀，跟我一樣跳到這電車上，他走進車內，向我踏進。我望望地下，然後放手跳下去，安全著陸!跑!
 
他們大概已追不上來，我看看電話的時間，六時五十分，我要立即跑向紅燈區。