【我怕沒有這運氣】一個相戀十年的故事: 父癮

「鍾翹，有冇掛住爸爸呀？」 
「bo....boo....」 
「爸爸每一日都好掛住你，你應該日日都係咁打乞痴至係……」 
「乞……乞痴…」 
「咦……呢下應該係你媽咪。」 
「媽媽！媽媽！」 
「老豆呢？」 
「嫲………嫲媽……媽媽！媽媽！」 
「嘖…淨係識叫Ｄ女人名，快Ｄ叫我！老，豆！」 
「嘻嘻……嘻嘻…」



「鍾翹你鐘唔鐘意Uncle？」 
「嘻嘻……」 
「佢有冇帶你去打棒球？」 
「bo…boo……」 
「冇？我見Ｄ繼父好鐘意帶個繼仔去打棒球個喎…」 
「Ken……Ken……」 
「唉…連Uncle個名你都識叫，就係唔識叫聲老豆？」 
「嫲…嫲！媽媽…媽媽…媽…嘻嘻！」 
「呢個係邊個？」 


「嫲…嫲嫲！嫲嫲！！」 
「呢個呢？」 
「Barney！Barney！Barney！Wow！Barney！」 
「呢個呢？」 
「媽媽！媽媽！媽媽！嗚……嗚嗚…嗚……」 
「喂唔準喊！答埋我先，呢個呢？」 
「嘻嘻……」 
「笑咩呀！呢個係老豆呀！講多次！呢個係邊個！」 
「嘻嘻……」 
「哼，你阿媽一定唔知做過Ｄ乜！」 


「bo…boo……」

「喂，你兩父子響入面仲要搞幾耐呀！」 
「得喇得喇……」 
「嫲！嫲……嫲嫲！」 
「喂老細，你咁樣分明落我面乍喎！」 
「嘻嘻……」 
「嘻嘻……成日笑笑笑！唔理你，我做番正經野先！」 
「bo…bobo……」 
「唔…唔唔……！」 
「bo…bobo……」 

「呼……。」 
「嘻嘻……」 
「笑……笑你個頭呀！老豆都唔識叫！」 


「爸丫…爸……」 
「咦？原來你扮野架？」 
「嘻嘻……」 
「喂，叫多聲黎聽下丫？」 

「嘻嘻……」

鍾翹在家的時候，我就成了一個遲到早退的小員工， 
平日早上萬般不願的起床時間，我媽會抱著鍾翹過來坐在我床邊， 
鍾翹會爬到我身上當彈床般跳動，然後嫲嫲說：「錫啖爸爸！」 
他就爬到我面額旁吻我的眼簾……(小孩子真不懂選位置。) 
拿著公事包在玄關穿鞋子的時候，媽媽抱著鍾翹送我門， 
一想到十一小時後才能相見，所有上班的動力都磨滅了。 

下午，媽媽會打來給我報告孩子的日程， 


有時會Whatsapp發來照片，嚴重擾亂我對工作的專注力。 
未夠六時，我已準備行裝，只要官方時鐘一由59分變成00分， 
我就箭步飛走，比Iron Man更快。 
可惡的紅隧比平日更討厭，一步一步的向前等待進入的時候， 
我會打開音響，播放平日替鍾翹記錄的錄音， 
他的笑聲、哭聲和牙牙學語，加一點我媽從旁指導的聲音， 
讓我這個道友在父癮起時止止癮，真夠變態。回到家，我會特意按門鈴，因為鍾翹每逢聽到門鈴也會拍手叫囂。 
門打開，媽媽抱著鍾翹迎接我，感覺無比溫馨。 
鍾翹在媽媽的手臂上不停拍手，然後我就接他過來抱在懷裡， 
媽媽會說：「好掛住爸爸呀，錫啖爸爸先！」 
黃昏的親吻，是我的下巴。 

我剛回家，媽媽正在做飯，基於不能讓孩童單獨在客廳的關係， 
我拉屎時，也會帶同鍾翹一同辦公。 
坐在廁塔一邊收縮大腸，一邊跟孩子聊天， 


雖然我像個瘋子自言自語， 
他看著我，有時會笑，有時會哭， 
然後，我知道有一些關鍵字可以令他笑，一些字可以令他哭， 
例如那隻紫色恐龍Barney，鍾翹一聽到就喝采， 
例如提起媽媽，他會皺起眉頭，眼淚蓄勢待發。 
我喜歡跟孩子說話，雖說不上聊天，卻令我想起當年， 
我們還是三人行的時候。

 「鍾翹過黎過黎…快Ｄ啦！」 
「嘻嘻……」 
「黎黎黎，黎一齊聽下媽媽Booboo蕉！」 
「喂呀！鍾莫言你係咪痴線架！」 
「鍾翹，你知唔知靚女唔會做Ｄ乜？」 
「唔……唔……」 
「就係唔會柯屎喇！所以，你媽……」 


「鍾莫言你真係好討厭！」 
「嘻嘻……」(鍾翹) 
「嘻嘻……」(我) 
「你兩父子搞到我去唔到喇！」 
「舊屎依家係咪痴住左響妳屎眼，半天吊又放唔走佢呢？」 
「鍾莫言，你就一世唔好去廁所！你以後每一次大便我都同個仔響出面聽！」 
「我慣左響公司辦工…呵呵呵！」 
「嘻嘻……媽媽……媽媽……」 
「鍾翹你乖，去睇Barney，唔好阻住媽媽排毒…」 
「Barney！Barney！Barney！Wow！Barney！」 
「柯屎妳就柯屎啦！排毒！鍾翹，妳媽今日係咪食左芒果？」 
「喂呀！你係咪變態架！！！」 
「我都係估下姐……」 
「鍾莫言，我出黎你就死！」 
「姜小姐，請問妳舊屎吊左成分鐘有咩感想？會唔會啟發到妳下一幅作品既靈感呢？」 
「…………」 
「喂，姜小姐？」 
「…………」 
「姜小姐？喂……喂？」 
……………… 

………… 


…… 



… 

























「揼……」