【中學時期，我竟然被一個女仔改變晒】: 四、初遇

四、初遇
   肥源話我係新人，所以用左兩個小息既時間帶左我視察呢一級環境。
   佢帶我睇左幾個格離班既同學。高矮肥瘦都不在話下，但我點都估唔到呢一級既人可以咁奇怪。有D個頭成個蕃茄咁，有D就又瘦又高，成隻竹節蟲咁，亦有D男仔都幾型，有D混血兒既feel。但我完全Don’t Fu cking Care，因為花心既我點會放棄呢個機會去眅下女。
 
   睇左兩個小息，一個正妹也沒有。見親每條女，我心底都不禁講番句︰幹，這麼醜的妞。
   直至第二個小息完之前既一分鐘，老師都開始成隻牧羊犬咁，趕我地呢班羊仔番羊欄。就喺呢刻，竟然被我見到一個女仔既背影，唔係，係女神既，係夢中女神既背影！！！！！

但礙於已經打左鐘既關係，我無機會上前去認識佢。但我都知佢係同級既，所以亦無打算狗衝去追佢。
 
番到屋企，我習慣唔換衫，就上床灘番陣，有時仲會訓埋。但我今日完全無打算訓教，因為個腦喺度諗緊女神既事，好想快D識到佢，但欲速則畢達也。無明顯行動先係上策。所以我決定食個飯，沖個涼就訓，唔想自己沉思喺女神度。