【我怕沒有這運氣】一個相戀十年的故事: 綿綿
「子怡已經餵左佢食飯，下畫沖左次涼，可以既話，番去叫奶奶幫佢剪指甲。」
「唔……」
「D日用品響哂袋入面，我諗應該冇執漏…不過奶奶話你o個邊都有，我都係in case…」
「妳…………妳瘦左……」
「做咩今日奶奶唔黎既？」
「佢今晚要去舊同學會…」
「講起都好耐冇見你。」
「係……」
「記住幫鍾翹纜安全帶呀！」
「唔……。」
「你唔係換車咩？」
「等鍾翹再大少少先…」
「唔。」
「有……有人等緊妳喎……」
「係…我返去喇。」
「佢接妳放工？」
「唔……。」
「好喇…鍾翹，我地返屋企喇！」
「鍾翹，同嫲嫲玩得開心Ｄ喇！媽媽好快接番你！」
「嗚嗚哇……嗚哇…嗚哇…媽媽……媽媽…」(鍾翹豪哭)
「喂……」
「唔？」
「冇野喇。」
「拜拜。」
「拜…拜拜。」雖然久別重逢，跟她卻沒多少說話，
本來準備的話題，最後沒有說出幾個，
連寒喧也不記得。
把孩子的行裝放到車尾箱，
從她手上把孩子接過來，放他到後座纜上安全帶…
沒有看清楚她的樣子，只看到她消瘦的臉頰，
她說疲倦，要回去了。
我回到車子，在車廂中呆呆看著她的背影逐漸遠去，
撓著情人的手，走入大廈升降機大堂。
車廂中，除了鍾翹的哭聲，
音響正播著陳奕迅的綿綿：
「和你也許不會再相擁，
大概你的體重 會抱我造夢，
從前為了不想失約，連病都不敢痛，
到哪一天，才回想起…我蠢。
和你也許不會再通宵，
坐到咖啡酸了，喝也喝不掉。
從前為你捨得無聊，寧願休息不要，
談論連場大雨你窗臺漏水，不得了……
從來未愛你，綿綿，可惜我愛懷念。
尤其是代我傷心的唱片…
從來未愛你，但永遠為任何人奉獻，
從沒細心數清楚，一個夏雨天，
一次愉快的睡眠，斷多少的發線……。」
http://www.youtube.com/watch?v=bc8CHsbfcK0
自從分開以後，我就打消換車的念頭，
因為這輛車實在充滿回憶。
還記得她每天坐在我左邊的座位，
每當播著陳奕迅的歌，我們也會跟著唱。
還有，每當我媽跟她一起在車廂時，
她們的「雞啄唔斷」總令車廂熱鬧得很，
男人是無法理解女人為何能夠如此健談。
有次，我在紅綠燈前跟鄰車並排，
好奇心側看一下那輛新款寶馬M5，
野馬內，裡面的情況竟然跟我這邊一模一樣，
那位中年司機看一看我，苦笑了一口，
我也報上一個勉強的笑容以作回應，
就在紅黃燈亮起前產生了一種雄性共鳴，
大家都明白，這是一種令人無奈的幸福。
這刻的車廂內，
鍾翹聲衰力竭哭個半死，
我也有著離愁的痛楚強忍著淚，
我們所愛的人也離我們而去了。
然而，想到感情複雜多愁善感的她，
其實是需要一個簡簡單單，樸樸實實的大男孩，
而不是我這個同樣感情複雜，多愁善感的大男人。
希望他能保持一直以來的謙卑對她好，
她應該得到更好。
「哇！呢個好可愛呀！老公，我可唔可以買呢個俾鍾翹呀？」
「呢個五十蚊，多朵花就二百？用黎啜奶乍喎……使唔使雕哂花呀？」
「有朵花靚好多喎！鍾翹飲都飲得開心Ｄ丫！」
「佢識風咩！男人老狗揸住個菊花奶瓶，好唔老利架嘛！」
「菊花有乜問題呢？」
「嘿嘿嘿……男人最忌玩菊花……」
「咦！！點解你咩都可以諗到去Ｄ衰野度？！」
「好得意呀呢個！」
「柯屎使唔使要個呔盤呀？你想個仔第時一路揸車一路柯屎？」
「不知幾可愛呀！我仲驚佢第時學坐廁時會跌落廁所，原來有Ｄ咁既野！哈哈哈！」
「痴線……Ｄ大陸廠用啤機啤出黎之嘛！使唔使賣三舊水呀？柯屎乍喎！」
「你都唔想個仔跌落屎坑架？」
「哇呢個正！」
「乜野黎架……」
「香蕉形牙刷，哈！咁都俾班契弟諗到出黎，好野！」
「有幾好野呀……成一百蚊一支…」
「你唔覺得個仔拎住梳蕉刷牙好有霸氣既咩？」
「又唔見你拎住梳蕉？」
「唉，點同呢！個o靚仔拎住梳蕉先過癮嘛！」
「頭先你先話男人最忌玩菊花…」
「菊花同香蕉兩樣野黎！」
「咁你想個仔玩菊花定食香蕉？」
「唔……」
「哇…呢個想點呢？」
「有呢個咪唔怕同鍾翹落街時走失囉！」
「狗帶黎個喎？妳諗住放狗呀？」
「咩狗帶呀！背囊仔黎架！多左條繩之嘛！」
「到個仔大個左睇番Ｄ相，一定嬲死妳！」
「都唔知幾可愛！」
「妳買個揸車柯屎座都算，唔俾買呢個！」
「咁你都唔準買香蕉牙刷！」
「有冇搞錯呀！」
過癮日本官方介紹：http://youtu.be/xMKhxSczJEU
「麵包超人防……防拐子佬器……？」
「係呀！你個仔咁可愛，一定會有人想偷走佢架！！！」
「防拐子佬器咪防拐子佬器囉，做乜要麵包超人姐？多個Brand又貴幾舊水…」
「掩人耳目嘛！你當Ｄ拐子佬第一日出黎做呀？見到Ｄ擬似防拐器仲唔醒水抆走佢？」
「妳又岩喎！咁但係除左麵包超人之外，仲有冇其他選擇？」
「咩姐…麵包超人有咩問題？」
「呢舊野係Ｄ死港女先會鐘意！」
「仲有…Hello Kitty…Miffy……Melody…」
「咁麵包超人啦。」
「你兩個買左成堆野番黎冇一樣野岩用既？我叫你買件口水肩，買左去邊，吓？鍾莫言！」