【中學時期，我竟然被一個女仔改變晒】: 五、再夢

五、再夢
   夢入面，我再次見到果個女神。同樣既場景，同樣既觸感，同樣既人物，再次呈現喺我面前
 
。唔同既只係，今次既風好似大左D。女神帽上既絲帶被風吹左落沙上面，一向gentleman既我上前幫佢執起絲帶，再行去俾番佢。成個過程唔洗十秒，但係就好似韓劇既男女主角咁，十分浪漫。我隻手好慢好慢咁俾番條絲帶佢，眼睛就趁呢個時侯不停掃瞄佢。
 
唔知係唔係女神數值太高定點，我竟然掃瞄唔到D咩，對眼就好似得番一個功能，望着佢。除佢以外既野就好似被黑暗吞食左咁，我只係見到佢。
 
佢唔係背多分，正面睇佢真係好靚。兩邊既長髮垂下、平齊既瀏海被風吹到分開左，變成八二分界，但點整都係咁靚、眼不算太大，但又未去到矇豬眼既、左眼眼皮上仲有粒痣，卻沒有影響美貌，反而更令佢的氣質不知不覺地提高左唔少、下巴尖尖，左邊下巴亦有一粒銷魂痣、而且還有一點——佢塊面上面有雀斑。我唔知你地點睇雀斑呢樣野，但我覺得落喺佢身上既所有野都係好既，都係靚既，就好似痣同雀斑咁，對你地黎講未必係好野，但呢D野卻令佢變得完美、特別。
 
視姦完佢之後，再望望佢既眼神同面色，竟然無一絲尷尬。我唔知係佢睇唔到我望佢定點，不過我望得咁明顯無可能唔知我望緊佢。正當我估緊佢係因為咩而無尷尬，佢就開口解答我既疑惑。


女神︰「其實我知你望緊我架，不過我覺得無咩野姐。」
 
佢就好似可以睇穿我咁，知道我既心底話。我聽完佢既解答之後，依然呆着，因為佢把聲真係好好聽，唔係男人聲、唔係雞仔聲，聽落去仲有少少嗲tim。
 
女神突然又開聲講野。來吧，I am ready Iam ready！！！
 
女神︰「你打算幾點起身架?你再唔起身既話又遲到架啦！」
 
我HI！點解又變番阿媽把聲架……女神好似越黎越遠，慢慢慢慢就被黑暗吞噬左。
 


又再次回到現實……喺夢入面見過女神之後，身邊既野好似變到無晒價值咁，算啦…希望番學可以真真正正咁識到佢啦……